2013.12.22
吹得就吹，環保先鋒捨我其誰；噏得就噏，愛字當頭必屬秘芨。
柯拿，大家好，
眼都唔駛斬，又到咗年尾。香港嘅冬至，袋鼠國嘅夏至，過埋呢個禮拜，就係2004。
未試過咁勤力，寫咁多嘢。細時唔交功課，而家就寫番夠本，係你嘅工作，一定要畀返晒你。卒之完成功課，而家，又有時間噏嘢喇。
年尾呀、學校假期呀、、大時大節呀、就係我呢行嘅淡季。雖然，成個商場都係人，硬係唔嚟幫襯我。做呢行做咗廿年，慣晒喇。本來可以他條啲，點知兩位幫手嘅女士，都返咗香港，我一支公，一周七日，做到聖誕前一日。袋鼠佬話 take the good, and take bad，我唔會呻。聖誕後，自己一條友四圍去，玩番佢四五日，補番數。
上個禮拜，袋鼠國有單法庭新聞。喺藍山區（就係我哋成日行山嗰附近）一個遍遠野外，住咗一群人。冇水冇電，過住衛生環境極差嘅生活。佢哋間唔中會揸車去附近小鎮買嘢，鎮上居民都認得佢哋，但從來冇溝通，只知啲細路，個個污糟貓咁嘅樣。袋鼠佬唔鍾意各家自掃門前雪，恐怕啲細路畀人疏忽照顧，於是報警，懷疑啲細佬有冇返學。警察到場，唔單只發現居住環境惡劣，兼且發現一單，後來法庭話，係澳洲歷史上，其中一單最惡劣嘅家庭悲劇。
呢四十人係一個家庭，全部出自一對紐西蘭兄妹。呢對不倫之戀嘅兄妹所生嘅後代，為咗逃避世人嘅耳目，輾轉嚟咗澳洲，住過幾個省，最後住咗嚟藍山。唔知係唔係有呢對兄妹嘅基因，呢四十人，全部係互相繁殖嘅結果，佢哋相互嘅關係，複雜到唔知點講。因為近親繁殖，好多細路染上遺傳病，有啲視力有問題、有啲行動有問題、又有啲智力有問題，總之就濕滯。唔駛講，細路冇書讀，亦唔識得照顧自己。為咗唔畀人知，佢哋只好住喺偏遠無人之境，繼績過呢啲不為世人所認同嘅生活。
法庭頒令，未成年細路由政府接管，有啲入院舍，有啲放喺寄養家庭。此事亦暫告一段落。
呢單案，我聯想起澳洲土著社區亦有相同問題。願意又好，強逼又好，複雜家庭關係，比比皆是。但係政府一揩到土著、原住民 indigenous people（而家唔可以叫小數民族）嘅問題，就即刻腳軟，警察執法都有顧忌。就算告上法庭，遇到啲左膠、white guilt 法官，佢哋會話呢啲係文化差異，要包融。咁就輕判了事。
回想二百幾年前，1770年4月28日 ，英國曲克船長登陸雪梨植物灣，此後，袋鼠大地落入米字旗統治。耶教白人海盜紳士，見到土著原著民呢啲家庭倫理，認為不合耶教禮數。嗰時邊有左膠？邊有政治正確？邊有文化包融？英國佬唔知出自乜嘢動機，將呢啲受侵犯嘅土著細路仔、細路女，帶離開原有土著家庭，好多就寄養喺白人家庭，教會裏面。佢哋同白人細路一齊生活，一齊接受教育。後來學有所成者，大有人在。就算唔係特別出色，起碼都過得正正常常，與時代接軌。當然亦有不幸者，好衰唔衰，寄住喺禽獸白人之家，再被侵犯，呢啲個案，當然亦有。
二百年後，呢啲本來嘅士著後代，而家皮膚白雪雪，一口英文。走出嚟控告政府，話佢哋嘅祖祖⋯⋯祖父母畀政府偷走咗，拆散咗原來嘅家庭，喪失咗土著文化⋯⋯等等，要而家嘅政府道歉，最重要⋯⋯梗係要賠償喇。呢件事，就係所謂，「被盜的一代」 the stolen generations。何華德自由黨政府拒絕道歉，至2008年陸克 文工黨政府，正式道歉，但始終唔知點賠償、賠啲乜嘢？呢件事，仲有排搞。
