2016.02.27 我嘅三個 blogs ，重新登場。指教指教
互聯網絡嘅發展，我係得益者。點解咁講，且聽我道來。
袋鼠國，柄埋喺地球角落頭，從來都係避秦嘅桃花園，又或者係避世隱士採菊嘅東籬。
遠喺四、五萬年前（土著叫嗰段時間做 dreamtime ），我哋人類祖先，趁住水退，由東非出發，島過島，不知如何，嚟到呢塊古老紅土大地。人類登島後，連些少有尖牙嘅大型動物都冇埋，剩返袋鼠樹熊等温柔動物。呢度冇食人獅子老虎獵豹，出夜街都唔怕會做咗人哋晚餐，對非洲祖先嚟講，除咗要避開蜘蛛毒蛇、沼澤大鱷外，呢個南方紅土地，有佢食人，冇人食佢，咁，當然係人間天堂喇。
呢班非洲新移民，移居咗南方大陸幾萬年，除咗自己打自己外，都算係相安無事，一支回力鏢就橫行南方世界，所向披靡，何需發明火熗大炮？
十八世紀，小亞細亞、中亞地區硝煙四起，將歐亞通貿易通路阻塞 （trade route ，即所謂習總嘅「一帶」）。歐洲人為尋新路，就紛紛落海，創造咗改變歷史嘅「大航海時代，Age of Discovery 」。歐洲佬唔覺意「發現」美洲新大陸，為蠻荒帶嚟歐洲文明。人類源自野獸，當然有自私嘅一面，所以亦為「新世界」帶嚟槍炮細菌和鋼鐵，guns germs and steel。北美印第安、南美印加美亞，就差不多畀歐洲佬害到種族滅絕。
新大陸，除咗掠奪資源外，仲有一個功用，就係放逐罪犯。安樂邊有永享？十八世紀末，美洲各民族紛紛獨立，歐洲佬又要再尋新天地喇。英國航海家曲克舶長喺佢嘅環球之旅，已經發現澳洲，並於1770 年四月登陸雪梨植物灣。但係咁遠水路，鬼得閒要霸呢笪地方咩？佢登陸觀光後，又登船繼續環球之旅。
不過。冇咗美洲，又唔同講法喇。1776年7月4日，北美十三州脫離英國獨立，英國海盜又要搵地方嘞。1788年，皇家海軍第一艦隊，跟住曲克船長腳步再臨植物灣，今次唔走喇。菲臘船長今次帶咗二千幾人，有官兵、少量自由人乘客，同埋被英國遺棄、放逐嘅英國罪犯。1月26日登陸，隨即升起南方大陸第一面米字旗，英國屬土自此建立。
自第一批東非新移民登陸，四、五萬年後，紅土大地又嚟咗新移民，今次呢班係白雪雪嘅新人類，而且帶嚟先進文化科技。土著攞住回力鏢，點係槍炮鋼鐵嗰皮，只好屈居二等公民。好彩澳洲土著唔多怕歐洲細菌，命運比南美印加美亞人好尐尐。
呢批英倫罪犯，被祖家遺棄，移民澳洲，刑滿後變身自由人。多數都盡心盡力，安守本份建設新家園。福兮禍所倚，佢哋嘅子孫後代，托庇於呢塊南方樂土，因為遠離塵世，居然避過多次浩劫：歐戰、二戰，乜戰物戰⋯⋯，冇一次打仗，係發生喺澳洲境內。咁樣，呢度仲唔係移民嘅天堂？
1851年，墨爾本發現金礦，吸引世界各方嘅人嚟淘金。當時美國亦有淘金熱，大家都知美國又叫金山，而三番市點解叫「舊」金山？原因就係墨爾本又發現金礦，所以墨爾本就叫做「新」金山。一睇就知呢尐係唐人嘅叫法。梗係喇，由1851 年發現金礦，到 1861年呢十年間，就有四萬二千個唐人，離開大清唐山，嚟到袋鼠國淘金。多數唐人都落葉歸根，返回唐山。但係都有好一部份人留低，而且娶妻生仔，開技散葉，佢哋絶對係澳洲嘅第一代唐人移民。我鋪頭幫咗我二十年嘅布朗太太，佢啊爺就係一個唐人，而布朗太太嘅 maiden name 就係姓 Yeh。我估係姓葉？
每次，無論世界邊度發生動亂，之後，就有大批移民湧入澳洲。第二次大戰後，每日都有船由歐洲開出，大批大批人，一家大細，攞住皮喼，帶住希望，踏上紅土大地。我鋪頭以前又有一個幫手，佢係意大利人。二戰後有一日，佢行過碼頭，停咗好多大洋船，得知呢尐船，隔日就開去美國或澳洲。咁，呢隻船去邊？澳洲。跳上船⋯⋯。呢一跳，佢就喺澳洲住咗一世。
