2013.06.02
雨中爬聖陵，三儍嚇餐勁。歡樂寶島遊，一噏口水流
柯拿，大家好
好慶幸可以好忙碌。一來，真係有好多嘢等住你去做，唔係無事忙，即係我呢個小小薯仔，對呢個小小宇宙，重有啲啲咁多價值。更重要嘅係，仍然有心有力去應付忙碌。直情要無限感恩喇。
用咗個幾禮拜，終於將香港、台灣遊嘅相上晒非是卜，分成四個段落，歡迎𥄫𥄫。而家，亦係時候總結一下行程，再耐啲，就唔記得晒嘞。
呢個台灣旅程，由澳洲中大校友搞起。團員除少數係校友親戚朋友外，全部都係經常見面嘅老友，玩起上嚟，特別過癮。相處成個月，日日猛吃猛喝，嘻嘻哈哈，無拘無束，開心得很。當然，唔駛開工，淨係吃喝玩樂，啱晒我性格，唔開心有鬼咯。又因為有Peter大哥一早計劃，Peggy妹妹將計劃變成真實。我呢個二打六，每日行程中，甚至唔知道第二日嘅行程係去邊。又咁講，駛乜知呢，緊跟偉大領䄂嘅正確路綫，幸福生活就會嚟喇。
四月廿七日朝早，重喺舖頭開緊工，夜晚就搭國泰飛香港。飛機唔止準時，重早到咗，粒幾鐘就出到灣仔，即刻同外父去飲茶就不在話下喇。
遠喺舊年同井少去行尼洎爾，就約好揾埋老鬼正正經經傾啲嘢。喺大家努力下，卒之完成心願，感覺良好，有機會再嚟咯。
江湖喪傳五言絶句，詩云：「馬仔未出手，個個唔浦頭，等佢噏出口，邊個夠膽走。」金牌人肉哨子，果然唔係浪得虛名。廿八號下晝兩點，楊受成樓下酒樓，就陸陸逐逐嚟咗三圍枱咁多人。個個大大聲聲，攪到大家姐要開個廳畀我哋，以免嚇親其他茶客，以為有社團講數開片。有一枱散客不知就裏，坐埋嚟，見勢色唔對，半粒鐘唔駛，就搬枱。個個好耐冇見，攬頭攬髻，雞啄唔斷。呢邊廂，驚住啲老友餓親，攞起點心紙，乜都剔，叫到成枱都係嘢。個個顧住吹水、影相，又要攪掂枱面啲蝦餃燒賣糯米雞，總之亂七八糟，當然，梗係愈亂愈開心，飲完呢餐茶，包你喉嚨痛足一個禮拜。
今次連潛咗水好耐嘅李饅頭，嘉應子，李話清都蒲埋頭。呀，重有功夫王梁錦泉
(幾耐冇見）都出席。到夜晚，又有一餐晚飯，連骷髏頭都蒲頭，真係不枉此行。老友鬼鬼，唔駛一一點名，總之多謝晒喇。移居袋鼠國咁耐，好多嘢都適應晒，始終好掛住呢個生我養我嘅小島，好唔捨得嘅就係屋企人，同埋由細玩到大嘅老友，每次聚會，我都好珍惜，下次又嚟過，唔會太耐嘅。
中大嘅臺灣團早喺四月中已經開始咗，我哋要喺五月至加入，原因就係要參加阿仔嘅婚禮---香港站。我同阿珊家庭簡單，但係親家兄弟姊妹多，一早已預咗要喺香港擺多一次。阿仔嘅職業就係 wedding planer，照舊，所有嘅籌備工作，都由佢一手包辦，我係一無所知，總之照指示辦事就得。