對「被盜的一代」呢件事，唔同立場嘅人，有截然唔同嘅睇法。我會咁睇，如果個屋企好似地獄，又畀人打、又畀人糟質、又冇自由。咁樣，畀人「偷」走咗，又有乜嘢問題。最緊要係畀乜嘢人偷咗，如果偷走咗，又如珠如寶，又錫到燶，又供書教學。喂，三跪九叩都應該喇。感恩都嚟唔切，講乜嘢賠償。
袋鼠國唐人稱士著為「阿布」( aborigines，小心，「阿布」唔講得。分分鐘畀人話種族歧視）。佢哋有被盜一代，香港人何嘗唔係 stolen generations。1843年4月砵典乍登陸香港，此後，米字旗統治香港150年。我慶幸英國海盜已經放棄，好似統治非州，統治南亞次大陸嘅方法。統治香港，始終比較文明。文明唔文明，唔係我講嘅。香港由小漁村變成大都會。150年來，乜嘢人？由邊度？乜解究？要走落香港。就係答案。人，梗係擇優而居。個口講愛乜愛物，對腳就最老實，睇下啲人挾住家財，帶埋老婆仔女走去邊，嗰度就係心中至愛。
因緣際會，我成為被盜一代。雖然窮，有幸，老豆老母都錫到燶，自由自在，快快樂樂，我梗係要感恩。但係，幸福唔係必然嘅。正當我喺街市，拍緊公仔紙，嗰邊廂，向北望，紅線女畀造返派剃陰陽頭、小習總老豆被鬪，佢要下放農村、薄熙來兜心窩佢老豆一鎚，以示忠誠、鄧少平阿仔被逼跳樓，跌跛腳，⋯⋯。我呢個被盜一代，踎喺呢個被盗小島，避晒呢啲嘢。上堂唔駛聽書，放學上九樓吹水，返屋企又唔駛做功課。冇人要你表態，要跟緊跟呢個、忠於𠴱個。冇人逼你愛呢個愛嗰個，我當然要心懷感激喇。
袋鼠佬，過咗選舉，就冇人鐘意講政治。反觀香港，就年年講，月月講。花臣層出不窮，不過內裏，來來去去都係三幅被：政治民主化？係阿爺畀嘅，畀幾多，就係幾多。全民選特首？冇問題，阿爺會親自揀幾件精英畀你，然後任你一人一票，又點話。立法會？點變都冇所謂，只有一個條件，阿爺要有絶對多數。議會內掟路姆西？講 poor guy？鬧狗官？忍你，又有乜所謂。話畀全世界聽，邊個話我專制，我建制內都有反對派，民主過你英國佬！
1994年，我搖身一變，變成一個補鞋佬。到出年，咁就做咗二十年。全澳洲，有幾多個唐人醫生、唐人律師、唐人會計師、唐人廚師？真係多如恆河沙數喇。不過，我作為一個唐人鞋藝師，全澳洲，伸出五隻手指去數，都有剩，我梗係鳳毛麟角喇。咁多年來，為南半球環保事業，鼓勵減少消費，推廣循環再用，増強環境保䕶意識，我作出巨大貢獻⋯⋯。哈哈，語言偽術，吹水唔抹咀，講完唔駛找數。容乜易！我都有得出賣。
吹水完畢。
二十年來，我每日好重要嘅工作，就係要明白客人需要乜嘢、要求乜嘢、期望有幾高。同時更要明自己嘅功夫仔，可唔可以滿足客人要求。如果有落差，就向客人解釋，我可以做到點。更加要百份之百，知道客人係明白我講乜嘢，明白我可以做到點。我嘅溝通技巧，就係咁樣練返嚟。有時有啲客，尤其係韓國人，佢哋猛咁yes,yes，千祈唔好信佢哋啲 yes。佢哋講 yes，只係表示聽到我講緊嘢，其實唔一定明白我講乜。咁嘅情形，我寧願唔接個 job，好過之後拗數。
