2013.08.29
袋鼠佬，總理大頭現香江；民主路，港人齋噏前路茫
柯拿，大家好，
九月，袋鼠國踏入春天，雪梨地區亦都回暖，今年都未見過屋前草地結霜，咁，唔應該比往年凍，但係我嘅感覺就凍過往年。唔通真係愈嚟愈高級（senior)，就愈嚟愈怕凍??? no way，垂死要掙扎係我座右銘，愈高級愈要郁多啲，一於（唱）「對抗--命運，絕冇計輸--贏」。最緊要有鬥志。
睇下日曆，九月一號係袋鼠父親節。全世界都知道，父親節?冇乜人會理啫。蔣家好難得，而家全部人喺晒雪梨，我要借題發揮，全家人一齊，出街擦一餐。
上一篇，提起澳洲聯邦大選，九月七號星期六，下晝收工後，記得去投票。除非你夠老（七老八十？），又或者係傷殘人士，如果冇投票又冇合理解釋，全部要罸20蚊袋鼠幣。我哋袋鼠佬好cheap，為咗呢廿皮，多數人都會去投票。况且，投票都非常方便，附近嘅中、小學，或者社區會堂，都會係投票站，多數人用腳行都行到去。就算當日唔係身在自己選區都冇所謂，走入全澳任何一個票站都得。身在國外嘅袋鼠，亦可以喺當地領使館投票。不過就唔係強制嘞，即係話，身在國外，投票係你嘅權利，但唔係義務嘞。
唔講唔知，原來，香港係澳洲國外投票第二多地區，僅次於倫敦。唔怪得現任總理陸克 文，佢賣競選廣告賣到去香港。各位有時間去中環睇睇，喺大會堂西邊停車場，一幅大
banner ，上面有陸克 文個大頭，叫選民投票畀澳洲工黨，等佢可以連任，咁話喎。話時話，今次澳洲工黨面臨大大危機唔在講，據民調，陸克 文有可能連自己選區個位都保唔住㖭。拭目以待喇。
你又會問，你嚤囉仔自以為係民主擁蠆，咁，你又係唔係票投澳洲民主黨呢?
澳洲民主黨 The Australia Democrats 以前喺第一細黨，每當大黨叮噹馬頭時，佢就 yotarola 有得撈喇，睇佢嘅口號（Australia Democrats , keep the basters honest）就知佢嘅定位喇。不過近十年八年，呢個黨已沒落，而家第一細黨係綠黨 The Greens，上次大選，工黨攞唔到過半多數票，就靠呢班 greenies 先至僅僅組到政府。點知成也蕭何，敗也蕭何，綠黨幫咗你，你工黨就要報答返佢哋。綠黨要你通過排碳稅，工黨 Julia Gillard 唯有照辦，而排碳稅亦應該係 the last straw that breaks the camel's back。 Julia上次大選前答應過永不提排碳，點知Julia 變成 JuLIAR，自己搞到自己Motarola 冇得撈喇，連工黨都雞毛鴨血，大失民心。
我會投自由黨 The Liberals ，因為一對仔女都係 Liberals。又據說，自由黨政策啱多啲小生意人。我係自僱人士，都對號入座喇。
現今民主社會，咁透明、咁公開，各主流黨派，佢哋大體政策分別唔太大。再講，政府做得衰，人民有權踢走佢，所以冇乜大不了。其實，多數袋鼠選民，喺入票站之前，已經決定咗選乜嘢人，喺票站嘅宣傳，根本作用唔大。所因公報嘅民調，非常具指標性，好鬼準確也。
我做咗袋鼠選民成廿年，最深刻一樣嘢，唔係點樣爭取多啲話語權，啱啱相反，而係深刻體會到，喺民主制度成熟嘅地方，佢畀好多空間你可以唔理政治、唔駛歸邊、更加無須向仼何嘢表示愛意，包括愛國家、愛政府，愛領袖、愛國旗等等。你大可以話憎死呢個國家、憎死呢個政府、憎死呢個總理、憎死呢支國旗，而仍然係一個好公民，好國民。1月26日 係澳洲日，就係紀念英國 Captain Cook 1788年登陸澳洲。每年該日，當多數人慶祝國慶時，袋鼠土著叫呢日做佔領日Occupation
