2010.10.03 噏魚職，老鄺展經歷；聽故仔，和哥快解謎

2010.10.03

噏魚職，老鄺展經歷；聽故仔，和哥快解謎

柯拿，大家好，

好開心收到老鄺頭電郵講佢嘅童年往事，我屋企係賣菜嘅，所以主要係喺小販工會。而魚職工會嘅會員都係喺街市做嘢嘅人，所以其中有啲賣魚佬同賣魚婆我都識得。老鄺頭，你識唔識啊鄭姨？佢係魚職活躍份子。佢同我屋企都好熟。我嚟袋鼠國後，我啊媽都成日同佢飲早茶，佢好好人。佢曾經喺大公報（飯堂？）做過，老咩頭識唔識鄭姨，Ｋ仔，你又識唔識佢？有一次，我喺報館飯堂食飯（要用飯票嘅，我唔記點解我會喺嗰度食飯？）見過佢。

九樓國術組班勁老鬼都識啊富叔，佢就係負責魚職國術組嘅。我好細個時已經識佢，佢同我屋企好熟，因為大家都喺同一個街市出沒。我冇記錯嘅話，我喺魚職天台打跟斛早過喺九樓好多！

曾師兄都係由魚職借過嚟九樓幫手搞國術組，所以九樓同魚職都甚有淵源！雅健成立典禮日，富叔都有出席。

問吓二羅，記唔記得喺老曾嚟之前，有另一個人由魚職過嚟幫手成立國術組嘅，佢高高哋，白白淨，鋼條身形，四眼嘅。佢叫乜嘢名？

老鄺，打完波再講故仔喇喂！