2015.09.01
冬盡噏春來，又見蘭花開；人生如幻海，鬼知邊瓣開？
柯拿，大家好，
廿一世紀一十年代又過咗一半，我成日話，人算不如天算，就算係自己嘅人生，都唔到你計算。有尐嘢，話嚟就嚟，絶冇事先通知，我哋可以做嘅，就係：煮到嚟就食，見招拆招而已。唓！咁咪係「摸住石頭過河」囉。係喎，咁並唔係乜嘢偉大創見，常識嚟啫，唔使吹到「偉大設計師」咁巴閉。
諗返起放棄鋪頭，離開商場，原來只係 2014 年6月嘅事，一年多尐啫，唔覺唔覺，乜呢年，做咗咁多嘢。
最初要聯絡住尐客，就喺商場附近租咗個住宅車房繼續營業。不過，生意認真麻麻，又要交租，其實冇乜得執，不過又真係可以 keep 住一小撮死忠粉絲。自我安慰，都係有些少作用嘅。嗰六個月，一邊喺車房開鋪，一邊睇下可以搞尐乜嘢。
承蒙莫老闆指點，試下踩入旅遊界。想當然：我鍾意旅遊，又識揸車，考返個牌，就可以做旅遊車司機、導遊。坐言起行，非常容易攞埋牌，仲實牙實齒，大大細細，做咗十幾個團。真係「事非經過不知難」，做旅遊司機、導遊，同自己旅遊去玩，原來一個天，一個地。呢一行，睇嚟唔多啱我。
我前排由巴爾干旅行返嚟，六月尾，正正係雪梨最凍嘅日子，即刻收到電話，約我開工帶旅行團。乜話，咁鬼凍，要朝早四點幾起身，摸黑去攞車開工，又到夜孖孖，送晒客人返酒店至返得屋企，第二朝又再玩過⋯⋯！咁真係由天堂跌返落地下。
我諗，而家呢個人生階段，起早摸黑，咁嘅生活節奏，可能唔係好啱我。我百足咁多爪，即刻再放聲氣，睇下附近有冇補鞋鋪，或者有兩三日散工做。哈，唔試你又唔知，放完聲氣第二日，正在同中大友行緊晨運，享受雪梨湖光山色之際，電話響，話你都唔信，即刻有工開，而且係離屋企五分鐘車程嘅 Castle Towers 商場。
其實呢間鋪鞋鋪，早喺二十年前（係！二十年！真珠都冇咁真），已經想請我開工，我冇應承，因為我想有自己鋪頭。人生兜兜轉轉，物換星移，人類連冥王星都去埋，廿年過去，我居然去返回原點。我都話，人生，邊到你估？點到你安排？咪就係：見招拆招喇。
「見招拆招」，根本就係我嘅人生，用鬼話講：that's all my life.