Day ，重會舉辦被入侵紀念活動，當然唔會升米字加南十字星國旗，佢哋有自己嘅黑天紅地黃太陽旗。呢啲國慶日歧異嘅觀點，連小學都有得教。我喺度諗，1959年5月23日 ，解放軍入藏並簽定入藏十七條。如果邊一年5月23日，有藏民喺拉薩舉起雪山獅子旗，紀念漢人入侵日，呢啲藏民嘅後果會係點。講多咗，講返澳洲。
政治?咁悶蛋、咁複雜、咁污漕。有乜好玩?人生苦短，打波游水，寫畫音樂、遊山玩水......，玩乜唔好，點會玩政治?當然有逐臭之夫，再講，點臭都好，都要有人搞㗎。人民就外判呢啲 dirty jobs 畀啲政客。亦都知道呢班唔係乜嘢聖人，係人，就有弱點，就有私心、就有貪婪、就有制約唔到嘅獸性。人民畀咗權力呢班友，就要用制度管住佢哋，用反對黨、用傳媒𥄫住佢哋。我喺呢度一年到晚，揾鬼會講政治咩。就算大選咁巴閉，選前講幾個禮拜，選完後?講 Rugby 講 Cricket 好過喇。睇下電視新聞，袋鼠佬用幾多時間講運動，講八卦嘢，你就明白晒喇。
原來，自由，除咗有選擇政治傾向嘅自由之外，重有選擇冇傾向嘅自由。諗下諗下，用個䐉仔記下記下，呀，原來，東方呢粒明珠，以前都係咁㗎。有培僑就有珠海、有大公報就有香港時報、有十一國慶就有雙十國慶、有中國國貨，就有民生物產....。九龍暴動，警察拉人；六七暴動，警察照拉。喺各公司機構揾食、打政府工、教書社工等等，可以親台、可以親共，可以親英美，又可以除咗親嘴之外邊個部都冇親....，總之好似煲呔話齋，Get the job done，話之你左中右。咁，月尾照出糧，大家 happy。
今時今日，老亷查貪污，查下查下發現同中央高幹有関，請問夠唔夠膽查落去。
今時今日，老師喺課室，講到正直無私嘅黨，佢應該照讀資料，抑或講出心中所知。
今時今日，老差骨見到青関紅色娘子軍圍法輪功，差人可以點做。
今時今日，...... 邊個係波士。
好似周融話齋，所有嘢都係因為特首背後嗰支五星旗。
一定要撐一撐林老師。一個無權無勇嘅小學教師，買買下餸，喺街頭見到不平事，佢大可以唔出聲，運路走咗，咪乜事都冇。就好似喺神州大地，見到城管打人、公安拉人、阿伯阿婆跌落地、最好就當睇唔到，你咪話去追查豆腐渣工程、三氯青銨奶粉、地溝油等等，邊個多事，邊個死，有辦畀你睇。呢個林老師，硬係唔信邪，要做𣕧樑。睇唔過眼而勇於出聲，需要好大嘅道德勇氣。而且當住全街人，唔係好多人夠膽咁做。係唔係講粗口?根本完全唔係問題。
到今日，林老師話佢冇後悔咁樣做。我就話佢應該有一樣嘢要後悔，就係應該執一執個頭，著番件好睇啲嘅衫，同埋戴番隱形眼鏡。咁，上鏡會好睇啲。又唔怪得佢，點鬼知會上咗鏡，重畀人傳到全世界都知咩?追擊林老師嘅人，好明顯就要銼你啲敢出聲嘅人啲鋭氣。冇人敢出聲，佢哋打壓異己，做嘢都方便啲喇。咪以為好似咁多人撐林老師，我好悲觀，見到林老師咁樣畀人追擊，多數人口講撐，但係絕對唔想呢啲事會發生喺自己身上，講到底，始終揾食最緊要。睇個樣，佢哋唔會搞得死林老師，但係，「邊個多事，邊個就有麻煩」，呢個訉息就好清楚嘞。
此時此地，我同情前缐警員，佢哋要執行命令，邊有自由意志。
此時此地，我同情學校，教育局大石壓死蟹，邊有得抗命。
此時此地，我同情家長，只想仔女正常返學，政治鬥爭，関人鬼事咩。
此時此地，.......買餐餸啫，講句公道話者。點知飛來橫禍。
中國收返香港，呢啲事就遲早一定發生。一個獨裁、貪污、專制嘅政權，會忍得手，唔借香港過橋揾著數咩?三權分立，廉潔公正，絕對係阻頭阻勢。
原來可以保持中立，可以講句：「日出而作，日入而息。鑿井而飲，耕田而食，帝力於我何有哉！」絶對唔係一件容易嘅事。
再噏過，
嚤囉
PS.嚟緊幾個月，盡量少寫長文，專心整理遊記。
今日聽到林行止、李怡都可能唔寫。悲!