四月三十日，啊仔同新抱仔，一早就喺銅鑼灣出發，去咗影婚紗相。早上時陰時晴，都無阻佢哋影靚相，感恩到痺。而我哋就預咗下午3點搭啲士由灣仔出發去尖東文化中心出席婚禮。貴人出門果然招風雨，三點鐘，居然黃雨。橫風橫雨已經難搵的士，加上又係交更時間，截咗幾架都唔肯過海。卒之，我一個人行出灣仔道，唔理三七廿一，跳上一架的士，叫佢車入利景酒店，等架車洎入酒店，阿珊再跳上車，佢用氹雀仔落樹嘅投巧，居然氹得掂司機載我哋過海，咁都得，犀利啩。雖然到處塞車，一粒鐘左右，終於到達文化中心映月樓。即刻換靚衫，裝身，預備宴會。
呢日，唔係禮拜六、日，多數人都要等放工後至嚟得，冇咗酒席前要打麻雀嘅埸面。黃昏後，雨亦細咗，賓客陸逐到嚟，安排座位、影相等就不在話下喇。我哋移民嗰時，阿仔只得五歲，佢邊有乜嘢朋友喺香港。我哋又唔想搞到咁多人，請乜嘢人呢?都頗費周張。最後睇番阿仔喺香港嘅生日相，click!咁就攪掂。各位叔叔阿姨見到眼前呢個「新」郎哥，再諗起生日會嗰件百厭仔，一定別有一番滋味。
當晚流程𣈱順，我哋兩親家又一次好似木偶咁任人擺佈，全埸賓客開心盡興，成個文化中心都感受得到。話時話，講出嚟真係唔好意思，當晩我眼中只得三圍枱，搞搞下，腦筋混亂咗，好似同阿仔搞緊生日會。Hah，都冇飮酒吖，又會咁嘅?
冇乜瞓過，第二日一早就飛台北，開始我人生第一次嘅美麗島之旅。
喺台灣總共留咗十七日，唔似一般人去台灣，都係行街，四圍揾嘢食呀之類。我哋喺巿區嘅時間唔多，大部份時間入咗國家公園行山。
第一次去台灣，第一個印象，好到不得了。街上無垃圾桶，但係好乾淨。喺街上行走，都幾舒服。要彈嘅，就係騎摟底行人路時高時低，行起上嚟唔多方便，如果係輪椅又點搞呢?又因為落雨，好多電單車擺咗一半上行人踣路，條路又窄咗。
喺台灣行街，好有舊香港感覺。可能因為未有太誇張嘅地產霸權，條街充滿住好多小本經營嘅鋪頭仔。夫妻經營嘅小食店、小商店，做小修理手作嘅、懷才小藝術家嘅作坊，等等，因為唔駛應付龐大租金，得以生存。每一個各具特色嘅獨立環節，扣連起成為色彩斑斕嘅小街，再而至建構成一個多姿多彩嘅城巿。香港曾經係咁，而家已逐漸褪色。尋舊夢，台灣係好地方。不過聽講，台北屋價已經愈嚟愈貴，睇嚟都係世界趨勢嚟嘅。
聽講好多人鍾意去台灣四圍食，可能我對食物並唔係十分敏銳，我又唔覺得特別好食喎。今次都去過啲話幾出名嘅食肆，外面排晒長龍嘅，味道咪又係咁上下。咁，食得開唔開心?梗係䦕心喇，始終嗰句，最好嘅食物，就係同你鍾意嘅人、好朋友一齊開餐嘅食物。哦!難怪我覺得，我餐餐都食緊珍饈百味嘞。