蔣家後園屋角，有一「桶」好得意嘅蘭花，成年流流長，呢棵蘭花都係一條一條長 lei lei 嘅綠葉、黃葉，立立雜雜咁喺個膠桶度生出嚟，而蘭花種喺膠桶，都係喺後園搵個已經漏水、唔要嘅膠桶，求其放入去而已。我其實冇興趣園藝，學鬼子佬話齋： I don't have a green thumb。
其實，呢株蘭花，移居蔣家已經十八年，印象所及，只專登㵉過一次水，施過一次肥。為咗貪方便，就一直放咗係屋角外面窗下，好少打理。不過，呢株蘭花就好似「石頭記」嘅絳珠仙草，而我哋屋頂上面附近，又梗係有個赤霞宮神瑛使者，定時定刻提供滋潤雨露，咁樣，仙草就得以茁壯成長，每年八月、九月，十分準時，都生出八菖十菖蘭花。人人都話蘭花難種，呢株冇人、冇物打理嘅蘭花，自生自滅，尐花仲開得鬼咁燦爛?￣ﾀﾂ
十八年前，蔣家新屋入伙。呢株蘭花，係一對雪梨朋友夫婦，嚟 house warming 時送嘅禮物。十八年來，每次出後園見到蘭花，都會諗起佢哋。唔單止因為佢哋送嚟神奇蘭花，最重要嘅，佢哋係我喺雪最先認識嘅朋友，而且，喺蔣家移民歷史中，佢哋佔咗好重要嘅一頁。
時光機又向後回撥，八九年下半年，我喺葵涌做體育導師，跟住嗰三幾年，香港最熱門嘅話題，就係移民，而且唔係得個講字，好多都係實牙實齒嘅行動派，蔣家亦係其中一員，雖然喺袋鼠國冇人冇物，我哋心口掛住個勇字，就計劃直闖紅土大地。
麗儀小姐，係我老同學兼體育組同事，咁啱，佢細妹、妹夫一家，已經喺雪梨住咗六年。當時又咁啱，正喺香港渡假探親。哈哈，又係「見招拆招」嘅大好機會，焉能錯過，即刻約出嚟，喺太古城一間餐廳見面。佢姓黃，我叫佢翹兄，佢好有俠客風範，令我諗起天龍八部嘅喬大俠。
一九九一年，二月十四號年三十晚，一家三口由啓德機場，登上夜機。飛機到達雪梨，正是辛未羊年正月初一，喺機場接我哋嘅就係翹兄。人生路不熟，落機即刻有人接，嗰種開心法，真係試過至知。翹兄仲即刻車我哋去雪梨唐人街「東海酒樓」飲早茶，年初一嘅唐人街，燒炮仗、舞醒獅、到處揮春紅燈籠 ⋯⋯，當時情景，依然歷歷在目。呢次十日澳洲之旅，係移民之前嘅 landing ，我哋以翹兄屋企為家，又食又住，佢仲犧牲佢嘅假期，車出車入，同我哋四圍去辦手續、了解周圍狀況。唔好忘記，我哋之前，只係喺太古城飲過一次咖啡！有咁嘅俠義心腸，佢唔係大俠，邊個係？
講開又講，今年（乙未羊年），兩個羊年後回望，我呢隻羊仔，辛未羊年登陸呢個羊仔嘅國度。羊年尾，蔣家又添一個羊女，然後浩浩蕩蕩，樂䕶（落戶）羊仔之國，⋯⋯ ，造物可有安排乎？
