2015.05.13
倒霉皇儲返轉頭，益晒符碌一殺手；老兵天堂相聚首，噏盡前塵泯恩仇。
柯拿，大家好，
古怪咗成年嘅雪梨天氣，呢幾個禮拜，終於都經常見到藍天白雲。我一見太陽，即刻出去曬，因為雪梨嘅冬天又就到喇，涼涼嘅風，加埋溫暖太陽，實在好舒服。
今日星期三，照常一早打開車房門開鋪。有個新客攞鞋嚟整，我多口問句，原來佢阿爸係克羅地亞移民，阿媽喺薩拉熱窩出世。哈，你話有冇咁啱？呢個星期五，我呢個冒充背囊友，就起程去旅行，目的地就係土耳其，仲有⋯⋯冇錯⋯⋯咪就係克羅地亜，同埋波斯尼亞嘅蕯拉熱窩嘞。
十九世紀末，二十世紀初，巴爾幹半島已經係兵家必爭之地，唔係點配得上歐洲火藥庫之名？1914年6月28日，奧匈帝國儲君，出訪波斯尼亞首都蕯拉熱窩。塞爾維亞民族主義分子派咗6個人去刺殺皇儲。車隊經過兩個殺手，點知，兩個都鵪鶉，唔敢落手。車到去第三個，呢個有尐吉士做嘢，不過，雞手鴨腳。佢掟個手榴彈出去，點知反彈咗去隔籬，果真誤中副車。出巡遇襲，皇儲好勞氣，去到市議會演講後就取消原定活動，改去醫院探望炸彈受傷者。司機唔知更改路綫，行錯路。當停低褪後時，好衰唔衰就褪到第四個殺手嘅地方。呢個殺手 Princip ，本來車隊，頭先已經經過佢嘅，不過佢冇膽郁手，正在懊悔之中，佢就走咗入一間「拉丁橋」邊嘅鋪頭。點知車隊又褪返轉頭，Princip 今次的起心肝，攞起手槍，喺5呎距離，開槍殺死皇儲及儲妃⋯⋯。
咁重要嘅歷史事件，原來發生得咁符碌！
行刺發生之後，「六月危機」將歐洲差唔多所有國家，全部拉晒落水。沖突始終要用武力解決，7月28日，奧匈帝國向塞爾維亞宣戰，喺呢一日，就係第一次世界大戰嘅開始。
冇耐，鄂圖曼帝國亦加入戰爭，對抗英法俄。英國要打開黑海出囗，就要攻打加里波利半島，於是袋鼠佬同 Kiwi 佬，烏啄啄捲入歐戰，千里迢迢走嚟土耳其，打咗8個月符碌之戰，就係我成日提及嘅澳紐軍團，加里波利戰役。
我會踏足加里波利，唔單止去澳紐軍團遺址，英軍同法軍都喺半島嘅南端作戰。亦會去土耳其士兵嘅紀念碑。當年歷史畀佢地嘅任務，就係保衛國土，佢哋犧牲嘅士兵倍於入侵盟軍。就加里波利戰役嚟講，土耳其士兵打咗勝仗，成功阻止盟軍入侵半島。百年前，各為其主，大家盡忠職守，彰顯勇敢。百年後，識英雄重英雄，大家惺惺相惜。邊有永遠嘅敵人？
設計行程時，睇到薩拉熱窩地圖，到處都係歷史。我諗，行喺蕯拉薩熱高街頭，登上拉丁橋，回望皇儲被刺一刻⋯⋯唔，應該好有歷史感。
橫掂嚟開巴爾幹，順手遊遊克羅地亞，佢有「阿得利亞海明珠」Pearl of the Adriatic 嘅稱號 。南面 Dalmatian coast ，沿住海岸，長 lei lei 嘅小島一個靠一個。我今次會喺船上住七日，遊覽各個小島。點遊？日頭用單車遊島，夜晚，就住喺船上。咁嘅旅遊方式，都係第一次。一定好過癮。
遊罷一戰歷史之旅，即刻飛香港，飲茶食飯吹水，樂不可支，到時
