2012•12•27
天理噏循環，有借有還冇得慳。
柯拿，大家好，
又過咗一個聖誕，旅行完返嚟，唔停咁做嘢，欠落好多嘢都未有時間寫。到禮拜，又忙住去玩，寫嘢要坐定定，所以久違喇。我好珍惜每個溝通機會，所以成日up date面書。
回想上個月28號，係旅行起程日，我喺雪梨搭咗廿幾個鐘飛機去尼加拉瓜，到步，又係28號。咦!賺咗喎。到回程飛返雪梨，又跳咗一日。哦!原來借嚟嘅時間，係要還嘅!香港借咗150年，托庇米字旗，避過一埸又一埸嘅災難。反清嘅、反蔣嘅、反毛嘅，過咗羅湖橋，都得庇蔭。而家歸還。嘩!150年!希望利息唔好太高!
上周去完行山返嚟，鬼咁攰，坐喺疏化透下氣。忽然有人拍門，我諗，梗係隔籬公園仔，有人打咗個波入嚟後園，而家拍門要我執番個畀佢。此刻，我膊頭嘅天使同魔鬼抝緊數。魔鬼話，「呢班友成日踼波入嚟，下下幚佢執，咪好唔得閒?話之佢喇!畀個教訓佢，等佢下次小心啲!」
「咁，唔好」天使反對。「個波可能係細路仔嘅至愛，冇咗，細路會好唔開心!」
「唓!乜嘢買唔返吖!唔好幫佢執!」
我又攰又眼瞓，人喺軟弱時期，最容易聽魔鬼支笛。一於唔理佢，仼你敲門，我照攤喺度唔郁。••••• 係咁攤咗三個鐘，天都黑埋。又有敲門聲，我諗，一定係再返嚟，睇下有冇人喺度。今次天使戰勝，好!幫你!
開門，原來係鄰居阿星。「我拍咗好多次門，都冇人應。」
「我瞓咗覺，聽唔到」我講大話，而且唔滴汗。
「你架車冇熄車頭燈!」
「.........」，
三個鐘著咗車頭燈，乜電都冇晒喇，卒之要call road service，又要坐喺架車度等佢空轉成粒鐘叉番電。
如果當初本住幫人嘅好心去應門，最後，原來係幫返自己!好似林大輝話，因果循環，報應不爽。阿狼用僭建將唐糖推落馬，而家又跌番落自己僭建嘅呢個氹，而且睇個樣都好難翻身。因果報應，點到你唔服!
前排唐糖遊完南極返香港，約埋一眾舊電池食晩飯，個個紅粉緋緋，對比起特區一眾高官，灰頭土面。又應咗成語，塞翁失馬，焉知非福。我一定要大讚賴子，你好早己已經知道阿狼係敗家仔。香港藉得自豪嘅價值，佢都敗得七七八八，教育、程序公義、人權、法治......,蔭啲蔭啲，好快冇晒。哦!對唔住，唔係冇晒，而係一體化，同城化，中港融合，總之搵啲最靚嘅説話去形容就得喇!夢熊人大代，成日掛喺口邊話，一國兩制，要尊重一國，又要照顧兩制差異。喂!幾時一國，幾時兩制，邊個話事?我又諗起男人大丈夫嘅格言：大事，一定由我作主，小事囉喎，就由太座話事，至於邊個決定乜嘢係大事，乜嘢係小事，呢啲嘢，由太座決定。呢個爛 gag ,香港人，個個識。一國兩制?呃到香港人?
一晚睇YouTube ，見到乜嘢自稱青年関愛協會，專去搞法輪功。如果喺法律上，你認為佢係邪敎，就應該告上法庭。否則，我睇唔出佢哋打坐練功，同道教喃嘸佬揸住把劍斬下斬下，焼黃紙，飲符水，有乜分別!邊個迷信啲都好難講。以共產主義無神論者而言，乜嘢呂祖如來佛、阿拉真神耶穌基督，全部都係精神鴉片，你関愛乜乜，夠薑就去埋各佛寺、廟宇、教堂，清真寺。何解只針對法輪功?好明顕就係佢咃嘅反共立場，，你睇香港佛教、道教，傳統基督教，同阿爺大有偈傾，佢都係跟柯打做嘢啫，講乜嘢関愛，大仁大義?我梗唔信法輪大法，我亦唔飲符水。但我同情被逼害者。唇亡齒寒，今曰係佢，幾時到你?兄弟，睇路!