啲客最經常問：「整完之後，會唔會好肉酸 looked ugly」。我會同啲客講：乜嘢係靚？乜嘢係醜？我嘅靚，可能係你嘅醜；我嘅醜，可能你又會接受。醜、靚，咁抽象，我唔會用嚟形容我嘅 job。我會向個客解釋，邊度會多咗行缐 stitching，邊度多咗塊皮 patch、邊度可能會有膠印 glue marks。至於靚唔靚？可唔可以接受？你自己判斷。
又有時，客人將要將鞋加高、減低、放寛，收緊等。佢又會問你：「整完後，會唔會舒服 comfy to ware」 。我會同佢講 com 唔 comfy ，只有你知，我只照柯打做嘢，你話加高一吋，我就加一吋畀你。至於加高咗係咪舒服啲，咁就 at you own risk 嘞。雖然之前要講咁多嘢，有啲客甚至以為我唔想接佢嘅 job。但係，正正係我同啲客，事前講清講楚，廿年來，絕少因為誤會而惹麻煩。咁樣，我開工，開心又放心。
袋鼠佬有句說話：How long is a piece of string？呢句唔係一個提問，意思係，你唔講清講楚要求，人哋點知你要乜，點去配合你？啲客嚟買鞋帶，話要一對啱佢對鞋嘅鞋帶，又唔知幾長喎，我就用呢句說話回敬。
而家嗌嘈晒話要愛國愛港，小學雞又要愛，各級官員又要愛，特首？梗係要愛，而且係天經地義，不言而喻。如果我接到個咁嘅柯打，我就要問，中華民國、清朝、唐宋元明、係咪中國？清朝之前嘅新疆、蒙古、滿洲又係唔係中國？海森威、烏蘇里江、珍寶島。係咪舊時要愛，而家就唔駛愛。原來愛一笪地方，就憑嗰啲上大人，喺地圖畫個圈圈。
又要問，乜嘢係愛。林子祥喺我愛夜來香講：「愛？唔係講嘅，要做至得。」愛一個國家，如果見到政府集體貪污、毀壞文化、愚弄人民、高壓統治⋯⋯。人民想方設法，去推翻政府，咁算唔算愛。中學歷史都有得讀，百年中華大地，孫大炮推翻滿清政府、蔣委員長領軍北伐，搞掂北洋軍閥政府、毛主席百萬雄師過大江，趕走國民政府。而家有人話過你知：愛國一定唔可以同中央政府對抗。咁，阿孫、阿蔣、阿毛，又點評價？
當然，其實一字咁淺。愛國？實在要你愛政府。講到明喇，唔搞三權分立，唔搞多黨輪替。咁咪係執政黨要永遠控制政府。要你愛乜嘢？唔駛畫公仔畫出腸喇嘛。至於點做，至係愛，政府到時會指示你。當然一時一樣，邊話得埋。總之聽話，就係愛。
又要感恩，喺有生之年，可以親眼見到一眾大律師、大醫生、大教授、大官員、大餘孽，眾目睽睽，連學術榮譽都可以唔顧，大噏廢話。香港離開秦城咁遠，尚且如此。當年郭沫若歌頌兩個紅太陽，教導人民永遠忠於偉大領袖。中國火箭之父錢學森，用物理學，論證畝產九萬斤稻田嘅可能性，從而肯定三面紅旗，係幾咁偉大。我懂事後，鄙視佢哋，認為佢哋最無恥。而家，我要向郭、錢二老講聲對唔住，完來更無恥嘅，陸續有來。當年二老，伴君如伴虎，秦城就喺咫尺之遙。為安身立命，而亂嶖廿四。雖不可法，亦係明解。而家香港呢班大知識份子，又冇槍指住背脊，又冇刀架住條頸。做乜咁做？我點識講，等佢哋自己向歷史、向子子孫孫交代喇。
一講愛啊，恨啊，呢首歌就喺個腦彈出嚟。