台灣亦出名夜巿，今次去過台北士林，墾丁街夜巿。係好有特色，不過都係特色小食，日用品小飾物等等。又咁講，賣嚟賣去都係啲咁嘅嘢喇，太陽底下，邊有新事?比較起大笪地、廟街，台灣夜巿嘈雜中少一分巿井，熱鬧中多一點秩序。人比較有禮自律，雖然人山人海，感覺舒服。買嘢時，各人亦各守本份，見唔到爭先恐後、打尖鬆踭，體會和諧社會。咁樣，冇辦法阻止我唔去諗起返大陸，乜嘢都要爭，乜嘢都要搶，又要𥄫住唔畀人打尖，十分勞氣，十分傷感情。喂，老好日子唔係老逢嘅，而家每日有幾千名額由大陸去台灣旅遊，呢啲袋住大疊人仔嘅「陸客」點樣影響台灣，大家放長雙眼睇真啲喇喂。
美麗島3萬6千平方km，絶對唔大，但係有三分二係山區，而且最高點玉山3952m ，而高過3000m 嘅山有268座，可見島仔細細，景色變化好大。以行山嚟講，肯定靚過袋鼠國呢啲悶蛋古老大山。我哋由五月一日 登陸台灣開始，幾乎每一日嘅組識活動就係：行行行行行，由海邊怪石，行到國家公園步道。有時又要分成AB組，以適合行友體力差異。
五月十月，個團由高峯時廿九人減至得番九人。呢一日九個人再分成AB團，三個儍佬去行山，計劃用五日行完聖陵缐，途經嘅幾座高山全部3000以上。我口口聲聲講行山，個響導就成日話爬山，我以為係文化差異，表達方式唔同啫。點知行起嚟至知，嘩，乜真係要爬!第二日第三日，估唔到出埋繩，吊住落斷崖。唔駛問，呢次「 行」山，絕對應該係我人生空前絕後嘅創舉，因為以後如果叫我再揀，我絕對唔會揀啲咁嘅嘢嚟玩。不過，事物總有兩面睇，如果唔係烏啄啄，我又冇機會去試到啲咁驚險嘅嘢啫，又係嗰句，要感恩嘅。
玉山，好多人識，因為係台灣最高峯。聖陵缐，險，國外唔出名，但係台灣喜愛爬山嘅人，就無一不知喇。佢唔單止險，而且因為路綫就係沿住山峯與山峯間嘅山脊行，永遠喺最高點。遊走於削到尖畢甩嘅山峯、山嶺，兩邊就係懸崖，冇遮冇擋，一望無際，風景應該(?)好靚。可惜，四日（改變行程）行山，全程大霧大風大雨，重行埋雷，險就喺番晒度，靚就唔見晒。當然咁嘅經驗，十分難得，足以講一世。邊個想去爬，我建議佢喺秋天。
行程最後幾日，留咗喺台北。台北周邊地方，都有好多景點，可以包車，又可以搭㨗運、火車，交通方便得很，而且唔貴，食嘅，亦都好相宜。實在係旅遊好地方。
一定唔可以唔讚嘅就係人嘅質素，總嘅印象都係斯文有禮。喺街上遇到問題，或者要問路，個個都好樂意幫忙。搭捷運等公共交通，個個有規有矩，幾繁忙都好，個個自律，守本份。㨗運上有愛心座位，幾逼都好，唔夠秤，唔合資格，幾大都唔肯坐，所以成日見到空櫈。喂，講國民教育?學嘢咯。
台灣人，有三件事係好想做嘅，放心，一定唔會係反攻大陸。其一係登玉山，本來今次想安排，唔夠運，抽唔到登山證。有機會再試。其二係橫渡日月潭，唔係幾啱我。第三就係單車環島，Mmm 呢單嘢，我想一試，幾時呢?