一九九二年九月十五日，又喺啓德出發，十六號到埗。接機嘅，又係翹兄。今次， 死黨 Rossanna 一早幫我哋租咗旅館，唔使再打搞翹兄。但係，一有嘢要人幫手，翹兄都即刻幫忙。唔使一個禮拜，我哋即刻租到地方住，不過，隻貨櫃仲未到，我哋只有一個電飯煲帶上機，其他日常用品，乜都冇。當晚，翹兄就送碗碟被鋪枱櫈 ⋯⋯ 等等過嚟 ⋯⋯。有咁好嘅支持，蔣家好快就踏上軌道，接駁社會節奏。此後兩三年，經常都會去翹兄屋企聚會，不過隨住仔大女大，又各有各忙，見面嘅機會就越嚟越少喇。
又到羊年，又到九月，九月係雪梨春天嘅開始，屋角翹兄送嘅蘭花，今年有十菖咁多。有尐經已燦爛盛開，有兩三菖仍然含苞待放。一如以往，每次行出後園，蘭花就提醒我：蔣家「樂䕶」袋鼠國，又添新歲。更加叫我唔好忘記，曾經喺我有需要嘅時候，及時伸手扶我一嘢嘅人。
今年係登陸袋鼠國第三個羊年，到九月十六日又係移居袋鼠國二十三年，搵埋翹兄飲返餐茶至得。咦，咁啱麗儀、丹尼臣賢伉儷又喺澳洲，喂，約吓幾時咯。
車房鋪頭
柯拿，大家好，
廿一世紀一十年代又過咗一半，我成日話，人算不如天算，就算係自己嘅人生，都唔到你計算。有尐嘢，話嚟就嚟，絶冇事先通知，我哋可以做嘅，就係：煮到嚟就食，見招拆招而已。唓！咁咪係「摸住石頭過河」囉。係喎，咁並唔係乜嘢偉大創見，常識嚟啫，唔使吹到「偉大設計師」咁巴閉。
諗返起放棄鋪頭，離開商場，原來只係 2014 年6月嘅事，一年多尐啫，唔覺唔覺，乜呢年，做咗咁多嘢。
最初要聯絡住尐客，就喺商場附近租咗個住宅車房繼續營業。不過，生意認真麻麻，又要交租，其實冇乜得執，不過又真係可以 keep 住一小撮死忠粉絲。自我安慰，都係有些少作用嘅。嗰六個月，一邊喺車房開鋪，一邊睇下可以搞尐乜嘢。
承蒙莫老闆指點，試下踩入旅遊界。想當然：我鍾意旅遊，又識揸車，考返個牌，就可以做旅遊車司機、導遊。坐言起行，非常容易攞埋牌，仲實牙實齒，大大細細，做咗十幾個團。真係「事非經過不知難」，做旅遊司機、導遊，同自己旅遊去玩，原來一個天，一個地。呢一行，睇嚟唔多啱我。
我前排由巴爾干旅行返嚟，六月尾，正正係雪梨最凍嘅日子，即刻收到電話，約我開工帶旅行團。乜話，咁鬼凍，要朝早四點幾起身，摸黑去攞車開工，又到夜孖孖，送晒客人返酒店至返得屋企，第二朝又再玩過⋯⋯！咁真係由天堂跌返落地下。
我諗，而家呢個人生階段，起早摸黑，咁嘅生活節奏，可能唔係好啱我。我百足咁多爪，即刻再放聲氣，睇下附近有冇補鞋鋪，或者有兩三日散工做。哈，唔試你又唔知，放完聲氣第二日，正在同中大友行緊晨運，享受雪梨湖光山色之際，電話響，話你都唔信，即刻有工開，而且係離屋企五分鐘車程嘅 Castle Towers 商場。
其實呢間鋪鞋鋪，早喺二十年前（係！二十年！真珠都冇咁真），已經想請我開工，我冇應承，因為我想有自己鋪頭。人生兜兜轉轉，物換星移，人類連冥王星都去埋，廿年過去，我居然去返回原點。我都話，人生，邊到你估？點到你安排？咪就係：見招拆招喇。
「見招拆招」，根本就係我嘅人生，用鬼話講：that's all my life.