萬般情
作詞：黃霑
作曲：顧嘉輝
主唱：葉麗儀
萬般情 萬般恨
像那春江河波瀾隱隱
什麼緣 什麼份
隨逝水東流再不要問
前塵舊事偏偏多記憶
心中種種歎息都烙下印
潮濤永遠沖不去
心裡面 往日痕
越多情 越多恨
何日江水會停 平息愛恨
真係估唔到，好似講緊我。
再噏過
嚤囉
加高改裝鞋
柯拿，大家好，
眼都唔駛斬，又到咗年尾。香港嘅冬至，袋鼠國嘅夏至，過埋呢個禮拜，就係2004。
未試過咁勤力，寫咁多嘢。細時唔交功課，而家就寫番夠本，係你嘅工作，一定要畀返晒你。卒之完成功課，而家，又有時間噏嘢喇。
年尾呀、學校假期呀、、大時大節呀、就係我呢行嘅淡季。雖然，成個商場都係人，硬係唔嚟幫襯我。做呢行做咗廿年，慣晒喇。本來可以他條啲，點知兩位幫手嘅女士，都返咗香港，我一支公，一周七日，做到聖誕前一日。袋鼠佬話 take the good, and take bad，我唔會呻。聖誕後，自己一條友四圍去，玩番佢四五日，補番數。
上個禮拜，袋鼠國有單法庭新聞。喺藍山區（就係我哋成日行山嗰附近）一個遍遠野外，住咗一群人。冇水冇電，過住衛生環境極差嘅生活。佢哋間唔中會揸車去附近小鎮買嘢，鎮上居民都認得佢哋，但從來冇溝通，只知啲細路，個個污糟貓咁嘅樣。袋鼠佬唔鍾意各家自掃門前雪，恐怕啲細路畀人疏忽照顧，於是報警，懷疑啲細佬有冇返學。警察到場，唔單只發現居住環境惡劣，兼且發現一單，後來法庭話，係澳洲歷史上，其中一單最惡劣嘅家庭悲劇。
呢四十人係一個家庭，全部出自一對紐西蘭兄妹。呢對不倫之戀嘅兄妹所生嘅後代，為咗逃避世人嘅耳目，輾轉嚟咗澳洲，住過幾個省，最後住咗嚟藍山。唔知係唔係有呢對兄妹嘅基因，呢四十人，全部係互相繁殖嘅結果，佢哋相互嘅關係，複雜到唔知點講。因為近親繁殖，好多細路染上遺傳病，有啲視力有問題、有啲行動有問題、又有啲智力有問題，總之就濕滯。唔駛講，細路冇書讀，亦唔識得照顧自己。為咗唔畀人知，佢哋只好住喺偏遠無人之境，繼績過呢啲不為世人所認同嘅生活。
法庭頒令，未成年細路由政府接管，有啲入院舍，有啲放喺寄養家庭。此事亦暫告一段落。
呢單案，我聯想起澳洲土著社區亦有相同問題。願意又好，強逼又好，複雜家庭關係，比比皆是。但係政府一揩到土著、原住民 indigenous people（而家唔可以叫小數民族）嘅問題，就即刻腳軟，警察執法都有顧忌。就算告上法庭，遇到啲左膠、white guilt 法官，佢哋會話呢啲係文化差異，要包融。咁就輕判了事。
回想二百幾年前，
二百年後，呢啲本來嘅士著後代，而家皮膚白雪雪，一口英文。走出嚟控告政府，話佢哋嘅祖祖⋯⋯祖父母畀政府偷走咗，拆散咗原來嘅家庭，喪失咗土著文化⋯⋯等等，要而家嘅政府道歉，最重要⋯⋯梗係要賠償喇。呢件事，就係所謂，「被盜的一代」 the stolen generations。何華德自由黨政府拒絕道歉，至2008年
對「被盜的一代」呢件事，唔同立場嘅人，有截然唔同嘅睇法。我會咁睇，如果個屋企好似地獄，又畀人打、又畀人糟質、又冇自由。咁樣，畀人「偷」走咗，又有乜嘢問題。最緊要係畀乜嘢人偷咗，如果偷走咗，又如珠如寶，又錫到燶，又供書教學。喂，三跪九叩都應該喇。感恩都嚟唔切，講乜嘢賠償。