柯拿，大家好，
九月，袋鼠國踏入春天，雪梨地區亦都回暖，今年都未見過屋前草地結霜，咁，唔應該比往年凍，但係我嘅感覺就凍過往年。唔通真係愈嚟愈高級（senior)，就愈嚟愈怕凍??? no way，垂死要掙扎係我座右銘，愈高級愈要郁多啲，一於（唱）「對抗--命運，絕冇計輸--贏」。最緊要有鬥志。
睇下日曆，九月一號係袋鼠父親節。全世界都知道，父親節?冇乜人會理啫。蔣家好難得，而家全部人喺晒雪梨，我要借題發揮，全家人一齊，出街擦一餐。
上一篇，提起澳洲聯邦大選，九月七號星期六，下晝收工後，記得去投票。除非你夠老（七老八十？），又或者係傷殘人士，如果冇投票又冇合理解釋，全部要罸20蚊袋鼠幣。我哋袋鼠佬好cheap，為咗呢廿皮，多數人都會去投票。况且，投票都非常方便，附近嘅中、小學，或者社區會堂，都會係投票站，多數人用腳行都行到去。就算當日唔係身在自己選區都冇所謂，走入全澳任何一個票站都得。身在國外嘅袋鼠，亦可以喺當地領使館投票。不過就唔係強制嘞，即係話，身在國外，投票係你嘅權利，但唔係義務嘞。
唔講唔知，原來，香港係澳洲國外投票第二多地區，僅次於倫敦。唔怪得現任總理
你又會問，你嚤囉仔自以為係民主擁蠆，咁，你又係唔係票投澳洲民主黨呢?
澳洲民主黨 The Australia Democrats 以前喺第一細黨，每當大黨叮噹馬頭時，佢就 yotarola 有得撈喇，睇佢嘅口號（Australia Democrats , keep the basters honest）就知佢嘅定位喇。不過近十年八年，呢個黨已沒落，而家第一細黨係綠黨 The Greens，上次大選，工黨攞唔到過半多數票，就靠呢班 greenies 先至僅僅組到政府。點知成也蕭何，敗也蕭何，綠黨幫咗你，你工黨就要報答返佢哋。綠黨要你通過排碳稅，工黨 Julia Gillard 唯有照辦，而排碳稅亦應該係 the last straw that breaks the camel's back。 Julia上次大選前答應過永不提排碳，點知Julia 變成 JuLIAR，自己搞到自己Motarola 冇得撈喇，連工黨都雞毛鴨血，大失民心。
我會投自由黨 The Liberals ，因為一對仔女都係 Liberals。又據說，自由黨政策啱多啲小生意人。我係自僱人士，都對號入座喇。
現今民主社會，咁透明、咁公開，各主流黨派，佢哋大體政策分別唔太大。再講，政府做得衰，人民有權踢走佢，所以冇乜大不了。其實，多數袋鼠選民，喺入票站之前，已經決定咗選乜嘢人，喺票站嘅宣傳，根本作用唔大。所因公報嘅民調，非常具指標性，好鬼準確也。
我做咗袋鼠選民成廿年，最深刻一樣嘢，唔係點樣爭取多啲話語權，啱啱相反，而係深刻體會到，喺民主制度成熟嘅地方，佢畀好多空間你可以唔理政治、唔駛歸邊、更加無須向仼何嘢表示愛意，包括愛國家、愛政府，愛領袖、愛國旗等等。你大可以話憎死呢個國家、憎死呢個政府、憎死呢個總理、憎死呢支國旗，而仍然係一個好公民，好國民。