又有校園槍擊，之後又一定討論應否畀公眾合法持槍。公說公有理，作為外人，好難評論。我相信民主國家嘅機制，如果係大多數人作嘅決定，啱錯都係美國人自己受番，呢啲係佢哋嘅事。容許民眾有槍，係美國憲法所賦予，目的據云係如果有獨裁政府上台，人民就要執起槍反抗。反唔反到，當然叧計，但係，就係話，唔理人民意願嘅政府，人民起來推倒佢，天經地義。反之，現今大唐國，買菜刀都要實名制，咪一樣有人揸刀入學校亂劈!一個畀你買槍反政府，一個買刀買針筒都要記名，驚死你反黨反政府。咁，如果你有得揀，你想喺邊度住!
都要講下袋鼠國，前排兩個電台搞笑節目主持人，冒女皇打電話去醫院，搞到接電話嘅䕶士自殺。我反而同情嗰兩個節目主持人。袋鼠佬顛顛dut dut，成日都係咁啦，佢點估到有個人反應會咁激。如果咁都要死，阿Kate畀人影咗裸照，咁唔知要死幾多次。香港電視台都試過收埋架cam通街整蠱人，呢啲都係現代城市生活嘅一部份。有啲人不正常咁過敏反應，係冇人預料得到。就好似男女掟煲，記唔記得，多年前，有個女子㧜煲唔成，著住紅衫紅褲，喺男朋友屋企門口跳樓，我同情個男仔多啲。因為呢個陰影，會陪住佢一生一世。
年尾流流，唔講都要講埋呢單，就係斌仔卒之息勞歸主，我講佢，因為佢都係讀師範體育，哎唷都係師弟，而且又係跳彈牀受傷嘅。好無奈，無端端做咗生命鬥士，佢好出名，人人都識佢。如果可以揀，（我相信）佢寧願一生寂寂無聞，做一個普通到唔恨嘅體育教師。二十年，郁一郁都困難，連想自殺都做唔到，真恐佈。我覺得人要有尊嚴，包括可以控制自己嘅去留。呢個話題，當然係極具爭論性。袋鼠國北領地1996年曾經通過法律准許安樂死，成為亞太區首個准許安樂死地區。但97年，聯邦政府就將呢個法例推翻。
新年前，講哂啲咁嘅嘢，希望出年可以聽多啲好嘢。不過，好嘢唔係會自動嚟，係要爭取嘅!你縞埋手，乃乃閒，乜都唔做，乜都唔理，本來有嘅嘢，一啲一啲就畀人撻咗。我哋都幾十勾喇，為你嘅下一代，睇唔過眼，出句聲喇。
再噏過。
嚤囉
柯拿，大家好，
又過咗一個聖誕，旅行完返嚟，唔停咁做嘢，欠落好多嘢都未有時間寫。到禮拜，又忙住去玩，寫嘢要坐定定，所以久違喇。我好珍惜每個溝通機會，所以成日up date面書。
回想上個月28號，係旅行起程日，我喺雪梨搭咗廿幾個鐘飛機去尼加拉瓜，到步，又係28號。咦!賺咗喎。到回程飛返雪梨，又跳咗一日。哦!原來借嚟嘅時間，係要還嘅!香港借咗150年，托庇米字旗，避過一埸又一埸嘅災難。反清嘅、反蔣嘅、反毛嘅，過咗羅湖橋，都得庇蔭。而家歸還。嘩!150年!希望利息唔好太高!
上周去完行山返嚟，鬼咁攰，坐喺疏化透下氣。忽然有人拍門，我諗，梗係隔籬公園仔，有人打咗個波入嚟後園，而家拍門要我執番個畀佢。此刻，我膊頭嘅天使同魔鬼抝緊數。魔鬼話，「呢班友成日踼波入嚟，下下幚佢執，咪好唔得閒?話之佢喇!畀個教訓佢，等佢下次小心啲!」
「咁，唔好」天使反對。「個波可能係細路仔嘅至愛，冇咗，細路會好唔開心!」
「唓!乜嘢買唔返吖!唔好幫佢執!」
我又攰又眼瞓，人喺軟弱時期，最容易聽魔鬼支笛。一於唔理佢，仼你敲門，我照攤喺度唔郁。••••• 係咁攤咗三個鐘，天都黑埋。又有敲門聲，我諗，一定係再返嚟，睇下有冇人喺度。今次天使戰勝，好!幫你!
開門，原來係鄰居阿星。「我拍咗好多次門，都冇人應。」
「我瞓咗覺，聽唔到」我講大話，而且唔滴汗。
「你架車冇熄車頭燈!」
「.........」，
三個鐘著咗車頭燈，乜電都冇晒喇，卒之要call road service，又要坐喺架車度等佢空轉成粒鐘叉番電。
如果當初本住幫人嘅好心去應門，最後，原來係幫返自己!好似林大輝話，因果循環，報應不爽。阿狼用僭建將唐糖推落馬，而家又跌番落自己僭建嘅呢個氹，而且睇個樣都好難翻身。因果報應，點到你唔服!
