2010.09.14 噏得好勁揪，婉華要加油

2010.09.14

噏得好勁揪，婉華要加油

柯拿，大家好，

驚聞婉華妹妹抱恙入院，幸好及早發覺，加上醫學昌明，香港醫務人員，文明進步，醫技高超。婉華妹妹只須安心養病。其餘枝節留待醫護人員代為操心可也。祝早日康復。

炳良提出一問，「咁，我哋又為國家做咗啲乜？」咁，我又要問，國家（乜嘢嚟？）又想我哋為佢（即係邊個？）做啲乜呢？

咁問嚟問去都係太複雜，不如將呢啲嘢簡化。我哋只不過係人，只希望盡可能安安穩穩，盡可能公公平平，咁行完呢一段人生路。如果係快快樂樂嘅話就係花紅喇！所以多數人都會盡自己本分，呢啲就係付出，然後獲得報酬，以應付生活所需。做先生嘅去教學生，做司機嘅去揸車，做豬肉佬嘅去賣豬肉………you name it. 呢啲一切一切就係人要做嘅嘢喇！死鬼披頭回約翰連儂喺〝幻想〞一曲裹面唱nothing to kill or die for. 就係咁嘞。唔使再要求人民做啲乜，因為人人日日已經都係度做緊好多嘢，嗰啲有權有勢嘅人唔好阻頭阻勢就柯厘吉帝嘞！

Hi, 李〝話〞清，好耐冇見，別來無恙嗎？

嚤囉