上世紀七十年代，有一個島國，佢發明咗一個系統，RFIG （radio-frequency identification ），呢件嘢就係八達通嘅原型。邊個島國咁把炮？咪就係袋鼠國囉。
當時，已經有政府、大機構想用佢嚟做買賣交收及身分識別。袋鼠佬連身分證都反對，點會畀你政府、大機構收集佢嘅私人資料？仲要畀你全天候監視行蹤？講笑咩？
卒之，香港八爪魚，冷手執個熱煎堆，採用呢個技術，喺 1997 成為全球第一個用電子貨幣嘅地方。而澳洲自己，則要去到 2012 年，先至應用自己發明嘅技術，推出 opal 咭，而且仲諸多限制！
呢個國家，咁重視個人私穩，將國民自由擺喺至高考慮，當然係我呢班，鍾意「帝力於我何有哉」嘅移民之首選居留地喇。
不過，好嘢點會永享？果真係千古不易真理。
三十年前，我會唔會想象到，會有呢一日，我會生活喺咁樣嘅一個世界：
# 仔女孫⋯，唔准探爺爺嫲嫲！
# 買嘢要限時限刻限地域，買完即走，唔准 brows 其他貨物。公司門口，差人仲可以 check 你買咗乜！
# 喺地圖劃個圈畀你活動，而且，限制乜嘢人可以同你一齊玩！
# 喺條街，差人可以隨時問你去邊？去做乜嘢？
離遠見到警車，個心都怯一怯，即刻諗下如果畀佢𢭃，要點講，至甩得身。
⋯⋯
恐懼呀，老友。
以上係影響緊我呢個閒人嘅退休（本來）好過癮嘅生活。其他人，仲大剂：冇學返，冇社交，冇工做，冇生意 ，親人冇得來往，死前最後一面，都冇得見！⋯，絕對係末日風情。
政府用重手，限制人民自由，哈，原來唔少人話OK！原因？
病毒殺人吖嘛！佢哋話。
世界咁大，我識得幾多？呢度，只講我居住地 ⋯ 紐修威省。至八月底：
IN New South Wales :
至今兩年內，係兩年！因中病毒，喺紐修威，死咗130幾人。而中招有二萬二千幾。
老友請注意，季節流感，喺2019 年，只係一年，就死咗 312 人！中招就有十一萬二千人！
137 ( 2 x years ) Vs 流感312 ( 1x year)
22,157 (2X years) Vs 流感112,842 ( 1x year)
我嘅問題：
年年流感都死好多人。如果病毒要封城，咁，惹得更多人，死得更多人嘅流感，使唔使封城？
即係有病毒一日，就要封城？有冇可能？
人類真係咁自大？自信可以消滅病毒？即係零感染！
大佬，人類滅亡，病毒都會繼續存在。消滅病毒？得唔得呀？
咪以為我牙擦擦，會專登同改府谷針政策死過。登登登凳⋯⋯
各位，今日我已經卜咗打針。又聽眼醫話，卜咗打 AZ 。佢話，AZ 係澳洲針，而煲呔曾做過嗰間輝瑞係美國二手貨喎。
我點解咁乖打針？
十一初，我有個單車活動，斷估佢都要你打針至踩得，而且，斷估，年尾，國內外都開返關啩，過關睇針紙，常識嚟啩，仲可能有其他活動⋯⋯，打兩針（so far) 都要成個月啩，咁，我嘅口號：
打定 袋鼠針，重奪自由身！
等我打完針，再報告
No comments:
Post a Comment