由台東去武陵途中，經過梨山，即刻諗起呢首歌：
梨山痴情花
作曲：張玄武/陳金明
作词：于文
歌手：包娜娜
梨山有個姑娘，叫呀叫娜旦，
她的两颗眼睛，水呀水汪汪，
烏溜溜的頭髮披肩膀，
一把熱情像太陽。
梨山有個姑娘，叫呀叫娜旦，
唱起那個情歌，多呀多嘹亮
不管早晨黄昏天天等，
痴痴等她心上人。
太陽那個下山又一天，
冬去那個春到又一年，
梨山上痴情花，受折磨，
雪花飘飘已經過了三年，
負心那個情郎踪影如雲烟，
梨山上痴情花。受折磨。
喺梨山停咗一陣車，痴情花就見唔到，路邊有好多水蜜桃賣，重有，好多苯蛋烏蠅，僕咗喺度唔識郁，奇景。
台灣，真係好地方。
井少，你真識嘆。
再噏過，
嚤囉
Ps.想睇相可登入：
Part I
http://www.facebook.com/media/set/?set=a.467398306670928.1073741839.100002022875470&type=1&l=9641d423d
Part II
http://www.facebook.com/media/set/?set=a.468195073257918.1073741840.100002022875470&type=1&l=1620672b1f
Part III
http://www.facebook.com/media/set/?set=a.469107143166711.1073741842.100002022875470&type=1&l=60af30d
落斷崖
柯拿，大家好
好慶幸可以好忙碌。一來，真係有好多嘢等住你去做，唔係無事忙，即係我呢個小小薯仔，對呢個小小宇宙，重有啲啲咁多價值。更重要嘅係，仍然有心有力去應付忙碌。直情要無限感恩喇。
用咗個幾禮拜，終於將香港、台灣遊嘅相上晒非是卜，分成四個段落，歡迎𥄫𥄫。而家，亦係時候總結一下行程，再耐啲，就唔記得晒嘞。
呢個台灣旅程，由澳洲中大校友搞起。團員除少數係校友親戚朋友外，全部都係經常見面嘅老友，玩起上嚟，特別過癮。相處成個月，日日猛吃猛喝，嘻嘻哈哈，無拘無束，開心得很。當然，唔駛開工，淨係吃喝玩樂，啱晒我性格，唔開心有鬼咯。又因為有Peter大哥一早計劃，Peggy妹妹將計劃變成真實。我呢個二打六，每日行程中，甚至唔知道第二日嘅行程係去邊。又咁講，駛乜知呢，緊跟偉大領䄂嘅正確路綫，幸福生活就會嚟喇。
四月廿七日朝早，重喺舖頭開緊工，夜晚就搭國泰飛香港。飛機唔止準時，重早到咗，粒幾鐘就出到灣仔，即刻同外父去飲茶就不在話下喇。
遠喺舊年同井少去行尼洎爾，就約好揾埋老鬼正正經經傾啲嘢。喺大家努力下，卒之完成心願，感覺良好，有機會再嚟咯。
江湖喪傳五言絶句，詩云：「馬仔未出手，個個唔浦頭，等佢噏出口，邊個夠膽走。」金牌人肉哨子，果然唔係浪得虛名。廿八號下晝兩點，楊受成樓下酒樓，就陸陸逐逐嚟咗三圍枱咁多人。個個大大聲聲，攪到大家姐要開個廳畀我哋，以免嚇親其他茶客，以為有社團講數開片。有一枱散客不知就裏，坐埋嚟，見勢色唔對，半粒鐘唔駛，就搬枱。個個好耐冇見，攬頭攬髻，雞啄唔斷。呢邊廂，驚住啲老友餓親，攞起點心紙，乜都剔，叫到成枱都係嘢。個個顧住吹水、影相，又要攪掂枱面啲蝦餃燒賣糯米雞，總之亂七八糟，當然，梗係愈亂愈開心，飲完呢餐茶，包你喉嚨痛足一個禮拜。
今次連潛咗水好耐嘅李饅頭，嘉應子，李話清都蒲埋頭。呀，重有功夫王梁錦泉
(幾耐冇見）都出席。到夜晚，又有一餐晚飯，連骷髏頭都蒲頭，真係不枉此行。老友鬼鬼，唔駛一一點名，總之多謝晒喇。移居袋鼠國咁耐，好多嘢都適應晒，始終好掛住呢個生我養我嘅小島，好唔捨得嘅就係屋企人，同埋由細玩到大嘅老友，每次聚會，我都好珍惜，下次又嚟過，唔會太耐嘅。
