2015.01.01
虎兔龍蛇馬，白羊串噏舊時話，猴雞犬豬耗，水牛咁眼辨分毫。
柯拿，大家好，
六年前，老咩頭登陸，踏入佢第六個虎年。我一時感觸，口多多寫咗篇嘢，裏面講過尐咁嘢：（大意）「各位飛禽走獸，執生喇，兔、龍、蛇、馬、羊，就一個跟住一個嚟喇，時間唔等人，有得玩就好去玩喇」。吓，斬吓眼，五隻動物已經過場，呢隻羊咩就喺街角，等候登場。托賴，呢幾年，我揸住呢隻宗旨，當然更加全靠愛妻「拾卜」，「有得玩好去玩」，呢個信念，都實踐得唔錯，touch wood，no complaines。
自從鬼子佬識得講生肖後，每年年底，就鍾意話：「Congratulations, year of 乜嘢乜嘢 is coming」。佢哋鬼知生肖係計農曆，更加唔會知，認真計起嚟，要到立春嗰一日，新一年生肖，至正式登場。
用鬼話講虎兔龍蛇馬，就係 year of tiger, rabit…. ，咁冇問題，不過一講到羊，就有尐繞口嘞。羊？喺乜嘢羊？sheep？goat？lamb？ ram？咁應該係 year of 乜嘢呢？
記得對上一個羊年（吓，又十二年前？），我住嗰區嘅華人協會，每年嘅新春團拜，都有邀請聯邦及地方政要，當時嘅聯邦律政部長盧鐸 Phillip Ruddock，亦係座上客，佢係我哋選區嘅國會議員，同華人社區非常熟落。當日佢最大，梗係會上台講幾句。原來咁啱，佢 1943 年出世，咁即係又係羊年出世。咁，佢又會講 year of 乜嘢呢？
人類會就各種動物不同嘅行為特質，而附會某種性格嘅人。咁多種羊，性格各異，梗係楝自己鍾意嗰隻。
一諗起綿羊，就係溫純，唔會駁嘴，你話乜就乜，非常守紀律，合群並且接受社會規範，永遠認命，樂天知足嗰隻性格。
山羊就好唔同，佢哋獨立，雖然群居但唔鍾意黐埋一 嚿，畀好多空間自己，經常見到山羊企喺好斜嘅山坡上食草，真係唔知佢哋點行到上去，可見佢哋力量充沛。佢哋嘅力量加埋好奇心，令佢哋不斷發掘新路向上爬。合群唔係佢杯茶，我行我素嘅性格，可能畀人話獨家村、不識時務。
羔羊，就係羊仔，咁咪係天真、幼稚、無知喇。鬼子佬話 vulnerable ，即係軟弱無力，任人欺凌都冇聲出。不過可以講得好聽尐嘅，從正面嚟睇，就係唔強求、接受自己嘅限制、尊重社會規範。
Ram 就係公羊，仲要係識生仔嗰隻，太監咗嘅，唔叫 ram。傳統嘅形象，就係頭上有兩個捲曲嘅大角。公羊就係帶頭羊，強壯、勇敢、果斷、一往無前就係天性，做得帶頭羊，就係天生嘅領袖。而西洋星座中 signs of zodiacs，第一個星座就係白羊座 Aries，無論性格描述及外在形象，都係嚟自 ram。
咁你又認為呢位聯邦部長，佢會選擇 year of 乜嘢呢？唔使畫公仔畫出腸喇嘛？
1894，歳屬甲午，日清黃海大戰，史稱甲午戰爭，清廷北洋水師全軍覆沒，簽定馬關條約，台灣因此畀日本統治咗半個世紀。福兮禍所倚，亦因此得以免受大陸統治，此是後話。嗰時讀呢段歷史，感覺係好古舊嘅事，今日回頭一睇，第二個甲午年，就已經係 1954年，下一年就係乙未年，我就係乙未年出世，原來我出世同甲午海戰只相差61年咋！