再噏過，
執嘢預備起程
柯拿，大家好，
古怪咗成年嘅雪梨天氣，呢幾個禮拜，終於都經常見到藍天白雲。我一見太陽，即刻出去曬，因為雪梨嘅冬天又就到喇，涼涼嘅風，加埋溫暖太陽，實在好舒服。
今日星期三，照常一早打開車房門開鋪。有個新客攞鞋嚟整，我多口問句，原來佢阿爸係克羅地亞移民，阿媽喺薩拉熱窩出世。哈，你話有冇咁啱？呢個星期五，我呢個冒充背囊友，就起程去旅行，目的地就係土耳其，仲有⋯⋯冇錯⋯⋯咪就係克羅地亜，同埋波斯尼亞嘅蕯拉熱窩嘞。
十九世紀末，二十世紀初，巴爾幹半島已經係兵家必爭之地，唔係點配得上歐洲火藥庫之名？1914年6月28日，奧匈帝國儲君，出訪波斯尼亞首都蕯拉熱窩。塞爾維亞民族主義分子派咗6個人去刺殺皇儲。車隊經過兩個殺手，點知，兩個都鵪鶉，唔敢落手。車到去第三個，呢個有尐吉士做嘢，不過，雞手鴨腳。佢掟個手榴彈出去，點知反彈咗去隔籬，果真誤中副車。出巡遇襲，皇儲好勞氣，去到市議會演講後就取消原定活動，改去醫院探望炸彈受傷者。司機唔知更改路綫，行錯路。當停低褪後時，好衰唔衰就褪到第四個殺手嘅地方。呢個殺手 Princip ，本來車隊，頭先已經經過佢嘅，不過佢冇膽郁手，正在懊悔之中，佢就走咗入一間「拉丁橋」邊嘅鋪頭。點知車隊又褪返轉頭，Princip 今次的起心肝，攞起手槍，喺5呎距離，開槍殺死皇儲及儲妃⋯⋯。
咁重要嘅歷史事件，原來發生得咁符碌！
行刺發生之後，「六月危機」將歐洲差唔多所有國家，全部拉晒落水。沖突始終要用武力解決，7月28日，奧匈帝國向塞爾維亞宣戰，喺呢一日，就係第一次世界大戰嘅開始。
冇耐，鄂圖曼帝國亦加入戰爭，對抗英法俄。英國要打開黑海出囗，就要攻打加里波利半島，於是袋鼠佬同 Kiwi 佬，烏啄啄捲入歐戰，千里迢迢走嚟土耳其，打咗8個月符碌之戰，就係我成日提及嘅澳紐軍團，加里波利戰役。
我會踏足加里波利，唔單止去澳紐軍團遺址，英軍同法軍都喺半島嘅南端作戰。亦會去土耳其士兵嘅紀念碑。當年歷史畀佢地嘅任務，就係保衛國土，佢哋犧牲嘅士兵倍於入侵盟軍。就加里波利戰役嚟講，土耳其士兵打咗勝仗，成功阻止盟軍入侵半島。百年前，各為其主，大家盡忠職守，彰顯勇敢。百年後，識英雄重英雄，大家惺惺相惜。邊有永遠嘅敵人？
設計行程時，睇到薩拉熱窩地圖，到處都係歷史。我諗，行喺蕯拉薩熱高街頭，登上拉丁橋，回望皇儲被刺一刻⋯⋯唔，應該好有歷史感。
橫掂嚟開巴爾幹，順手遊遊克羅地亞，佢有「阿得利亞海明珠」Pearl of the Adriatic 嘅稱號 。南面 Dalmatian coast ，沿住海岸，長 lei lei 嘅小島一個靠一個。我今次會喺船上住七日，遊覽各個小島。點遊？日頭用單車遊島，夜晚，就住喺船上。咁嘅旅遊方式，都係第一次。一定好過癮。
遊罷一戰歷史之旅，即刻飛香港，飲茶食飯吹水，樂不可支，到時
再噏過，
No comments:
Post a Comment