前排唐糖遊完南極返香港，約埋一眾舊電池食晩飯，個個紅粉緋緋，對比起特區一眾高官，灰頭土面。又應咗成語，塞翁失馬，焉知非福。我一定要大讚賴子，你好早己已經知道阿狼係敗家仔。香港藉得自豪嘅價值，佢都敗得七七八八，教育、程序公義、人權、法治......,蔭啲蔭啲，好快冇晒。哦!對唔住，唔係冇晒，而係一體化，同城化，中港融合，總之搵啲最靚嘅説話去形容就得喇!夢熊人大代，成日掛喺口邊話，一國兩制，要尊重一國，又要照顧兩制差異。喂!幾時一國，幾時兩制，邊個話事?我又諗起男人大丈夫嘅格言：大事，一定由我作主，小事囉喎，就由太座話事，至於邊個決定乜嘢係大事，乜嘢係小事，呢啲嘢，由太座決定。呢個爛 gag ,香港人，個個識。一國兩制?呃到香港人?
一晚睇YouTube ，見到乜嘢自稱青年関愛協會，專去搞法輪功。如果喺法律上，你認為佢係邪敎，就應該告上法庭。否則，我睇唔出佢哋打坐練功，同道教喃嘸佬揸住把劍斬下斬下，焼黃紙，飲符水，有乜分別!邊個迷信啲都好難講。以共產主義無神論者而言，乜嘢呂祖如來佛、阿拉真神耶穌基督，全部都係精神鴉片，你関愛乜乜，夠薑就去埋各佛寺、廟宇、教堂，清真寺。何解只針對法輪功?好明顕就係佢咃嘅反共立場，，你睇香港佛教、道教，傳統基督教，同阿爺大有偈傾，佢都係跟柯打做嘢啫，講乜嘢関愛，大仁大義?我梗唔信法輪大法，我亦唔飲符水。但我同情被逼害者。唇亡齒寒，今曰係佢，幾時到你?兄弟，睇路!
又有校園槍擊，之後又一定討論應否畀公眾合法持槍。公說公有理，作為外人，好難評論。我相信民主國家嘅機制，如果係大多數人作嘅決定，啱錯都係美國人自己受番，呢啲係佢哋嘅事。容許民眾有槍，係美國憲法所賦予，目的據云係如果有獨裁政府上台，人民就要執起槍反抗。反唔反到，當然叧計，但係，就係話，唔理人民意願嘅政府，人民起來推倒佢，天經地義。反之，現今大唐國，買菜刀都要實名制，咪一樣有人揸刀入學校亂劈!一個畀你買槍反政府，一個買刀買針筒都要記名，驚死你反黨反政府。咁，如果你有得揀，你想喺邊度住!
都要講下袋鼠國，前排兩個電台搞笑節目主持人，冒女皇打電話去醫院，搞到接電話嘅䕶士自殺。我反而同情嗰兩個節目主持人。袋鼠佬顛顛dut dut，成日都係咁啦，佢點估到有個人反應會咁激。如果咁都要死，阿Kate畀人影咗裸照，咁唔知要死幾多次。香港電視台都試過收埋架cam通街整蠱人，呢啲都係現代城市生活嘅一部份。有啲人不正常咁過敏反應，係冇人預料得到。就好似男女掟煲，記唔記得，多年前，有個女子㧜煲唔成，著住紅衫紅褲，喺男朋友屋企門口跳樓，我同情個男仔多啲。因為呢個陰影，會陪住佢一生一世。
年尾流流，唔講都要講埋呢單，就係斌仔卒之息勞歸主，我講佢，因為佢都係讀師範體育，哎唷都係師弟，而且又係跳彈牀受傷嘅。好無奈，無端端做咗生命鬥士，佢好出名，人人都識佢。如果可以揀，（我相信）佢寧願一生寂寂無聞，做一個普通到唔恨嘅體育教師。二十年，郁一郁都困難，連想自殺都做唔到，真恐佈。我覺得人要有尊嚴，包括可以控制自己嘅去留。呢個話題，當然係極具爭論性。袋鼠國北領地1996年曾經通過法律准許安樂死，成為亞太區首個准許安樂死地區。但97年，聯邦政府就將呢個法例推翻。
新年前，講哂啲咁嘅嘢，希望出年可以聽多啲好嘢。不過，好嘢唔係會自動嚟，係要爭取嘅!你縞埋手，乃乃閒，乜都唔做，乜都唔理，本來有嘅嘢，一啲一啲就畀人撻咗。我哋都幾十勾喇，為你嘅下一代，睇唔過眼，出句聲喇。
再噏過。
嚤囉
No comments:
Post a Comment