「未」肖羊，我就係羊仔。論星座，我係白羊座♈️，咁計，都係羊仔。2015年立春時間係2月4日11时59分，比年初一早14日。到時，就踏入第6個羊年。直到今日，我經歷過5個羊年。都有興趣睇吓我所經歷嘅羊年發生咗尐乜嘢事。
乙未年 1955
今日睇新聞，啱啱發現咗隻馬來西亞廉航殘骸，真唔好彩，馬來西亞一年三次空難。另一單新聞，「香港第一諜」曾昭科，啱啱喺2014年12月18日病逝廣州。咁，兩者又有乜 la lung 呢？乙未年，我出世前四日，一架由北京飛香港嘅洛歇 L-749 飛機，客什米爾公主號，喺轉飛印尼途中，爆炸墜毀。原來呢架係包機，接載中共代表團去耶加達參加亞非萬隆會議。周恩來係團長，亦應該係乘客之一。國民黨特工要行刺周恩來，喺香港啟德機場，成功買通清潔工，喺機上放炸彈，成功炸毀飛機。周恩來點解唔死得，原來要多謝曾昭科，佢係當時華人最高級警官，內裏其實係中共間諜。佢知道行刺計劃後，向周恩來報告。周恩來即刻改變行程，由陸路經緬甸再飛印尼，避過一刧。至於點解明知行刺計劃，客什米爾公主號仲要飛，累死十一條人命，係唔係要將呢班人當副車，而保住總理嘅大命？咁就不得而知嘞。呢件事，史稱「客什米爾公主號事件」。
健力士紀錄大全，就喺呢年面世。
我出世冇耐，杜琪峰、周潤發、韓瑪利都相繼喺呢個南方小島出生，同我一齊，帶畀香港人歡樂。劉曉波都唔執輸，喺年尾搶閘出世，開始構思08憲章，不過劉霞一家，就真係唔得佢死喇。
有生有死，至係世道循環，我出世三日後，愛因斯坦就熄「爐」歸主，咁樣證明一件事，我唔係佢嘅投胎⋯⋯。哦，唔怪得我唔識計數喇。
丁未年 1967
我呢隻羊仔，家貧又冇乜人理，讀書蠢鈍又懶鬼過人，烏啄啄過咗十二地支都未小學畢業，呢個羊年，係灣仔活道賽馬會官立小學下午校，仲讀緊5C班下學期。四月一日星期六（咦，愚人節喎，乜真係咁大整蠱），我下晝唔使返學，一個人行出高土打道，灣仔差館對開，嗰度係海邊。海皮停咗幾隻美軍戰艦。曰頭白白，忽然個天黑晒，好似夜晚咁，跟住，一粒粒波子咁嘅物體兜頭撒埋嚟，嗰時，我用我咁高嘅智商去思考：嘩，美帝都算衰嘞，戰艦射尐咁嘅嘢埋岸，我即刻走頭。返到屋企，老豆話呢尐叫落雹。原來香港27年來未落過雹，我係黔驢未見虎，夏蟲未見冰，咁大個仔都未見過尐咁嘢，咁我點知啫，情有可原喇。佢跟住又話：「落雹？世界唔好喎。」
世界唔好？即係乜嘢？我?￤ﾻﾔ點知咁多。
五月六日，新蒲崗膠花廠勞資糾紛，揭開六七暴動序幕，跟住示威遊行，差佬打死人，土製波蘿又炸死人，出埋英軍搜工會。七月沙頭角中英邊界開火，五名香港警察中彈身亡。八月廿四日，商台播音皇帝林彬同佢堂細佬喺窩打老道山中伏，畀人用氣油彈燒死。⋯⋯⋯⋯。落雹，果然預示世界唔好。好彩中英雙方同埋香港市民都唔想做瓜呢隻金鵝，終於喺10月大致結束騷亂，中英雙方政府，大家側側膊唔多覺。其間畀人打死，或者打到黐肺，又或者拉咗入士丹利大學進修嘅愛國同胞，就當你哋唔好彩嘞。結果埋單，51人死亡，八百幾人受傷，1167個炸彈，2000人被撿控。呢個羊年，認真大劑。
都唔係乜嘢好嘢都冇嘅，11月14日，獅子山隧道通車，入新界就快好多喇。仲有好緊要，11月18日，無綫電視正式廣播。記憶中，我哋第一架電視係71年買，係一架12吋黑白電視仔，老豆話要嚟睇打乒乓波，記唔記得乒乓外交呢？嗰時睇電視好大陣仗，要請人飛條線上天台駁住魚骨天線至有得睇，我哋住二樓，條線要上九樓，你話工程幾咁浩大！仲有，個電視機仲要每年攞牌，真誇張。