屠猶時，猶太人經香港、上海嚟；黎巴嫩內戰，黎巴嫩人嚟；赤柬、越戰，印支人嚟⋯⋯。前幾年，非洲難民，跟住要嚟嘅，就梗係而家仲打到七彩嘅中東各國難民喇。
地理上，澳洲匿喺地球一角，確實畀咗佢一個好大嘅距離，唔使呢隻袋鼠太過接近嗰尐豺狼虎豹國家。咁又真係安全好多。就算最近嘅聚利亞中東船民，佢哋可以搭船偷渡過，搞到歐洲雞毛鴨血。澳洲咁遠，撑都撑到手軟喇，點嚟？咁，澳洲又逃過一劫喇。
不過，咁遠又好麻煩，去邊度旅行都鬼咁遠，又好鬼貴。
好彩，而家有互聯網，互傳音訊都唔使見面，又聽到聲，仲見到樣。我而家好似個宅男，一日冇咗個網都好唔舒服。平日工作、日常人與人嘅接觸，只係停留喺工作需要及社交水平。深入少少，入心入肺嘅感受，全部喺個網發生。我而家無論身處何地，可以毫無困難同各位即時互動。冇咗網絡，點做得到？
有人投訴，個網令人自困斗室，同社會分離。呢件事冇發生喺我身上，我靠個網，同我嘅親人，老友，有更緊密嘅聯繫。其實，個網同其他科技一様，視乎你點利用而已。
戲肉嚟嘞！
我用咗幾個禮拜時間，將我寫過嘅嘢，擺咗喺個網上。其實喺個 blog。因應唔同話題，我分成三個 blogs
嚤囉仔手記
kinfaichiangessays.blogspot.com.au
嚤囉仔遊蹤
kinfaichiangtraveldiary.blogspot.com.au
嚤囉仔講古
kinfaichiangmystory.blogspot.com.au
嚤囉仔手記係我嘅感相雜文，就當時所見所聞，再亂噏我所思所想。有長有短，自 2010年開始，共收集咗 200 篇。
嚤囉仔遊蹤係我嘅遊記，共有 168 篇。
嚤囉仔講古，係我自己嘅自傳，由出世寫起，暫時寫到小學畢業，共有29篇。最有趣係喺網上搵到尐舊相，相關嘅都貼埋上去，增加趣味。
唔講咁多嘞，大家得閒摷嚟睇。
再噏過
嚤囉
互聯網絡嘅發展，我係得益者。點解咁講，且聽我道來。
袋鼠國，柄埋喺地球角落頭，從來都係避秦嘅桃花園，又或者係避世隱士採菊嘅東籬。
遠喺四、五萬年前（土著叫嗰段時間做 dreamtime ），我哋人類祖先，趁住水退，由東非出發，島過島，不知如何，嚟到呢塊古老紅土大地。人類登島後，連些少有尖牙嘅大型動物都冇埋，剩返袋鼠樹熊等温柔動物。呢度冇食人獅子老虎獵豹，出夜街都唔怕會做咗人哋晚餐，對非洲祖先嚟講，除咗要避開蜘蛛毒蛇、沼澤大鱷外，呢個南方紅土地，有佢食人，冇人食佢，咁，當然係人間天堂喇。
呢班非洲新移民，移居咗南方大陸幾萬年，除咗自己打自己外，都算係相安無事，一支回力鏢就橫行南方世界，所向披靡，何需發明火熗大炮？
十八世紀，小亞細亞、中亞地區硝煙四起，將歐亞通貿易通路阻塞 （trade route ，即所謂習總嘅「一帶」）。歐洲人為尋新路，就紛紛落海，創造咗改變歷史嘅「大航海時代，Age of Discovery 」。歐洲佬唔覺意「發現」美洲新大陸，為蠻荒帶嚟歐洲文明。人類源自野獸，當然有自私嘅一面，所以亦為「新世界」帶嚟槍炮細菌和鋼鐵，guns germs and steel。北美印第安、南美印加美亞，就差不多畀歐洲佬害到種族滅絕。
新大陸，除咗掠奪資源外，仲有一個功用，就係放逐罪犯。安樂邊有永享？十八世紀末，美洲各民族紛紛獨立，歐洲佬又要再尋新天地喇。英國航海家曲克舶長喺佢嘅環球之旅，已經發現澳洲，並於1770 年四月登陸雪梨植物灣。但係咁遠水路，鬼得閒要霸呢笪地方咩？佢登陸觀光後，又登船繼續環球之旅。
不過。冇咗美洲，又唔同講法喇。1776年7月4日，北美十三州脫離英國獨立，英國海盜又要搵地方嘞。1788年，皇家海軍第一艦隊，跟住曲克船長腳步再臨植物灣，今次唔走喇。菲臘船長今次帶咗二千幾人，有官兵、少量自由人乘客，同埋被英國遺棄、放逐嘅英國罪犯。1月26日登陸，隨即升起南方大陸第一面米字旗，英國屬土自此建立。
