2012.04.03
牀前噏道理，此生添善美
柯拿，大家好，
，
唔係到你揀，呢一日，終於到來。
上周已斷繼續續收到啊阿哥唔多妥嘅消息，到星期五，重陷入昏迷。即刻買機票，星期六收工後飛返香港。
阿哥1949年出世，出生貧窮家庭，一張行桁喺走廊，4呎Ｘ6呎嘅碌架牀，就係屋企。當時生活艱難，雖然未至捱餓，幸福嘅童年絕對談不上。
佢四、五歲時，有一次發高燒，當時民智未開，阿爸誤信，以為用生雞放喺病者身上可癖邪袪病。點知延誤醫療，雖然未至冇命，但可能因此「燒壞腦」，自此智力發展比常人低慢。
佢讀過小學一、二年班，但始終讀唔上。當時又冇特殊教育，讀唔到書嘅，就要出嚟做工。最初幫屋企出街市實菜，後來有人介紹佢去灣仔一間街邊電器鋪做學師。當時做學師要喺鋪頭瞓，每月只有15蚊。阿哥係老實人，勤力工作應該唔係問題，但始終碍於學習能力，未能滿足老闆要求，約一年左右就離開電器鋪。
1967年，電車工人大罷工，電車公司修理部有空缺。電車公司就喺鵝頸街市隔籬，阿爸同修電車師傳好熟，即拜託友人介紹啊哥工作。最初都擔心佢嘅工作能力，估唔到，咁一做，就做咗40年！
佢最初由雜工做起，因為勤力，冇計較做多啲嘢，又抵得諗，師傅叫開夜工，永遠唔會拒絕。因為幫得手，所以不久就晉升為修理技工。當時電車公司屬英資怡和，薪酬、福利、工作環境都可算係唔錯。如果冇乜問題，絕對係可以做到終老。自此，阿哥從未為職業及生活而煩惱，可算十分幸運。
1982年，阿爸離世，到1992我一家移民澳洲，就剩低阿媽同阿哥。我曾申請啊媽去澳洲，希望之後再申請阿哥移民。奈何阿媽適應唔到，計劃亦告吹。
2006年，阿媽病重，當時阿哥身體亦出現問題。我由澳洲返港，即刻去電車公司，幫啊哥申請退休。同佢啲工友講起，原來佢身體問題已出現咗一段時間，好彩得到電車公司及工友照顧，就分配輕可嘅工作，佢唔會太辛苦。話雖如此，當時，亦應該係佢退休嘅時候。
我亦幫佢搬去荃灣住，知道住近舅父及表妹們，一定會有個照應。一日，帶住瘦弱嘅啊哥，心諗，佢以後日常生活係點？邊個可以照顧佢？當時正行向仁濟醫院，正在徬徨，猛然抬頭，偌大個十字架就出現眼前！我雖唔係教徒，但我深知，教會一定有解決問題嘅方法。
向十字架行去，係荃灣浸信會。問門房，得知樓上有耆康會，幫阿哥入會搞掂早午晚三餐。除咗飽肚外，靈性上嘅滿足亦好重要。去七樓揾傳道人羅姑娘。羅姑娘知道阿哥嘅處境，即刻安排時間見佢，並且安排佢入摩西團。我見到充滿愛心，語氣堅定嘅羅姑娘，我知道我冇去錯地方。為咗要阿哥喺我返澳洲前習慣教會生活，我陪佢星期日去教會，去摩西團。摩西團嘅主持係陳麗珊，當明白阿哥嘅處境，珊珊好主動幫忙。佢聯絡我啲表妹，一齊照顧啊哥。啊哥每個生活細節，都充滿住佢哋嘅愛心。
此後，阿哥多次出入醫院，多次轉換老人院，羅姑娘、珊珊、多位表妹，表妹夫，，都付出時間及愛心。使艱難，繁瑣嘅工作得以順到進行。冇耐，阿哥逐漸失去活動能力，如果唔係有佢哋嘅支持、經常探望，日子係幾咁艱難。受到教會照顧，2008年4月17日，得到眷顧，阿哥受浸入教，喺平凡嘅生命，添上神恩。
人，終有返回天家嘅一日，如今，阿哥放下人間勞苦。十分感恩，佢可以喺有生之年，認識到教會許許多多善良，樂於助人嘅弟兄姊妹，喺佢哋嘅帶引下，認識主耶穌。我哋傷感過後，亦應放下哀愁，更好生活。
再噏過，
嚤囉