己未年 1979
呢個羊年，我畢業出嚟打工，喺明愛香港仔一間職業先修學校教。第一年，又教中文，又教英文，又教體育，哈，中西兼善，文武全才，你都咪話唔威威。不過咁嘅組合，確係幾古怪。此後三年，單教體育，只教一班中文兼埋班主任，其實非常舒服。
阿督高佬麥理浩，呢年三月北京密會小平，亦從此展開馬拉松交回主權談判。原來中英會談亦係始於羊年。
呢年一月一日，美國同台灣斷交，同中國正式建立外交関係。呢頭和平，嗰頭打仗，2月1日，幾十萬中國大軍壓境，揮軍攻打曾經一度攬頭攬頸、同志加兄弟嘅越南。打到去涼山，將越南反骨仔教訓一頓，再班師回朝，總共打咗一個月。呢場仗個結果都幾好，因為中越雙方都話自己勝利。果真係一個雙贏之局，咁又係，政府點會輸，輸嘅永遠係人民，連條命仔都輸埋。
倫敦，喺呢一年，戴卓爾夫人成為英國歷史上第一任女首相，三年後，喺人民大會堂跌一交，五年後同趙紫陽簽定中英聯合聲明。今日，戴，趙已經係古人，連兩個人所簽嘅都會過期失效，人走茶涼，真係冇情講。
台灣美麗島事件就喺呢年發生，當年階下囚，今日已經係獨當一面嘅政治人物。兩三個羊年嘅光境，美麗島再冇黨禁，報禁，各級議會、總統，由人民自由選出，羨慕死隔籬。
辛未年 1991
呢個羊年，蔣家變化好大，天窗已經拉埋多年，開枝散葉，仔都五歲。八九後，決定移民，用咗一兩年時間，移居袋鼠國嘅預備工夫，亦都七七八八，為咗壯大聲勢，積極增加人口。計劃進行順利，大小姐喺年尾加入蔣氏大家庭。咦，都係一隻羊女喎。
呢幾年，香港多咗好多械劫案，黑幫僱用大陸賊匪嚟香港犯案，人稱省港旗兵。最矚目嘅，就梗係喺呢年 6月9日，揸住AK47，企喺觀塘勿華街路中間，指揮連劫五間金鋪嘅葉繼歡。賊王最終喺回歸前畀巡警撞棍開槍打至傷殘。惡人有惡報，應該係天道，可惜，天道並唔係經常彰顯。
年尾，30號，差唔多羊年最後一日，英廷宣佈：1992年，將會撤換港督衞奕信，喺未搵到邊個係繼任人選，就高調炒魷，十分罕見。據聞，英廷唔多滿意呢個中國通，喺中英談判時，非常軟弱。卒之第二年7月9日，彭定康成為第28任，即係末代港督。我都有幸，喺佢治下嘅香港，生活咗兩個月。
呢個羊年嘅下一年，猴年嘅9月15日，星期二，蔣家帶住5歲大少爺，同埋9個月嘅大小姐，搭澳航班機，夜飛南洲。下一個羊年，袋鼠國見。
癸未年 2003
呢個羊年，蔣家已安身南洲，大人有工做，細路有書讀，全家有屋住。當然，搵到錢要納稅，而且比例唔少。不過，有乜頭暈身㷫、打針食藥、仆親抝柴，細路由幼稚園讀到大學，政府用返你尐錢幫你一把。呢度唔驚餓親，唔驚有病冇錢醫，唔驚冇屋住要踎街。做公民，到時到候，亦要盡下公民責任，出嚟投票，三級議會邊個做，你喺有 say 嘅。如果你咁把炮，想要自己落場玩，選返個議員做下，係得嘅。唔好信人講：「全世界都有篩選喇」，呢度就冇。當然，有得落場玩，唔係實蠃。咁唔係篩選，咁叫做民意。
