2011.01.08
憶同學少年，風華正茂﹔嗡歡欣舊事，樂而忘憂
柯拿，大家好，
多謝馬仔send嚟鄭少影嘅相，使我有置身其中之感。見番雅健各人，個個青春渙發，活力不減當年。睇嚟應再攪水運會、陸運會，使各人可再展身手之餘，亦鞏固彼此情誼，豈不快哉！當然亦多謝符仔send
嚟嘅，甚可觀，但係我唔識點save，有冇人可久單聲過我知？喂，馬仔，等緊第二集，我想睇多的不同面孔，你識做嘅。多謝先！
相中見到Ｋ仔精神爽利，加油囉喂，你又肥咗幾多呢？
啊蚊向我投下戰書，我當然唔會腳軟，一於奉陪到底。老咩頭先排又狐疑我口琴組嘅背景，我今次一於帶埋口琴應戰。馬仔，唔好淨約飲茶咁寡，不如揾個地方可以唱吓歌都好噃！
距離出發日期只有三周，心情開始緊張起嚟，成日check住睇吓重有乜嘢未準備好。No worries，船到橋頭自然直也。不過，唔知倫敦天氣到時會點？希望唔好太凍，睇forecast話2度至8度。暖啲好啩！唔該晒！
再噏過
嚤囉
No comments:
Post a Comment