2010.11.01 覆老咩頭 拜見老咩頭，

2010.11.01

覆老咩頭

拜見老咩頭，

嚤囉仔何德何能，受此禮遇。再念及悉心（雞心）哺育，湯飯不缺，雖然唔係肥肥白白，都養到我黑黑實實。老咩頭育我養我，理應馬上卜定機票，準時起程到賀甲子大壽。

唯世事往往末能盡如人意，聖誕期間，實在無法抽身。27號當日，定必北向遙祝牛一快樂，嚤囉仔在比再謝，三謝老咩頭如斯美意情濃。

不過，我最有可能喺四月底返香港，因為我plan緊個行程去古巴，四月初起程，之後經香港再返屋企。詳情到時再算。

嚤囉仔再次叩謝

Ps 生日講funeral唔係幾好，不過我哋革命者唔信呢一套。一個無憾嘅一生係唔駛用眼淚去告別嘅，如果我到咗呢一日，我希望用笑聲嚟送別我。所以活着嘅每一日，我哋都要過得好開心。笑口棗對潺仔華講：「你睇，我幾開心！」呢個對白係你寫嘅！