2013.02.10
噏到年初一，發財一定得，萬事如人意，逢空必化吉。
柯拿，大家好，
年初一，梗係要講聲恭喜發財，萬事如意，逢凶化吉。
恭喜發財，唔係貪錢(當然錢係好重要)。呢句祝福語，我哋由出世開始聽。有一段時間，我哋自以為好high 卡士，不屑講發財。但手腳卻很誠實，好努力咁去搵銀。又係嘅，冇足夠嘅物質基礎，生活實在艱難，你唔去努力揾銀，點對得住愛你嘅人。一句恭喜發財，就充滿對美好生活嘅祝福，有乜問題?更重要嘅係，我哋嘅傳統文化、風俗、習慣，搣下少啲，搣下又少啲，搣摵下就冇晒嘅喇。新年流流，講聲恭喜發財，絕對係香港傳統文化，千期唔好畀佢煙滅，唔好畀佢成為集體回憶。有一日，新年去香港，人人兜口兜面，就同你講： 「春節好」。我會好無奈。咪嘞，而家同各位大大聲咁講：恭喜發財!
唔好有人窒我：「不擇手段發財都得咩」?咁嘅問題，駛唔駛我答。
二羅介詔練總喺李小薇嘅訪問節目，當然即刻睇，照例又係好得很。練總係我嘅偶像，佢喺信報嘅文章，我一定睇。知識豐富，眼光獨到就梗嘅嘞。佢青少年時，信仰共產主義，教書時，經常向學生宣傳。最近文章，字裏行間，對此隱隱有悔意。呢一點經歷，我好有共鳴。佢離開信報，居然去學習風帆，並且 solo 航海四圍去。呢樣係我所嚮往，但永遠唔能夠實現嘅夢想。就舊年，佢踩單車兜咗台灣一個圏，摵起我條筋，短期內，希望我可以完成到單車環台灣島。只要有夢想，就要努力創造條件去搞掂佢。咁當然希望我可以萬事如意，揾夠盤川，實現夢想。萬事如意呢單嘢，我點會咁孤寒，梗係見者有份喇。而家同各位大大聲講：萬事如意。
回首龍年，實在唔多老利。新界皇阿發叔幫香港求車公籤，車公靈籤對香港龍年嘅啟示係：「何為邪鬼何為神，神鬼如何兩不分。但管信邪修正外，何愁天地不知聞。」特首小圈子欽點、阿狼、阿唐，夢熊大師爆料、奶粉、水客、法輪功、愛港力、中聯辦、港澳辦......，真係唔知邊個係神，邊個係鬼。劏房波、唔得掂、成個政府騎騎離離。人人揾食，愈嚟愈難，人工愈嚟愈奀，屋就愈住愈細，物價就愈嚟愈貴。咁真係凶兆畢呈喇。邊個識醫呢個奇難絶症，一定可以攞諾貝爾醫學獎。我睇都好難搞，新正頭，唔好咁灰，祝願香港逢凶化吉。又咁講，吉凶轉化當中，必有香港人嘅努力。好似二羅話齋，大家喺香港，而家重有自由，出句聲嘅成本低。發現奶有毒，出聲，唔怕會好似趙連海。叫政府依憲法辦事，出聲，唔怕會好似劉曉波。想香港走去邊，就係大家嘅責任，我喺呢度大大聲咁噏，希望香港逢凶化吉!
再噏過
嚤囉
柯拿，大家好，
年初一，梗係要講聲恭喜發財，萬事如意，逢凶化吉。
恭喜發財，唔係貪錢(當然錢係好重要)。呢句祝福語，我哋由出世開始聽。有一段時間，我哋自以為好high 卡士，不屑講發財。但手腳卻很誠實，好努力咁去搵銀。又係嘅，冇足夠嘅物質基礎，生活實在艱難，你唔去努力揾銀，點對得住愛你嘅人。一句恭喜發財，就充滿對美好生活嘅祝福，有乜問題?更重要嘅係，我哋嘅傳統文化、風俗、習慣，搣下少啲，搣下又少啲，搣摵下就冇晒嘅喇。新年流流，講聲恭喜發財，絕對係香港傳統文化，千期唔好畀佢煙滅，唔好畀佢成為集體回憶。有一日，新年去香港，人人兜口兜面，就同你講： 「春節好」。我會好無奈。咪嘞，而家同各位大大聲咁講：恭喜發財!
唔好有人窒我：「不擇手段發財都得咩」?咁嘅問題，駛唔駛我答。
二羅介詔練總喺李小薇嘅訪問節目，當然即刻睇，照例又係好得很。練總係我嘅偶像，佢喺信報嘅文章，我一定睇。知識豐富，眼光獨到就梗嘅嘞。佢青少年時，信仰共產主義，教書時，經常向學生宣傳。最近文章，字裏行間，對此隱隱有悔意。呢一點經歷，我好有共鳴。佢離開信報，居然去學習風帆，並且 solo 航海四圍去。呢樣係我所嚮往，但永遠唔能夠實現嘅夢想。就舊年，佢踩單車兜咗台灣一個圏，摵起我條筋，短期內，希望我可以完成到單車環台灣島。只要有夢想，就要努力創造條件去搞掂佢。咁當然希望我可以萬事如意，揾夠盤川，實現夢想。萬事如意呢單嘢，我點會咁孤寒，梗係見者有份喇。而家同各位大大聲講：萬事如意。
回首龍年，實在唔多老利。新界皇阿發叔幫香港求車公籤，車公靈籤對香港龍年嘅啟示係：「何為邪鬼何為神，神鬼如何兩不分。但管信邪修正外，何愁天地不知聞。」特首小圈子欽點、阿狼、阿唐，夢熊大師爆料、奶粉、水客、法輪功、愛港力、中聯辦、港澳辦......，真係唔知邊個係神，邊個係鬼。劏房波、唔得掂、成個政府騎騎離離。人人揾食，愈嚟愈難，人工愈嚟愈奀，屋就愈住愈細，物價就愈嚟愈貴。咁真係凶兆畢呈喇。邊個識醫呢個奇難絶症，一定可以攞諾貝爾醫學獎。我睇都好難搞，新正頭，唔好咁灰，祝願香港逢凶化吉。又咁講，吉凶轉化當中，必有香港人嘅努力。好似二羅話齋，大家喺香港，而家重有自由，出句聲嘅成本低。發現奶有毒，出聲，唔怕會好似趙連海。叫政府依憲法辦事，出聲，唔怕會好似劉曉波。想香港走去邊，就係大家嘅責任，我喺呢度大大聲咁噏，希望香港逢凶化吉!
再噏過
嚤囉
No comments:
Post a Comment