各位，
托賴，我又可以喺度寫呢篇嘢。托賴大家又可以喺個綱上傾偈。
生命無常，前一秒仲開開心心，邊個知後一秒可以大難臨頭！
噚晚，收咗鋪去上堂，落咗堂後返屋企，如常咁打電話比呀珊，佢話比我知，有香港旅行團喺菲律賓被挾持。我問，係唔係乜嘢棉蘭老島，又抑或菲共呀、回教呀嗰啲極端勢力用嚟要挾菲律賓政府呢？
馬尼拉，佢話。
唔係呀嘛，日光日白，首都喎，大佬。咁都得？
我即刻打開電視，去TVB新聞台，係袋鼠時間大約１○點幾。起初冇乜嘢，忽然開一輪槍………。跟住啲嘢你哋都知道嘞！
好唔開心！
每逢見到呢啲咁嘅天災人禍。戰爭、鬥爭、地震、泥石流………等等，人力係顯得幾咁無助。
所以我成日話，我好羨慕有宗教信仰嘅人。係唔係都好，起碼，佢哋認為知道自己最後嘅歸宿喺邊度，而且一定十分美好！係咁就正喇！
但係我信唔到囉，我認為人死如燈滅，行咗去就係咁先啦。所以我要珍惜呢一生，珍惜清醒嘅每一分、每一秒。盡量唔好令自己唔開心，想要做嘅嘢，喺自己能力範圍內，盡量去做，並且享受及欣賞自已努力嘅成果。
一定唔好認為自己年紀（唔係年幾）大喇，要慢慢嚟。啱啱相反，要快快。一有機會，就去馬喇，唔好等下次，因為唔知有冇(fingers crossed) 。
我係唔係好悲觀？唔係喎！我反而好感恩，大自然待我不薄(touch wood) ，我會快快樂樂咁去過我呢一生嘅！老老土土咁講，好似半杯水理論，我係個啲好快樂咁去擁有半杯水嘅人！
發哥喺我愛扭紋柴裹面話﹕笑又要騎，喊又要騎，咁梗係笑騎騎著數啦！
你點諗呢又？
托賴，我又可以喺度寫呢篇嘢。托賴大家又可以喺個綱上傾偈。
生命無常，前一秒仲開開心心，邊個知後一秒可以大難臨頭！
噚晚，收咗鋪去上堂，落咗堂後返屋企，如常咁打電話比呀珊，佢話比我知，有香港旅行團喺菲律賓被挾持。我問，係唔係乜嘢棉蘭老島，又抑或菲共呀、回教呀嗰啲極端勢力用嚟要挾菲律賓政府呢？
馬尼拉，佢話。
唔係呀嘛，日光日白，首都喎，大佬。咁都得？
我即刻打開電視，去TVB新聞台，係袋鼠時間大約１○點幾。起初冇乜嘢，忽然開一輪槍………。跟住啲嘢你哋都知道嘞！
好唔開心！
每逢見到呢啲咁嘅天災人禍。戰爭、鬥爭、地震、泥石流………等等，人力係顯得幾咁無助。
所以我成日話，我好羨慕有宗教信仰嘅人。係唔係都好，起碼，佢哋認為知道自己最後嘅歸宿喺邊度，而且一定十分美好！係咁就正喇！
但係我信唔到囉，我認為人死如燈滅，行咗去就係咁先啦。所以我要珍惜呢一生，珍惜清醒嘅每一分、每一秒。盡量唔好令自己唔開心，想要做嘅嘢，喺自己能力範圍內，盡量去做，並且享受及欣賞自已努力嘅成果。
一定唔好認為自己年紀（唔係年幾）大喇，要慢慢嚟。啱啱相反，要快快。一有機會，就去馬喇，唔好等下次，因為唔知有冇(fingers crossed) 。
我係唔係好悲觀？唔係喎！我反而好感恩，大自然待我不薄(touch wood) ，我會快快樂樂咁去過我呢一生嘅！老老土土咁講，好似半杯水理論，我係個啲好快樂咁去擁有半杯水嘅人！
發哥喺我愛扭紋柴裹面話﹕笑又要騎，喊又要騎，咁梗係笑騎騎著數啦！
你點諗呢又？
No comments:
Post a Comment