2014.12.26
開車鄧鏡波，到處蝦碌蟹出籮；人生恍如戲，早有按排預咗你。
柯拿，大家好，
「鈴鈴⋯⋯」，我個 iPhone 響。睇下來電顯示，係大小姐打電話畀我。以往，大小姐來電，我即刻掟低所有嘢接聽，今次唔得，我揸緊車，啱啱由機場出嚟，去雪梨市中心香格里拉酒店途中。莫老細坐係司機位旁邊，執住個咪，向車上六個由大陸嚟澳洲公務旅遊嘅乘客，講解緊雪梨概況⋯⋯。揸緊車，唔可以掂個電話，我叫莫老細熄咗個聲⋯⋯。「雪梨係澳洲第一大城⋯⋯」，佢繼續講。
搞邊科？
人生如戲，劇情、結局可以千變萬化，但係總有個戲軌，總有個鋪排。
我十七歳就着住校服學揸車，我仲記得師傅個名好有型，佢叫陳俠夫。當時學車 15 蚊一個鐘，因為有1朋友介紹，減收一蚊。毎次學車前，都喺檔囗錢兜攞錢畀學費。
嗰時冇乜日本車，人人都叫日本車車身做火水罐，笑佢單薄咁解。所有師傅車都用英國柯士甸 1000cc Minor 車仔，當日如果行過大球場加路連山道、東院道一帶，成條街都排滿師傅車，因為附近政府大球場就係考場。學車亦冇自動波，全部考手波車，「開車鄧鏡波（郁座位、郁後鏡、郁波棍）」，就係所有「學神」嘅口頭禪。嗰時揸車又要鬆極力子，又要成日𨍭波，仲要伸手出窗外打圈圈，又或者擺吓擺吓打手勢。又擰頭，又郁手，又郁腳，其實十分忙碌。我中學畢業前，已經考到車牌，嗰時屋企搵多個仙刮沙都冇，何來搵車揸？老豆肯大拿拿攞幾百蚊出嚟，都係希望我有一技旁身，將來搵工做，都多門工夫仔。
後來當然冇揸車維生，移民前，除咗好偶然喺香港租過車，又或者借過朋友、同事嘅車，（記得有一次，借玻璃忠老豆鋪頭架白色貨 van ，去南區海灘，通宵達旦揸車，成班𡃁仔就坐喺冇座位嘅車廂裏面，碌嚟碌去，司機就係我。嗰時，真係乜都敢死！）此外，根本就冇乜機會揸車，個車牌都可以講係雪藏牌。直至移民後，就真係幾乎每日都揸車，不過，都係自動波車。踩極力子？轉波？使唔使咁煩呀？
一個月前，將鋪頭搬返屋企。如意算盤係咁打嘅：屋企車房做工場，仍操故業，不過，只開放三日，其餘時間就打散工，希望每個禮拜搵返幾嚿水，幫補下使費。
廿幾年後，半百有多，再次下海搵工做，先至發覺，原來要喺老闆袋中攞幾嚿水使下，絶對唔係一件易事。
而家搵工，全部都用網絡。我係電腦白痴，填張表都要幾粒鐘。填下填下，一撳 next page ，忽然要你寫篇自白，最搞笑係要你做個測驗。大佬，我想做超市嘅理貨工人啫，使唔使咁巴閉呀？咁真係唔知進步定退步！嘥咗好多時間，袋鼠國兩大超市都填過表。佢哋永遠唔會話你得唔得，只係叫你保持住個搵工賬戶，然後保持聯絡。真係懷疑，我只係玩緊電腦遊戲，⋯⋯又抑或⋯⋯係我，畀個電腦玩緊！
冇得「坐而袋幣」，都唔好「坐以待斃」至得㗎。有尐做旅遊嘅朋友，講起，佢哋話，旅遊車司機都有得做，人工係奀豬尐，不過應該唔憂冇工開㗎。而家等錢使，事不宜遲，即刻請教呢位旅遊界巨子，點樣至可以坐上呢個司機位。莫老細娓娓道來：
