2010.09.16
噏到周身痕，啊媽係女人
柯拿，大家好，
梗係相信香港嘅醫護人員嘅質素。
婉華妹妹轉緊房，係咪即係已經手術完成而且正在康復緊呢？
Ｋ仔你要講清楚至得架！
快快，等緊你！
收到施潔皮嘅電郵，講聲Hola先，
澳洲佬唔知做錯啲乜嘢，成日有嗰〝種族歧視〞嘅標纖刻喺額頭。
我聽唔少：「澳洲佬好種族歧視」！
我唔會話呢度冇種族主義者racists，點會冇！
我不如咁問，你話過我知，邊個國家冇？
有人話「香港冇，起碼冇人歧視我」
不如你問吓嗰啲外藉佣工同南亞人。
以下係呀媽係女人嘅偉大結論：
每一處地方都有好人又有壞人，有人會歧視你又有人會欣賞你
....................................................................
唉！！王澤話「問你怕未？」
講正經，係呢度，如果你喺街上遇到困難，會嚟幫你嘅人，多數係.....
鬼佬....哎...鬼婆，鬼妹都有。反而唐人就比較退縮。
呢啲係我嘅經驗，所以我都學咗啲，我而家比以前八卦，及好管閑事。
至於而家澳洲華人係咪淨係做餐館，洗衣舖，....而唔可以進入主流社會....
等等。
而家係乜嘢世代，仲有人問呢啲問題！唔駛我答呀話？
救命呀！
人，因為誤解或徧見而互相仇恨，真係悲劇。
講聲〝我愛你〞好嗎？
嚤囉
No comments:
Post a Comment