柯拿，大家好，
，
唔係到你揀，呢一日，終於到來。
上周已斷繼續續收到啊阿哥唔多妥嘅消息，到星期五，重陷入昏迷。即刻買機票，星期六收工後飛返香港。
阿哥1949年出世，出生貧窮家庭，一張行桁喺走廊，4呎Ｘ6呎嘅碌架牀，就係屋企。當時生活艱難，雖然未至捱餓，幸福嘅童年絕對談不上。
佢四、五歲時，有一次發高燒，當時民智未開，阿爸誤信，以為用生雞放喺病者身上可癖邪袪病。點知延誤醫療，雖然未至冇命，但可能因此「燒壞腦」，自此智力發展比常人低慢。
佢讀過小學一、二年班，但始終讀唔上。當時又冇特殊教育，讀唔到書嘅，就要出嚟做工。最初幫屋企出街市實菜，後來有人介紹佢去灣仔一間街邊電器鋪做學師。當時做學師要喺鋪頭瞓，每月只有15蚊。阿哥係老實人，勤力工作應該唔係問題，但始終碍於學習能力，未能滿足老闆要求，約一年左右就離開電器鋪。
1967年，電車工人大罷工，電車公司修理部有空缺。電車公司就喺鵝頸街市隔籬，阿爸同修電車師傳好熟，即拜託友人介紹啊哥工作。最初都擔心佢嘅工作能力，估唔到，咁一做，就做咗40年！
佢最初由雜工做起，因為勤力，冇計較做多啲嘢，又抵得諗，師傅叫開夜工，永遠唔會拒絕。因為幫得手，所以不久就晉升為修理技工。當時電車公司屬英資怡和，薪酬、福利、工作環境都可算係唔錯。如果冇乜問題，絕對係可以做到終老。自此，阿哥從未為職業及生活而煩惱，可算十分幸運。
1982年，阿爸離世，到1992我一家移民澳洲，就剩低阿媽同阿哥。我曾申請啊媽去澳洲，希望之後再申請阿哥移民。奈何阿媽適應唔到，計劃亦告吹。
2006年，阿媽病重，當時阿哥身體亦出現問題。我由澳洲返港，即刻去電車公司，幫啊哥申請退休。同佢啲工友講起，原來佢身體問題已出現咗一段時間，好彩得到電車公司及工友照顧，就分配輕可嘅工作，佢唔會太辛苦。話雖如此，當時，亦應該係佢退休嘅時候。
我亦幫佢搬去荃灣住，知道住近舅父及表妹們，一定會有個照應。一日，帶住瘦弱嘅啊哥，心諗，佢以後日常生活係點？邊個可以照顧佢？當時正行向仁濟醫院，正在徬徨，猛然抬頭，偌大個十字架就出現眼前！我雖唔係教徒，但我深知，教會一定有解決問題嘅方法。
向十字架行去，係荃灣浸信會。問門房，得知樓上有耆康會，幫阿哥入會搞掂早午晚三餐。除咗飽肚外，靈性上嘅滿足亦好重要。去七樓揾傳道人羅姑娘。羅姑娘知道阿哥嘅處境，即刻安排時間見佢，並且安排佢入摩西團。我見到充滿愛心，語氣堅定嘅羅姑娘，我知道我冇去錯地方。為咗要阿哥喺我返澳洲前習慣教會生活，我陪佢星期日去教會，去摩西團。摩西團嘅主持係陳麗珊，當明白阿哥嘅處境，珊珊好主動幫忙。佢聯絡我啲表妹，一齊照顧啊哥。啊哥每個生活細節，都充滿住佢哋嘅愛心。
此後，阿哥多次出入醫院，多次轉換老人院，羅姑娘、珊珊、多位表妹，表妹夫，，都付出時間及愛心。使艱難，繁瑣嘅工作得以順到進行。冇耐，阿哥逐漸失去活動能力，如果唔係有佢哋嘅支持、經常探望，日子係幾咁艱難。受到教會照顧，2008年4月17日，得到眷顧，阿哥受浸入教，喺平凡嘅生命，添上神恩。
人，終有返回天家嘅一日，如今，阿哥放下人間勞苦。十分感恩，佢可以喺有生之年，認識到教會許許多多善良，樂於助人嘅弟兄姊妹，喺佢哋嘅帶引下，認識主耶穌。我哋傷感過後，亦應放下哀愁，更好生活。
再噏過，
嚤囉
No comments:
Post a Comment