最近翻睇兩集金雞，吳君如嘅誇張 over acting，從來唔係我杯茶（雖然我都係咁），但係，睇完都好有感受。使唔使咁呀，點解香港要咁慘。廣州煲醋，當時冇人知乜頭乜路，極權國家，個實情，佢點會話你知，只會，有咁密冚咁密。2月21日，廣州「沙士」教授入住京華酒店，佢以一人之力，為世界帶嚟京華悪夢！最後香港付出299條人命，其中謝婉雯醫生等無私奉獻，焉能不感動。又真係好難搞，黐得神州咁近，又守唔住條邊界，點知有冇「玉泉」教授、「七喜」教授，等緊落嚟，大家唔好大意，真係要執生。噚日，年尾流流，又有廣州「可樂」流感雞運入長沙灣，累埋本地雞，過萬隻五德之禽又要係咁先，真無辜。fingers crossed, 希望只此而已，善哉善哉。
呢一年，個個戴住口罩行街，衰到連愁眉苦面都睇唔到，剩係睇到一對一對無奈嘅眼睛。怨氣大到幾十萬人行出街表態。至於阿松，葉劉下台，田少請辭行會，老董擱置廿三條⋯⋯，都只不過係政治掩眼法，唔同時期，唔同角色而已。佢哋柄埋一陣，吼準機會，又出嚟玩過。總之，劇本一早阿爺已經寫定，大家到時到候，照本宣科就得嘞。講都無謂。
娛樂界，呢一年，係好大，好大鑊！4月1日，愚人節，哥哥張國榮受抑鬱症所困，走上東方文華一躍而下。11月16日，林振強亦歸天，佢終於可以面對住雁妮，唱笛子姑娘。二不離三，仲有個壓軸，巨星梅艷芳，12月30日騎鶴西去，佢真係貨真價實，舞台嘅女兒。喺大去前一個月，仲開咗 8 場告別音樂會，係貨真價實嘅告別。我前幾日亦翻睇咗一次。佢病得咁重，醫生要跟埋去戒備。點知佢一出虎度門，就脫胎換骨，仲可以喺台上談笑風生，邊度似就去嘅人？雖然睇得出，已經冇乜氣，但台風仍在。最後一幕，佢着住劉培基為佢特別設計，係屬於佢自己嘅白色婚紗，面對歌迷，帶笑訴說一生憾事。音樂響起，係夕陽之歌。過去種種，已在其中矣。歌末，喺伴唱聲中，佢雙手輕輕拈起裙腳前擺，拖住長長嘅婚紗尾，一口氣步上六七十級樓梯（我戥佢驚心），樓梯上方平台，三四米高雙掩門徐徐打開。佢步入，企喺門口，輕輕回頭，吸一口氣，大聲而有勁咁講：「拜拜！」，呢句「拜拜」，係真嘅拜拜。跟住，頭也不回，慢慢行入去，門亦徐徐關上⋯⋯⋯⋯。
每次睇到呢度，我都要透一大啖氣。梅艷芳，真係屬於舞台嘅。
有人話，上天愛惜一個人嘅才華，會喺高峯時召佢返回天家。咁就免受魔鬼試煉、時間摧殘，等佢好嘅一面永留人間。我鍾意呢個講法。
夕陽之歌
梅艷芳
作詞：陳少琪
作曲：Kohji Makaino
編曲：趙增
斜陽無限 無奈只一息間燦爛 隨雲霞漸散 逝去的光彩不復還
遲遲年月 難耐這一生的變幻 如浮雲聚散 纏結這滄桑的倦顏
漫長路驟覺光陰退減 歡欣總短暫未再返 那個看透我夢想是平淡
曾遇上幾多風雨翻 編織我交錯夢幻
曾遇你真心的臂彎 伴我走過患難
奔波中心灰意淡 路上紛擾波折再一彎 一天想 想到歸去但已晚
啊⋯⋯天生孤單的我心暗淡
路上風霜哭笑再一彎 一天想 想到歸去但已晚
歌詞睇嚟好灰，但係，喺新嘅一年，用嚟鼓勵，警剔自己，要珍惜眼前人，珍惜眼前事物，珍惜眼前一切，都有正面作用㗎嘛，喺咪？
乙未年 2015
而家梗係寫唔到尐乜嘢，不過，因為鋪頭搬返屋企，呢個羊年，變化都會好大。而家仲有好多未知之數，到時再算喇。不過咁，無論喺邊度開工，旅行都係不可少嘅。而家積極踱緊行程，到時⋯⋯
再噏過，
祝新年快樂，萬事如意
