2010.08.14 噏得就噏，咁至適合
啟榮
由你發出嘅電郵就可以睇到你而家已經係成個唔同晒。老友，放開懷抱係好緊要。命運係點樣，我哋控制唔到，上天將你造成男人抑或女人、唐人抑或鬼佬、窮人抑或有＄佬…….等等.﹔我哋完全no say。不過至於點樣，又或者用乜嘢態度去面對呢啲嘢，我睇，我哋絕對100％有得say啩！
好嘞耶穌講完，問吓你嘞，覆診情形如何呢？
實在好羨慕你可以成日見到班friend﹔我都唔錯，好似牛郎織女咁，一年都見到一次嘅。好彩而家互聯網十分發達。我喺網上訂閱萍果同信報，亦訂網上商台節目及其他網上電台節目，好似蕭若元、黃毓民嘅myradio嘅網上電台，咁樣對香港嘅動態都不至脫節嘅！
你每朝跟啊嬸晨運及用大飽做早餐，絕對反映出你積極、樂覲咁面對生活。我要封你做偶象嘞！
好！大家喺唔同崗位，做好自己嘅本份可也！
嚤囉
No comments:
Post a Comment