2011-01-01
馬仔慣噏革馬文，再要精讀嚟解困
馬仔十五二十時（中五畢業私家深圳遊）
柯拿，大家好，
噏吓噏吓，又過咗新世紀嘅頭十年，踏入壹零年代！希望各位唔好成日將個〝老〞字掛喺口邊。我哋永遠年靑、永遠富有。只要我哋心中覺得，就會係喇！共勉！
過去一年，其中憾事之一，當數未能瞧羊過海，肆身羊宴。我成日話：好彩有馬仔。佢即刻將此盛事紀錄並發表，令我未食羊宴，都可一身搔（止癢也）。可惜，馬仔又係用佢專用嘅〝革馬文〞（革命性馬記文法）寫成。喂，我又要精讀喇，唔該晒。如果有多媒體就更好喇！
隨住披住羊皮嘅老虎到達甲子之年，一眾動物園莊老友記紛紛望住自己嘅甲子奮勇向前。跟住排隊嘅有兔、龍、蛇、馬、羊、猴、雞、犬、豬、鼠、牛。執生囉喂，各位飛禽走獸。歲月摧人，珍惜生命，加速腳步，實踐夢想，唔好再話「陣間先」。過咗就冇咗喇。互勉！
丁桑對話，後輩原唔敢置喙。不過講起語錄歌，就係我嘅强項。首歌係咁嘅：
我們大家要學習他
亳無自私自利之心的精神
從這點出發
就可以變成
一個利於人民的人
一個高尚的人
一個純粹的人
一個有道德的人
一個脫離了低級趣味的人
一個有益於人民的人
呢段語錄，節錄自老三篇嘅紀念白求恩。拉開講一筆，唔係嚇你，我小學六年級時，已經識唸老三篇（我同學話，如果我讀書都咁勤力，就醫生都有得做！！！）！裹面每一首語錄歌，我到而家都識唱。有人想聽，或者想學唱，I am always available。我二月尾會喺香港，再約。
每年元旦，kangaroo 同kiwi都率先過年，加上夏令時間，撥快一個鐘（出蠱惑），就更快過年啦！噚晚都係睇電視烟花（唔講烟火）過年。仔仔女女各有各精彩。剩番我哋兩件喺屋企望住電視過年。Anyway ，
Happy new year喇！
再噏過
嚤囉
No comments:
Post a Comment