柯拿，大家好，
六年前，老咩頭登陸，踏入佢第六個虎年。我一時感觸，口多多寫咗篇嘢，裏面講過尐咁嘢：（大意）「各位飛禽走獸，執生喇，兔、龍、蛇、馬、羊，就一個跟住一個嚟喇，時間唔等人，有得玩就好去玩喇」。吓，斬吓眼，五隻動物已經過場，呢隻羊咩就喺街角，等候登場。托賴，呢幾年，我揸住呢隻宗旨，當然更加全靠愛妻「拾卜」，「有得玩好去玩」，呢個信念，都實踐得唔錯，touch wood，no complaines。
自從鬼子佬識得講生肖後，每年年底，就鍾意話：「Congratulations, year of 乜嘢乜嘢 is coming」。佢哋鬼知生肖係計農曆，更加唔會知，認真計起嚟，要到立春嗰一日，新一年生肖，至正式登場。
用鬼話講虎兔龍蛇馬，就係 year of tiger, rabit…. ，咁冇問題，不過一講到羊，就有尐繞口嘞。羊？喺乜嘢羊？sheep？goat？lamb？ ram？咁應該係 year of 乜嘢呢？
記得對上一個羊年（吓，又十二年前？），我住嗰區嘅華人協會，每年嘅新春團拜，都有邀請聯邦及地方政要，當時嘅聯邦律政部長盧鐸 Phillip Ruddock，亦係座上客，佢係我哋選區嘅國會議員，同華人社區非常熟落。當日佢最大，梗係會上台講幾句。原來咁啱，佢 1943 年出世，咁即係又係羊年出世。咁，佢又會講 year of 乜嘢呢？
人類會就各種動物不同嘅行為特質，而附會某種性格嘅人。咁多種羊，性格各異，梗係楝自己鍾意嗰隻。
一諗起綿羊，就係溫純，唔會駁嘴，你話乜就乜，非常守紀律，合群並且接受社會規範，永遠認命，樂天知足嗰隻性格。
山羊就好唔同，佢哋獨立，雖然群居但唔鍾意黐埋一 嚿，畀好多空間自己，經常見到山羊企喺好斜嘅山坡上食草，真係唔知佢哋點行到上去，可見佢哋力量充沛。佢哋嘅力量加埋好奇心，令佢哋不斷發掘新路向上爬。合群唔係佢杯茶，我行我素嘅性格，可能畀人話獨家村、不識時務。
羔羊，就係羊仔，咁咪係天真、幼稚、無知喇。鬼子佬話 vulnerable ，即係軟弱無力，任人欺凌都冇聲出。不過可以講得好聽尐嘅，從正面嚟睇，就係唔強求、接受自己嘅限制、尊重社會規範。
Ram 就係公羊，仲要係識生仔嗰隻，太監咗嘅，唔叫 ram。傳統嘅形象，就係頭上有兩個捲曲嘅大角。公羊就係帶頭羊，強壯、勇敢、果斷、一往無前就係天性，做得帶頭羊，就係天生嘅領袖。而西洋星座中 signs of zodiacs，第一個星座就係白羊座 Aries，無論性格描述及外在形象，都係嚟自 ram。
咁你又認為呢位聯邦部長，佢會選擇 year of 乜嘢呢？唔使畫公仔畫出腸喇嘛？
1894，歳屬甲午，日清黃海大戰，史稱甲午戰爭，清廷北洋水師全軍覆沒，簽定馬關條約，台灣因此畀日本統治咗半個世紀。福兮禍所倚，亦因此得以免受大陸統治，此是後話。嗰時讀呢段歷史，感覺係好古舊嘅事，今日回頭一睇，第二個甲午年，就已經係 1954年，下一年就係乙未年，我就係乙未年出世，原來我出世同甲午海戰只相差61年咋！
「未」肖羊，我就係羊仔。論星座，我係白羊座♈️，咁計，都係羊仔。2015年立春時間係2月4日11时59分，比年初一早14日。到時，就踏入第6個羊年。直到今日，我經歷過5個羊年。都有興趣睇吓我所經歷嘅羊年發生咗尐乜嘢事。
