2010.10.06 噏吓香港雞，記性番晒嚟

2010.10.06

噏吓香港雞，記性番晒嚟

香港雞1972 

柯拿，大家好，

先答Ｋ仔，進步力量進駐後，變成一個幾普通嘅校徵，特別之處喺中間個盾裹面有ＨＫＣ三個字母，我哋各位同學仔都非常自豪，因為ＨＫＣ同ＨＫＵ十分相似者也，馬仔係咪呢？我唔識形容，附上兩張相，你自己睇飽佢嘞，一張係我中三時嘅，其中你又認得邊個呢？另一張校徽比較清楚，係1975年我做先生時影嘅，當時己搬咗去葵芳。

３羅，你睇似唔似金紫荊呢又？

老鄺，為咗我哋可以快啲睇你個故仔，我要將中文輸入特快祕笈傳授比你。嗱！聽住，唔好再學乜嘢倉頡，學得嚟蚊都瞓，我而家用緊嘅係…「ｅ貓小蒙恬」手寫板。只要識寫字就可輸入，快妥當。再用六哥輸入法加以輔助（因為有時有啲字識讀但係唔識寫也），此輸入法可在網上免費下載！如再有問題可致電袋鼠國，定必傾囊相助也。咁，為咗報答我將秘笈傳授，唔該快啲講故仔喇！

好高興聽到酸梅姐姐發聲，但係好可惜你話好多嘢都唔記得，好，一有機會，多啲出嚟，大家腦震盪吓，唔理係如梭又好如煙又好，一於將潛藏嘅嘢冚辧爛震晒出嚟！一於係咁！

嚤囉