2010.08.20
噏得又再噏，唔駛眼濕濕 - 記聯邦大選
各位，又係我呀
想問吓啟榮，你每日嘅晨運包括啲乜嘢活動？有冇問過醫生護士之類嘅人士，建議吓乜嘢運動啱你呢？
我每朝開鋪前都去gym晨運嘅，我會做十分鐘划艇、廿分鐘單車、再十分鐘喺cross trainer度打倒褪十分鐘。全部係帶氧運動。之後冲完涼就開工揾晏仔嘞！
今日橫掂得閒，不如同大家講吓澳洲聯邦議會（國會）嘅組成。簡單嚟講，呢個議會（Federal parliament）喺由senate（有人稱之為上議院）同埋house of representatives（有人稱之為眾議院）所組成。而两院嘅選出方法亦唔同。
先講senate﹕上議員senators係由全國一人一票，以比例代表制產生。各政黨及團体將自己嘅候選按先後排成名單，得票數多就多啲人入選，少票就少人入選啦！人人都可以組隊參加（當然要有按金，如果得票過少，垵金就會沒收啦！反之，如果有一定人數嘅支持，政府會按票數而發政津貼過所屬政黨嘅）。今次有32個不同嘅政黨團体參加，所以呢張選票係長過水蛇春嘅。睇嚟應該有两、三尺咁長！冇講大話！
再講house of
representatives﹕全國各州劃分成多個選區，好似今次新南威爾斯new south wales州則劃分成48個選區，每個選區由居住喺嗰區嘅居民，以一人一票嘅方式選出一人成為議員（即MP），代表該區居民喺國會發聲。每個選區嘅候選人數都唔同，不過都唔會好多。多數係四個至六個，頂晒籠八、九個候選人已經好多﹔所以呢張選票只係細細嘅一張唧。
所以聽日，我入到票站，我會得到两張選票，一張係全國性嘅上議院senate嘅選票，係選政黨或團体嘅。我只需要喺呢張水蛇春咁長嘅選票上，喺我要選嘅黨上寫個〝１〞字，就OK啦！
又到第二張細選票嘞，我係屬於新州Mitchell選區嘅，今次我地個選區有5個候選人，分属於工黨、自由黨、綠黨、基督民主黨及另一個唔知點譯嘅乜鬼group。我要按我自已喜好嘅先後次序喺五個格仔裹面分別寫上1、2、3、4、5。
咁就選完啦！
我會選邊個呢？
結果又係點呢？
下次再講。
請請
No comments:
Post a Comment