中大嘅臺灣團早喺四月中已經開始咗，我哋要喺五月至加入，原因就係要參加阿仔嘅婚禮---香港站。我同阿珊家庭簡單，但係親家兄弟姊妹多，一早已預咗要喺香港擺多一次。阿仔嘅職業就係 wedding planer，照舊，所有嘅籌備工作，都由佢一手包辦，我係一無所知，總之照指示辦事就得。
四月三十日，啊仔同新抱仔，一早就喺銅鑼灣出發，去咗影婚紗相。早上時陰時晴，都無阻佢哋影靚相，感恩到痺。而我哋就預咗下午3點搭啲士由灣仔出發去尖東文化中心出席婚禮。貴人出門果然招風雨，三點鐘，居然黃雨。橫風橫雨已經難搵的士，加上又係交更時間，截咗幾架都唔肯過海。卒之，我一個人行出灣仔道，唔理三七廿一，跳上一架的士，叫佢車入利景酒店，等架車洎入酒店，阿珊再跳上車，佢用氹雀仔落樹嘅投巧，居然氹得掂司機載我哋過海，咁都得，犀利啩。雖然到處塞車，一粒鐘左右，終於到達文化中心映月樓。即刻換靚衫，裝身，預備宴會。
呢日，唔係禮拜六、日，多數人都要等放工後至嚟得，冇咗酒席前要打麻雀嘅埸面。黃昏後，雨亦細咗，賓客陸逐到嚟，安排座位、影相等就不在話下喇。我哋移民嗰時，阿仔只得五歲，佢邊有乜嘢朋友喺香港。我哋又唔想搞到咁多人，請乜嘢人呢?都頗費周張。最後睇番阿仔喺香港嘅生日相，click!咁就攪掂。各位叔叔阿姨見到眼前呢個「新」郎哥，再諗起生日會嗰件百厭仔，一定別有一番滋味。
當晚流程𣈱順，我哋兩親家又一次好似木偶咁任人擺佈，全埸賓客開心盡興，成個文化中心都感受得到。話時話，講出嚟真係唔好意思，當晩我眼中只得三圍枱，搞搞下，腦筋混亂咗，好似同阿仔搞緊生日會。Hah，都冇飮酒吖，又會咁嘅?
冇乜瞓過，第二日一早就飛台北，開始我人生第一次嘅美麗島之旅。
喺台灣總共留咗十七日，唔似一般人去台灣，都係行街，四圍揾嘢食呀之類。我哋喺巿區嘅時間唔多，大部份時間入咗國家公園行山。
第一次去台灣，第一個印象，好到不得了。街上無垃圾桶，但係好乾淨。喺街上行走，都幾舒服。要彈嘅，就係騎摟底行人路時高時低，行起上嚟唔多方便，如果係輪椅又點搞呢?又因為落雨，好多電單車擺咗一半上行人踣路，條路又窄咗。
喺台灣行街，好有舊香港感覺。可能因為未有太誇張嘅地產霸權，條街充滿住好多小本經營嘅鋪頭仔。夫妻經營嘅小食店、小商店，做小修理手作嘅、懷才小藝術家嘅作坊，等等，因為唔駛應付龐大租金，得以生存。每一個各具特色嘅獨立環節，扣連起成為色彩斑斕嘅小街，再而至建構成一個多姿多彩嘅城巿。香港曾經係咁，而家已逐漸褪色。尋舊夢，台灣係好地方。不過聽講，台北屋價已經愈嚟愈貴，睇嚟都係世界趨勢嚟嘅。
聽講好多人鍾意去台灣四圍食，可能我對食物並唔係十分敏銳，我又唔覺得特別好食喎。今次都去過啲話幾出名嘅食肆，外面排晒長龍嘅，味道咪又係咁上下。咁，食得開唔開心?梗係䦕心喇，始終嗰句，最好嘅食物，就係同你鍾意嘅人、好朋友一齊開餐嘅食物。哦!難怪我覺得，我餐餐都食緊珍饈百味嘞。
台灣亦出名夜巿，今次去過台北士林，墾丁街夜巿。係好有特色，不過都係特色小食，日用品小飾物等等。又咁講，賣嚟賣去都係啲咁嘅嘢喇，太陽底下，邊有新事?比較起大笪地、廟街，台灣夜巿嘈雜中少一分巿井，熱鬧中多一點秩序。人比較有禮自律，雖然人山人海，感覺舒服。買嘢時，各人亦各守本份，見唔到爭先恐後、打尖鬆踭，體會和諧社會。咁樣，冇辦法阻止我唔去諗起返大陸，乜嘢都要爭，乜嘢都要搶，又要𥄫住唔畀人打尖，十分勞氣，十分傷感情。喂，老好日子唔係老逢嘅，而家每日有幾千名額由大陸去台灣旅遊，呢啲袋住大疊人仔嘅「陸客」點樣影響台灣，大家放長雙眼睇真啲喇喂。