自第一批東非新移民登陸，四、五萬年後，紅土大地又嚟咗新移民，今次呢班係白雪雪嘅新人類，而且帶嚟先進文化科技。土著攞住回力鏢，點係槍炮鋼鐵嗰皮，只好屈居二等公民。好彩澳洲土著唔多怕歐洲細菌，命運比南美印加美亞人好尐尐。
呢批英倫罪犯，被祖家遺棄，移民澳洲，刑滿後變身自由人。多數都盡心盡力，安守本份建設新家園。福兮禍所倚，佢哋嘅子孫後代，托庇於呢塊南方樂土，因為遠離塵世，居然避過多次浩劫：歐戰、二戰，乜戰物戰⋯⋯，冇一次打仗，係發生喺澳洲境內。咁樣，呢度仲唔係移民嘅天堂？
1851年，墨爾本發現金礦，吸引世界各方嘅人嚟淘金。當時美國亦有淘金熱，大家都知美國又叫金山，而三番市點解叫「舊」金山？原因就係墨爾本又發現金礦，所以墨爾本就叫做「新」金山。一睇就知呢尐係唐人嘅叫法。梗係喇，由1851 年發現金礦，到 1861年呢十年間，就有四萬二千個唐人，離開大清唐山，嚟到袋鼠國淘金。多數唐人都落葉歸根，返回唐山。但係都有好一部份人留低，而且娶妻生仔，開技散葉，佢哋絶對係澳洲嘅第一代唐人移民。我鋪頭幫咗我二十年嘅布朗太太，佢啊爺就係一個唐人，而布朗太太嘅 maiden name 就係姓 Yeh。我估係姓葉？
每次，無論世界邊度發生動亂，之後，就有大批移民湧入澳洲。第二次大戰後，每日都有船由歐洲開出，大批大批人，一家大細，攞住皮喼，帶住希望，踏上紅土大地。我鋪頭以前又有一個幫手，佢係意大利人。二戰後有一日，佢行過碼頭，停咗好多大洋船，得知呢尐船，隔日就開去美國或澳洲。咁，呢隻船去邊？澳洲。跳上船⋯⋯。呢一跳，佢就喺澳洲住咗一世。
屠猶時，猶太人經香港、上海嚟；黎巴嫩內戰，黎巴嫩人嚟；赤柬、越戰，印支人嚟⋯⋯。前幾年，非洲難民，跟住要嚟嘅，就梗係而家仲打到七彩嘅中東各國難民喇。
地理上，澳洲匿喺地球一角，確實畀咗佢一個好大嘅距離，唔使呢隻袋鼠太過接近嗰尐豺狼虎豹國家。咁又真係安全好多。就算最近嘅聚利亞中東船民，佢哋可以搭船偷渡過，搞到歐洲雞毛鴨血。澳洲咁遠，撑都撑到手軟喇，點嚟？咁，澳洲又逃過一劫喇。
不過，咁遠又好麻煩，去邊度旅行都鬼咁遠，又好鬼貴。
好彩，而家有互聯網，互傳音訊都唔使見面，又聽到聲，仲見到樣。我而家好似個宅男，一日冇咗個網都好唔舒服。平日工作、日常人與人嘅接觸，只係停留喺工作需要及社交水平。深入少少，入心入肺嘅感受，全部喺個網發生。我而家無論身處何地，可以毫無困難同各位即時互動。冇咗網絡，點做得到？
有人投訴，個網令人自困斗室，同社會分離。呢件事冇發生喺我身上，我靠個網，同我嘅親人，老友，有更緊密嘅聯繫。其實，個網同其他科技一様，視乎你點利用而已。
戲肉嚟嘞！
我用咗幾個禮拜時間，將我寫過嘅嘢，擺咗喺個網上。其實喺個 blog。因應唔同話題，我分成三個 blogs
嚤囉仔手記
kinfaichiangessays.blogspot.com.au
嚤囉仔遊蹤
kinfaichiangtraveldiary.blogspot.com.au
嚤囉仔講古
kinfaichiangmystory.blogspot.com.au
嚤囉仔手記係我嘅感相雜文，就當時所見所聞，再亂噏我所思所想。有長有短，自 2010年開始，共收集咗 200 篇。
嚤囉仔遊蹤係我嘅遊記，共有 168 篇。
嚤囉仔講古，係我自己嘅自傳，由出世寫起，暫時寫到小學畢業，共有29篇。最有趣係喺網上搵到尐舊相，相關嘅都貼埋上去，增加趣味。
唔講咁多嘞，大家得閒摷嚟睇。
再噏過
嚤囉
No comments:
Post a Comment