政治?咁悶蛋、咁複雜、咁污漕。有乜好玩?人生苦短，打波游水，寫畫音樂、遊山玩水......，玩乜唔好，點會玩政治?當然有逐臭之夫，再講，點臭都好，都要有人搞㗎。人民就外判呢啲 dirty jobs 畀啲政客。亦都知道呢班唔係乜嘢聖人，係人，就有弱點，就有私心、就有貪婪、就有制約唔到嘅獸性。人民畀咗權力呢班友，就要用制度管住佢哋，用反對黨、用傳媒𥄫住佢哋。我喺呢度一年到晚，揾鬼會講政治咩。就算大選咁巴閉，選前講幾個禮拜，選完後?講 Rugby 講 Cricket 好過喇。睇下電視新聞，袋鼠佬用幾多時間講運動，講八卦嘢，你就明白晒喇。
原來，自由，除咗有選擇政治傾向嘅自由之外，重有選擇冇傾向嘅自由。諗下諗下，用個䐉仔記下記下，呀，原來，東方呢粒明珠，以前都係咁㗎。有培僑就有珠海、有大公報就有香港時報、有十一國慶就有雙十國慶、有中國國貨，就有民生物產....。九龍暴動，警察拉人；六七暴動，警察照拉。喺各公司機構揾食、打政府工、教書社工等等，可以親台、可以親共，可以親英美，又可以除咗親嘴之外邊個部都冇親....，總之好似煲呔話齋，Get the job done，話之你左中右。咁，月尾照出糧，大家 happy。
今時今日，老亷查貪污，查下查下發現同中央高幹有関，請問夠唔夠膽查落去。
今時今日，老師喺課室，講到正直無私嘅黨，佢應該照讀資料，抑或講出心中所知。
今時今日，老差骨見到青関紅色娘子軍圍法輪功，差人可以點做。
今時今日，...... 邊個係波士。
好似周融話齋，所有嘢都係因為特首背後嗰支五星旗。
一定要撐一撐林老師。一個無權無勇嘅小學教師，買買下餸，喺街頭見到不平事，佢大可以唔出聲，運路走咗，咪乜事都冇。就好似喺神州大地，見到城管打人、公安拉人、阿伯阿婆跌落地、最好就當睇唔到，你咪話去追查豆腐渣工程、三氯青銨奶粉、地溝油等等，邊個多事，邊個死，有辦畀你睇。呢個林老師，硬係唔信邪，要做𣕧樑。睇唔過眼而勇於出聲，需要好大嘅道德勇氣。而且當住全街人，唔係好多人夠膽咁做。係唔係講粗口?根本完全唔係問題。
到今日，林老師話佢冇後悔咁樣做。我就話佢應該有一樣嘢要後悔，就係應該執一執個頭，著番件好睇啲嘅衫，同埋戴番隱形眼鏡。咁，上鏡會好睇啲。又唔怪得佢，點鬼知會上咗鏡，重畀人傳到全世界都知咩?追擊林老師嘅人，好明顯就要銼你啲敢出聲嘅人啲鋭氣。冇人敢出聲，佢哋打壓異己，做嘢都方便啲喇。咪以為好似咁多人撐林老師，我好悲觀，見到林老師咁樣畀人追擊，多數人口講撐，但係絕對唔想呢啲事會發生喺自己身上，講到底，始終揾食最緊要。睇個樣，佢哋唔會搞得死林老師，但係，「邊個多事，邊個就有麻煩」，呢個訉息就好清楚嘞。
此時此地，我同情前缐警員，佢哋要執行命令，邊有自由意志。
此時此地，我同情學校，教育局大石壓死蟹，邊有得抗命。
此時此地，我同情家長，只想仔女正常返學，政治鬥爭，関人鬼事咩。
此時此地，.......買餐餸啫，講句公道話者。點知飛來橫禍。
中國收返香港，呢啲事就遲早一定發生。一個獨裁、貪污、專制嘅政權，會忍得手，唔借香港過橋揾著數咩?三權分立，廉潔公正，絕對係阻頭阻勢。
原來可以保持中立，可以講句：「日出而作，日入而息。鑿井而飲，耕田而食，帝力於我何有哉！」絶對唔係一件容易嘅事。
再噏過，
嚤囉
PS.嚟緊幾個月，盡量少寫長文，專心整理遊記。
今日聽到林行止、李怡都可能唔寫。悲!
No comments:
Post a Comment