蔣家後園屋角，有一「桶」好得意嘅蘭花，成年流流長，呢棵蘭花都係一條一條長 lei lei 嘅綠葉、黃葉，立立雜雜咁喺個膠桶度生出嚟，而蘭花種喺膠桶，都係喺後園搵個已經漏水、唔要嘅膠桶，求其放入去而已。我其實冇興趣園藝，學鬼子佬話齋： I don't have a green thumb。
其實，呢株蘭花，移居蔣家已經十八年，印象所及，只專登㵉過一次水，施過一次肥。為咗貪方便，就一直放咗係屋角外面窗下，好少打理。不過，呢株蘭花就好似「石頭記」嘅絳珠仙草，而我哋屋頂上面附近，又梗係有個赤霞宮神瑛使者，定時定刻提供滋潤雨露，咁樣，仙草就得以茁壯成長，每年八月、九月，十分準時，都生出八菖十菖蘭花。人人都話蘭花難種，呢株冇人、冇物打理嘅蘭花，自生自滅，尐花仲開得鬼咁燦爛?￣ﾀﾂ
十八年前，蔣家新屋入伙。呢株蘭花，係一對雪梨朋友夫婦，嚟 house warming 時送嘅禮物。十八年來，每次出後園見到蘭花，都會諗起佢哋。唔單止因為佢哋送嚟神奇蘭花，最重要嘅，佢哋係我喺雪最先認識嘅朋友，而且，喺蔣家移民歷史中，佢哋佔咗好重要嘅一頁。
時光機又向後回撥，八九年下半年，我喺葵涌做體育導師，跟住嗰三幾年，香港最熱門嘅話題，就係移民，而且唔係得個講字，好多都係實牙實齒嘅行動派，蔣家亦係其中一員，雖然喺袋鼠國冇人冇物，我哋心口掛住個勇字，就計劃直闖紅土大地。
麗儀小姐，係我老同學兼體育組同事，咁啱，佢細妹、妹夫一家，已經喺雪梨住咗六年。當時又咁啱，正喺香港渡假探親。哈哈，又係「見招拆招」嘅大好機會，焉能錯過，即刻約出嚟，喺太古城一間餐廳見面。佢姓黃，我叫佢翹兄，佢好有俠客風範，令我諗起天龍八部嘅喬大俠。
一九九一年，二月十四號年三十晚，一家三口由啓德機場，登上夜機。飛機到達雪梨，正是辛未羊年正月初一，喺機場接我哋嘅就係翹兄。人生路不熟，落機即刻有人接，嗰種開心法，真係試過至知。翹兄仲即刻車我哋去雪梨唐人街「東海酒樓」飲早茶，年初一嘅唐人街，燒炮仗、舞醒獅、到處揮春紅燈籠 ⋯⋯，當時情景，依然歷歷在目。呢次十日澳洲之旅，係移民之前嘅 landing ，我哋以翹兄屋企為家，又食又住，佢仲犧牲佢嘅假期，車出車入，同我哋四圍去辦手續、了解周圍狀況。唔好忘記，我哋之前，只係喺太古城飲過一次咖啡！有咁嘅俠義心腸，佢唔係大俠，邊個係？
講開又講，今年（乙未羊年），兩個羊年後回望，我呢隻羊仔，辛未羊年登陸呢個羊仔嘅國度。羊年尾，蔣家又添一個羊女，然後浩浩蕩蕩，樂䕶（落戶）羊仔之國，⋯⋯ ，造物可有安排乎？
一九九二年九月十五日，又喺啓德出發，十六號到埗。接機嘅，又係翹兄。今次， 死黨 Rossanna 一早幫我哋租咗旅館，唔使再打搞翹兄。但係，一有嘢要人幫手，翹兄都即刻幫忙。唔使一個禮拜，我哋即刻租到地方住，不過，隻貨櫃仲未到，我哋只有一個電飯煲帶上機，其他日常用品，乜都冇。當晚，翹兄就送碗碟被鋪枱櫈 ⋯⋯ 等等過嚟 ⋯⋯。有咁好嘅支持，蔣家好快就踏上軌道，接駁社會節奏。此後兩三年，經常都會去翹兄屋企聚會，不過隨住仔大女大，又各有各忙，見面嘅機會就越嚟越少喇。
又到羊年，又到九月，九月係雪梨春天嘅開始，屋角翹兄送嘅蘭花，今年有十菖咁多。有尐經已燦爛盛開，有兩三菖仍然含苞待放。一如以往，每次行出後園，蘭花就提醒我：蔣家「樂䕶」袋鼠國，又添新歲。更加叫我唔好忘記，曾經喺我有需要嘅時候，及時伸手扶我一嘢嘅人。
今年係登陸袋鼠國第三個羊年，到九月十六日又係移居袋鼠國二十三年，搵埋翹兄飲返餐茶至得。咦，咁啱麗儀、丹尼臣賢伉儷又喺澳洲，喂，約吓幾時咯。
嚤囉
No comments:
Post a Comment