袋鼠國唐人稱士著為「阿布」( aborigines，小心，「阿布」唔講得。分分鐘畀人話種族歧視）。佢哋有被盜一代，香港人何嘗唔係 stolen generations。1843年4月砵典乍登陸香港，此後，米字旗統治香港150年。我慶幸英國海盜已經放棄，好似統治非州，統治南亞次大陸嘅方法。統治香港，始終比較文明。文明唔文明，唔係我講嘅。香港由小漁村變成大都會。150年來，乜嘢人？由邊度？乜解究？要走落香港。就係答案。人，梗係擇優而居。個口講愛乜愛物，對腳就最老實，睇下啲人挾住家財，帶埋老婆仔女走去邊，嗰度就係心中至愛。
因緣際會，我成為被盜一代。雖然窮，有幸，老豆老母都錫到燶，自由自在，快快樂樂，我梗係要感恩。但係，幸福唔係必然嘅。正當我喺街市，拍緊公仔紙，嗰邊廂，向北望，紅線女畀造返派剃陰陽頭、小習總老豆被鬪，佢要下放農村、薄熙來兜心窩佢老豆一鎚，以示忠誠、鄧少平阿仔被逼跳樓，跌跛腳，⋯⋯。我呢個被盜一代，踎喺呢個被盗小島，避晒呢啲嘢。上堂唔駛聽書，放學上九樓吹水，返屋企又唔駛做功課。冇人要你表態，要跟緊跟呢個、忠於𠴱個。冇人逼你愛呢個愛嗰個，我當然要心懷感激喇。
袋鼠佬，過咗選舉，就冇人鐘意講政治。反觀香港，就年年講，月月講。花臣層出不窮，不過內裏，來來去去都係三幅被：政治民主化？係阿爺畀嘅，畀幾多，就係幾多。全民選特首？冇問題，阿爺會親自揀幾件精英畀你，然後任你一人一票，又點話。立法會？點變都冇所謂，只有一個條件，阿爺要有絶對多數。議會內掟路姆西？講 poor guy？鬧狗官？忍你，又有乜所謂。話畀全世界聽，邊個話我專制，我建制內都有反對派，民主過你英國佬！
1994年，我搖身一變，變成一個補鞋佬。到出年，咁就做咗二十年。全澳洲，有幾多個唐人醫生、唐人律師、唐人會計師、唐人廚師？真係多如恆河沙數喇。不過，我作為一個唐人鞋藝師，全澳洲，伸出五隻手指去數，都有剩，我梗係鳳毛麟角喇。咁多年來，為南半球環保事業，鼓勵減少消費，推廣循環再用，増強環境保䕶意識，我作出巨大貢獻⋯⋯。哈哈，語言偽術，吹水唔抹咀，講完唔駛找數。容乜易！我都有得出賣。
吹水完畢。
二十年來，我每日好重要嘅工作，就係要明白客人需要乜嘢、要求乜嘢、期望有幾高。同時更要明自己嘅功夫仔，可唔可以滿足客人要求。如果有落差，就向客人解釋，我可以做到點。更加要百份之百，知道客人係明白我講乜嘢，明白我可以做到點。我嘅溝通技巧，就係咁樣練返嚟。有時有啲客，尤其係韓國人，佢哋猛咁yes,yes，千祈唔好信佢哋啲 yes。佢哋講 yes，只係表示聽到我講緊嘢，其實唔一定明白我講乜。咁嘅情形，我寧願唔接個 job，好過之後拗數。
啲客最經常問：「整完之後，會唔會好肉酸 looked ugly」。我會同啲客講：乜嘢係靚？乜嘢係醜？我嘅靚，可能係你嘅醜；我嘅醜，可能你又會接受。醜、靚，咁抽象，我唔會用嚟形容我嘅 job。我會向個客解釋，邊度會多咗行缐 stitching，邊度多咗塊皮 patch、邊度可能會有膠印 glue marks。至於靚唔靚？可唔可以接受？你自己判斷。