美麗島3萬6千平方km，絶對唔大，但係有三分二係山區，而且最高點玉山
五月十月，個團由高峯時廿九人減至得番九人。呢一日九個人再分成AB團，三個儍佬去行山，計劃用五日行完聖陵缐，途經嘅幾座高山全部3000以上。我口口聲聲講行山，個響導就成日話爬山，我以為係文化差異，表達方式唔同啫。點知行起嚟至知，嘩，乜真係要爬!第二日第三日，估唔到出埋繩，吊住落斷崖。唔駛問，呢次「 行」山，絕對應該係我人生空前絕後嘅創舉，因為以後如果叫我再揀，我絕對唔會揀啲咁嘅嘢嚟玩。不過，事物總有兩面睇，如果唔係烏啄啄，我又冇機會去試到啲咁驚險嘅嘢啫，又係嗰句，要感恩嘅。
玉山，好多人識，因為係台灣最高峯。聖陵缐，險，國外唔出名，但係台灣喜愛爬山嘅人，就無一不知喇。佢唔單止險，而且因為路綫就係沿住山峯與山峯間嘅山脊行，永遠喺最高點。遊走於削到尖畢甩嘅山峯、山嶺，兩邊就係懸崖，冇遮冇擋，一望無際，風景應該(?)好靚。可惜，四日（改變行程）行山，全程大霧大風大雨，重行埋雷，險就喺番晒度，靚就唔見晒。當然咁嘅經驗，十分難得，足以講一世。邊個想去爬，我建議佢喺秋天。
行程最後幾日，留咗喺台北。台北周邊地方，都有好多景點，可以包車，又可以搭㨗運、火車，交通方便得很，而且唔貴，食嘅，亦都好相宜。實在係旅遊好地方。
一定唔可以唔讚嘅就係人嘅質素，總嘅印象都係斯文有禮。喺街上遇到問題，或者要問路，個個都好樂意幫忙。搭捷運等公共交通，個個有規有矩，幾繁忙都好，個個自律，守本份。㨗運上有愛心座位，幾逼都好，唔夠秤，唔合資格，幾大都唔肯坐，所以成日見到空櫈。喂，講國民教育?學嘢咯。
台灣人，有三件事係好想做嘅，放心，一定唔會係反攻大陸。其一係登玉山，本來今次想安排，唔夠運，抽唔到登山證。有機會再試。其二係橫渡日月潭，唔係幾啱我。第三就係單車環島，Mmm 呢單嘢，我想一試，幾時呢?
由台東去武陵途中，經過梨山，即刻諗起呢首歌：
梨山痴情花
作曲：張玄武/陳金明
作词：于文
歌手：包娜娜
梨山有個姑娘，叫呀叫娜旦，
她的两颗眼睛，水呀水汪汪，
烏溜溜的頭髮披肩膀，
一把熱情像太陽。
梨山有個姑娘，叫呀叫娜旦，
唱起那個情歌，多呀多嘹亮
不管早晨黄昏天天等，
痴痴等她心上人。
太陽那個下山又一天，
冬去那個春到又一年，
梨山上痴情花，受折磨，
雪花飘飘已經過了三年，
負心那個情郎踪影如雲烟，
梨山上痴情花。受折磨。
喺梨山停咗一陣車，痴情花就見唔到，路邊有好多水蜜桃賣，重有，好多苯蛋烏蠅，僕咗喺度唔識郁，奇景。
台灣，真係好地方。
井少，你真識嘆。
再噏過，
嚤囉
Ps.想睇相可登入：
Part I
http://www.facebook.com/media/set/?set=a.467398306670928.1073741839.100002022875470&type=1&l=9641d423d
Part II
http://www.facebook.com/media/set/?set=a.468195073257918.1073741840.100002022875470&type=1&l=1620672b1f
Part III
http://www.facebook.com/media/set/?set=a.469107143166711.1073741842.100002022875470&type=1&l=60af30d
No comments:
Post a Comment