2010.10.17 寶蓮寺，通宵噏到癡﹔鳳凰山，滾石嚇一餐 -- 某年某月某日中樂組爬上鳳凰山

2010.10.17

 寶蓮寺，通宵噏到癡﹔鳳凰山，滾石嚇一餐 --

某年某月某日中樂組爬上鳳凰山

  

 

馬仔要爬鳳凰山嘅相，即刻鋪上。不過唔可以一次過喺電郵寄出，所以擺喺我個blog度！不過我要問吓你，香港雞中樂組同九樓中樂組有乜lah lung？有冇jam過歌？點解兩個中樂組會無lah lah 去爬鳳凰山？張相令我記起啊淑姐都曾經係中樂組嘅，請問淑姐你玩乜嘢樂器？係豬皮定喺柳葉琴？啊珊乜嘢樂器都唔識，乜解究又會出現？各位知否，佢爬完鳳凰山之後，寫咗一篇文去華僑日報嘅徵文比賽，得到亞軍，好似有幾嚿水獎金咁。講番個嚿石，就喺我身邊碌過，我梗記得啦，我仲記得用火水喺路邊煎雞蛋食。根據相片記載，此行啊蚊你並無參與，除非每張相都由你揸機，攪到個樣入唔到鏡啦！哈哈！

 

我係中三下學期插班入香港雞，入到去，我覺得好好玩，因為好似上咗九摟咁，等我記吓仲有邊個。寫字樓有面青，老囉頭喺中六，萬大偉？麗姐（如果唔係啊蚊提起思明搬校呢件事，我已經唔記得咗，係喺我中四呢年發生，我有好幾個同學都係由思明轉嚟），中三班已講過，其他仲有Ｂ女（？錦霞）、芝貓、啊樹，算唔算？安仔，你都好似係思明嘅喎？李話清（記唔記得我帮你補過習？），仲有邊個呢…..？不過我仍然堅持符仔真係讀過香港雞，面青係咪呢？

 

多謝老鄺續講故仔，你講〝to right〞喺乜嘢意思呢，係咪〝啱〞咁解呢？好高興知道骷髏光已成泰山，恭喜佢！

 

睇相請上我個 非事卜

 

嚤囉