又有時，客人將要將鞋加高、減低、放寛，收緊等。佢又會問你：「整完後，會唔會舒服 comfy to ware」 。我會同佢講 com 唔 comfy ，只有你知，我只照柯打做嘢，你話加高一吋，我就加一吋畀你。至於加高咗係咪舒服啲，咁就 at you own risk 嘞。雖然之前要講咁多嘢，有啲客甚至以為我唔想接佢嘅 job。但係，正正係我同啲客，事前講清講楚，廿年來，絕少因為誤會而惹麻煩。咁樣，我開工，開心又放心。
袋鼠佬有句說話：How long is a piece of string？呢句唔係一個提問，意思係，你唔講清講楚要求，人哋點知你要乜，點去配合你？啲客嚟買鞋帶，話要一對啱佢對鞋嘅鞋帶，又唔知幾長喎，我就用呢句說話回敬。
而家嗌嘈晒話要愛國愛港，小學雞又要愛，各級官員又要愛，特首？梗係要愛，而且係天經地義，不言而喻。如果我接到個咁嘅柯打，我就要問，中華民國、清朝、唐宋元明、係咪中國？清朝之前嘅新疆、蒙古、滿洲又係唔係中國？海森威、烏蘇里江、珍寶島。係咪舊時要愛，而家就唔駛愛。原來愛一笪地方，就憑嗰啲上大人，喺地圖畫個圈圈。
又要問，乜嘢係愛。林子祥喺我愛夜來香講：「愛？唔係講嘅，要做至得。」愛一個國家，如果見到政府集體貪污、毀壞文化、愚弄人民、高壓統治⋯⋯。人民想方設法，去推翻政府，咁算唔算愛。中學歷史都有得讀，百年中華大地，孫大炮推翻滿清政府、蔣委員長領軍北伐，搞掂北洋軍閥政府、毛主席百萬雄師過大江，趕走國民政府。而家有人話過你知：愛國一定唔可以同中央政府對抗。咁，阿孫、阿蔣、阿毛，又點評價？
當然，其實一字咁淺。愛國？實在要你愛政府。講到明喇，唔搞三權分立，唔搞多黨輪替。咁咪係執政黨要永遠控制政府。要你愛乜嘢？唔駛畫公仔畫出腸喇嘛。至於點做，至係愛，政府到時會指示你。當然一時一樣，邊話得埋。總之聽話，就係愛。
又要感恩，喺有生之年，可以親眼見到一眾大律師、大醫生、大教授、大官員、大餘孽，眾目睽睽，連學術榮譽都可以唔顧，大噏廢話。香港離開秦城咁遠，尚且如此。當年郭沫若歌頌兩個紅太陽，教導人民永遠忠於偉大領袖。中國火箭之父錢學森，用物理學，論證畝產九萬斤稻田嘅可能性，從而肯定三面紅旗，係幾咁偉大。我懂事後，鄙視佢哋，認為佢哋最無恥。而家，我要向郭、錢二老講聲對唔住，完來更無恥嘅，陸續有來。當年二老，伴君如伴虎，秦城就喺咫尺之遙。為安身立命，而亂嶖廿四。雖不可法，亦係明解。而家香港呢班大知識份子，又冇槍指住背脊，又冇刀架住條頸。做乜咁做？我點識講，等佢哋自己向歷史、向子子孫孫交代喇。
一講愛啊，恨啊，呢首歌就喺個腦彈出嚟。
萬般情
作詞：黃霑
作曲：顧嘉輝
主唱：葉麗儀
萬般情 萬般恨
像那春江河波瀾隱隱
什麼緣 什麼份
隨逝水東流再不要問
前塵舊事偏偏多記憶
心中種種歎息都烙下印
潮濤永遠沖不去
心裡面 往日痕
越多情 越多恨
何日江水會停 平息愛恨
真係估唔到，好似講緊我。
再噏過
嚤囉
No comments:
Post a Comment