乙未年 1955
今日睇新聞，啱啱發現咗隻馬來西亞廉航殘骸，真唔好彩，馬來西亞一年三次空難。另一單新聞，「香港第一諜」曾昭科，啱啱喺2014年12月18日病逝廣州。咁，兩者又有乜 la lung 呢？乙未年，我出世前四日，一架由北京飛香港嘅洛歇 L-749 飛機，客什米爾公主號，喺轉飛印尼途中，爆炸墜毀。原來呢架係包機，接載中共代表團去耶加達參加亞非萬隆會議。周恩來係團長，亦應該係乘客之一。國民黨特工要行刺周恩來，喺香港啟德機場，成功買通清潔工，喺機上放炸彈，成功炸毀飛機。周恩來點解唔死得，原來要多謝曾昭科，佢係當時華人最高級警官，內裏其實係中共間諜。佢知道行刺計劃後，向周恩來報告。周恩來即刻改變行程，由陸路經緬甸再飛印尼，避過一刧。至於點解明知行刺計劃，客什米爾公主號仲要飛，累死十一條人命，係唔係要將呢班人當副車，而保住總理嘅大命？咁就不得而知嘞。呢件事，史稱「客什米爾公主號事件」。
健力士紀錄大全，就喺呢年面世。
我出世冇耐，杜琪峰、周潤發、韓瑪利都相繼喺呢個南方小島出生，同我一齊，帶畀香港人歡樂。劉曉波都唔執輸，喺年尾搶閘出世，開始構思08憲章，不過劉霞一家，就真係唔得佢死喇。
有生有死，至係世道循環，我出世三日後，愛因斯坦就熄「爐」歸主，咁樣證明一件事，我唔係佢嘅投胎⋯⋯。哦，唔怪得我唔識計數喇。
丁未年 1967
我呢隻羊仔，家貧又冇乜人理，讀書蠢鈍又懶鬼過人，烏啄啄過咗十二地支都未小學畢業，呢個羊年，係灣仔活道賽馬會官立小學下午校，仲讀緊5C班下學期。四月一日星期六（咦，愚人節喎，乜真係咁大整蠱），我下晝唔使返學，一個人行出高土打道，灣仔差館對開，嗰度係海邊。海皮停咗幾隻美軍戰艦。曰頭白白，忽然個天黑晒，好似夜晚咁，跟住，一粒粒波子咁嘅物體兜頭撒埋嚟，嗰時，我用我咁高嘅智商去思考：嘩，美帝都算衰嘞，戰艦射尐咁嘅嘢埋岸，我即刻走頭。返到屋企，老豆話呢尐叫落雹。原來香港27年來未落過雹，我係黔驢未見虎，夏蟲未見冰，咁大個仔都未見過尐咁嘢，咁我點知啫，情有可原喇。佢跟住又話：「落雹？世界唔好喎。」
世界唔好？即係乜嘢？我?￤ﾻﾔ點知咁多。
五月六日，新蒲崗膠花廠勞資糾紛，揭開六七暴動序幕，跟住示威遊行，差佬打死人，土製波蘿又炸死人，出埋英軍搜工會。七月沙頭角中英邊界開火，五名香港警察中彈身亡。八月廿四日，商台播音皇帝林彬同佢堂細佬喺窩打老道山中伏，畀人用氣油彈燒死。⋯⋯⋯⋯。落雹，果然預示世界唔好。好彩中英雙方同埋香港市民都唔想做瓜呢隻金鵝，終於喺10月大致結束騷亂，中英雙方政府，大家側側膊唔多覺。其間畀人打死，或者打到黐肺，又或者拉咗入士丹利大學進修嘅愛國同胞，就當你哋唔好彩嘞。結果埋單，51人死亡，八百幾人受傷，1167個炸彈，2000人被撿控。呢個羊年，認真大劑。
都唔係乜嘢好嘢都冇嘅，11月14日，獅子山隧道通車，入新界就快好多喇。仲有好緊要，11月18日，無綫電視正式廣播。記憶中，我哋第一架電視係71年買，係一架12吋黑白電視仔，老豆話要嚟睇打乒乓波，記唔記得乒乓外交呢？嗰時睇電視好大陣仗，要請人飛條線上天台駁住魚骨天線至有得睇，我哋住二樓，條線要上九樓，你話工程幾咁浩大！仲有，個電視機仲要每年攞牌，真誇張。
己未年 1979
呢個羊年，我畢業出嚟打工，喺明愛香港仔一間職業先修學校教。第一年，又教中文，又教英文，又教體育，哈，中西兼善，文武全才，你都咪話唔威威。不過咁嘅組合，確係幾古怪。此後三年，單教體育，只教一班中文兼埋班主任，其實非常舒服。
阿督高佬麥理浩，呢年三月北京密會小平，亦從此展開馬拉松交回主權談判。原來中英會談亦係始於羊年。
呢年一月一日，美國同台灣斷交，同中國正式建立外交関係。呢頭和平，嗰頭打仗，2月1日，幾十萬中國大軍壓境，揮軍攻打曾經一度攬頭攬頸、同志加兄弟嘅越南。打到去涼山，將越南反骨仔教訓一頓，再班師回朝，總共打咗一個月。呢場仗個結果都幾好，因為中越雙方都話自己勝利。果真係一個雙贏之局，咁又係，政府點會輸，輸嘅永遠係人民，連條命仔都輸埋。
倫敦，喺呢一年，戴卓爾夫人成為英國歷史上第一任女首相，三年後，喺人民大會堂跌一交，五年後同趙紫陽簽定中英聯合聲明。今日，戴，趙已經係古人，連兩個人所簽嘅都會過期失效，人走茶涼，真係冇情講。
台灣美麗島事件就喺呢年發生，當年階下囚，今日已經係獨當一面嘅政治人物。兩三個羊年嘅光境，美麗島再冇黨禁，報禁，各級議會、總統，由人民自由選出，羨慕死隔籬。
辛未年 1991
呢個羊年，蔣家變化好大，天窗已經拉埋多年，開枝散葉，仔都五歲。八九後，決定移民，用咗一兩年時間，移居袋鼠國嘅預備工夫，亦都七七八八，為咗壯大聲勢，積極增加人口。計劃進行順利，大小姐喺年尾加入蔣氏大家庭。咦，都係一隻羊女喎。
呢幾年，香港多咗好多械劫案，黑幫僱用大陸賊匪嚟香港犯案，人稱省港旗兵。最矚目嘅，就梗係喺呢年 6月9日，揸住AK47，企喺觀塘勿華街路中間，指揮連劫五間金鋪嘅葉繼歡。賊王最終喺回歸前畀巡警撞棍開槍打至傷殘。惡人有惡報，應該係天道，可惜，天道並唔係經常彰顯。
年尾，30號，差唔多羊年最後一日，英廷宣佈：1992年，將會撤換港督衞奕信，喺未搵到邊個係繼任人選，就高調炒魷，十分罕見。據聞，英廷唔多滿意呢個中國通，喺中英談判時，非常軟弱。卒之第二年7月9日，彭定康成為第28任，即係末代港督。我都有幸，喺佢治下嘅香港，生活咗兩個月。
呢個羊年嘅下一年，猴年嘅9月15日，星期二，蔣家帶住5歲大少爺，同埋9個月嘅大小姐，搭澳航班機，夜飛南洲。下一個羊年，袋鼠國見。
癸未年 2003
呢個羊年，蔣家已安身南洲，大人有工做，細路有書讀，全家有屋住。當然，搵到錢要納稅，而且比例唔少。不過，有乜頭暈身㷫、打針食藥、仆親抝柴，細路由幼稚園讀到大學，政府用返你尐錢幫你一把。呢度唔驚餓親，唔驚有病冇錢醫，唔驚冇屋住要踎街。做公民，到時到候，亦要盡下公民責任，出嚟投票，三級議會邊個做，你喺有 say 嘅。如果你咁把炮，想要自己落場玩，選返個議員做下，係得嘅。唔好信人講：「全世界都有篩選喇」，呢度就冇。當然，有得落場玩，唔係實蠃。咁唔係篩選，咁叫做民意。
最近翻睇兩集金雞，吳君如嘅誇張 over acting，從來唔係我杯茶（雖然我都係咁），但係，睇完都好有感受。使唔使咁呀，點解香港要咁慘。廣州煲醋，當時冇人知乜頭乜路，極權國家，個實情，佢點會話你知，只會，有咁密冚咁密。2月21日，廣州「沙士」教授入住京華酒店，佢以一人之力，為世界帶嚟京華悪夢！最後香港付出299條人命，其中謝婉雯醫生等無私奉獻，焉能不感動。又真係好難搞，黐得神州咁近，又守唔住條邊界，點知有冇「玉泉」教授、「七喜」教授，等緊落嚟，大家唔好大意，真係要執生。噚日，年尾流流，又有廣州「可樂」流感雞運入長沙灣，累埋本地雞，過萬隻五德之禽又要係咁先，真無辜。fingers crossed, 希望只此而已，善哉善哉。
呢一年，個個戴住口罩行街，衰到連愁眉苦面都睇唔到，剩係睇到一對一對無奈嘅眼睛。怨氣大到幾十萬人行出街表態。至於阿松，葉劉下台，田少請辭行會，老董擱置廿三條⋯⋯，都只不過係政治掩眼法，唔同時期，唔同角色而已。佢哋柄埋一陣，吼準機會，又出嚟玩過。總之，劇本一早阿爺已經寫定，大家到時到候，照本宣科就得嘞。講都無謂。
娛樂界，呢一年，係好大，好大鑊！4月1日，愚人節，哥哥張國榮受抑鬱症所困，走上東方文華一躍而下。11月16日，林振強亦歸天，佢終於可以面對住雁妮，唱笛子姑娘。二不離三，仲有個壓軸，巨星梅艷芳，12月30日騎鶴西去，佢真係貨真價實，舞台嘅女兒。喺大去前一個月，仲開咗 8 場告別音樂會，係貨真價實嘅告別。我前幾日亦翻睇咗一次。佢病得咁重，醫生要跟埋去戒備。點知佢一出虎度門，就脫胎換骨，仲可以喺台上談笑風生，邊度似就去嘅人？雖然睇得出，已經冇乜氣，但台風仍在。最後一幕，佢着住劉培基為佢特別設計，係屬於佢自己嘅白色婚紗，面對歌迷，帶笑訴說一生憾事。音樂響起，係夕陽之歌。過去種種，已在其中矣。歌末，喺伴唱聲中，佢雙手輕輕拈起裙腳前擺，拖住長長嘅婚紗尾，一口氣步上六七十級樓梯（我戥佢驚心），樓梯上方平台，三四米高雙掩門徐徐打開。佢步入，企喺門口，輕輕回頭，吸一口氣，大聲而有勁咁講：「拜拜！」，呢句「拜拜」，係真嘅拜拜。跟住，頭也不回，慢慢行入去，門亦徐徐關上⋯⋯⋯⋯。
每次睇到呢度，我都要透一大啖氣。梅艷芳，真係屬於舞台嘅。
有人話，上天愛惜一個人嘅才華，會喺高峯時召佢返回天家。咁就免受魔鬼試煉、時間摧殘，等佢好嘅一面永留人間。我鍾意呢個講法。
夕陽之歌
梅艷芳
作詞：陳少琪
作曲：Kohji Makaino
編曲：趙增
斜陽無限 無奈只一息間燦爛 隨雲霞漸散 逝去的光彩不復還
遲遲年月 難耐這一生的變幻 如浮雲聚散 纏結這滄桑的倦顏
漫長路驟覺光陰退減 歡欣總短暫未再返 那個看透我夢想是平淡
曾遇上幾多風雨翻 編織我交錯夢幻
曾遇你真心的臂彎 伴我走過患難
奔波中心灰意淡 路上紛擾波折再一彎 一天想 想到歸去但已晚
啊⋯⋯天生孤單的我心暗淡
路上風霜哭笑再一彎 一天想 想到歸去但已晚
歌詞睇嚟好灰，但係，喺新嘅一年，用嚟鼓勵，警剔自己，要珍惜眼前人，珍惜眼前事物，珍惜眼前一切，都有正面作用㗎嘛，喺咪？
乙未年 2015
而家梗係寫唔到尐乜嘢，不過，因為鋪頭搬返屋企，呢個羊年，變化都會好大。而家仲有好多未知之數，到時再算喇。不過咁，無論喺邊度開工，旅行都係不可少嘅。而家積極踱緊行程，到時⋯⋯
再噏過，
祝新年快樂，萬事如意
嚤囉
No comments:
Post a Comment