要成為職業旅遊巴士司機，首先要將車牌（駕駛執照）升呢。一般人嘅車牌係 C 級，最多只可以載12個乘客。對上一級係 LR （ Light Rigid ），載嘅人數冇特別限制，但係架車要喺 8 噸以下，即係廿零三十人嘅巴士都可以揸。一般旅行團都係廿零人以下，我攞個 LR 牌，夠晒喇。要攞呢個牌，先去運輸處考個筆試（電腦），合格後就自己搵師傅，朝七晚四，包埋考試，一日搞掂。
四十年來，有幾何掂過手波車？仲要係十四座小巴。考試呢一日，坐上司機位，扮晒輕鬆鎮定，開車前𥄫下啲波位喺邊。我開頭話「人生如戲，有個鋪棑」，真係冇講錯，四十年前，陳俠夫師傅教我嘅功夫仔，而家又要使返出嚟。阿 Sam 話 「踩油抽筋掃波牙」，原來揸車真係會抽筋。呢一日，揸到下晝尾聲，隻左腳吊極力子，真係想抽想抽咁。結果？梗係一剔過，搞掂！呢個一日特訓班，多謝 850 蚊。
技術上，而家我有牌，可以揸呢種車，即係話，如果我有三十個朋友一齊坐我車去玩，完全冇問題。但係要商業載客，我就要考多個牌，就係：巴士司機許可證 Bus Driver Authority，無論一個客，或者一百個客都一樣。又係要去教車師傅度，買本手冊，讀熟就考個 Multiple Choice 筆試，而且係 open book，不限時間，冇人睇住，任你出貓。咁都得？係喎，原來考試內容就係巴士司機嘅日常操作程序、守則等硬資料，無謂要人生記死記，知道就得喇。不過最近多咗好多唔識英文嘅大陸移民，佢哋只需要畀錢上個班，考MC時，阿 Sir 同大家有商有量，咁，又過一關嘞。
咁，加加埋埋，都要投資千幾蚊至有資格去開工。不過，有資格開工唔等於有能力開工，更唔等於就有人請你去開工。咁係明解嘅，我新手一名，又未揸過咁大架車，況且車上仲有一大班人，邊有老細肯畀架車，同埋班客過你較飛呢？此外，你又知唔知邊條路去景點呢？由一個景點去下一個景點，邊條路最快？塞車又點兜路？邊度可以上落客，邊度停得旅遊車⋯⋯⋯⋯？吓！乜都唔知，邊個請你？但係，如果冇機會試，咁又點會知呢？唉！果真吊詭，有雞先，抑或有蛋先？
莫老細係識咗多年嘅朋友，呢次接咗個由香港嚟澳洲嘅公務團，其實，咁細個團，一個人做埋導遊揸埋車，佢遊刃有餘。咁啱，呢個旅行社夠闊佬，畀兩份錢，分開請司機、導遊。呢次，益晒我，我就一路實習，一路仲有錢收。
呢一晚，第一次接客（哈，接⋯⋯客⋯⋯？！）揸住架十四座，車尾仲拖住個 trailer 車斗！真係大挑戰！莫老細知我唔多掂，當然提早出車，仲預早去到擺旅遊車嘅停車場，練習練習。泊位，褪返出嚟，左擰右擰，滿頭大汗。我天資聰穎，雖然冇話短時間變成熟手技工，但係都算瞭解基本動作要訣。到接咗客人時，行李裝入車斗。褪出車位，順利駛出機場。哈哈，果然OK喎⋯⋯
就喺呢個時候，大小姐來電，雖然冇接電話，佢都參與、見證咗我呢趟嘅第一次。
跟住三日，就係雪梨市區遊，雪梨塔、歌劇院、海港大橋，三大地標，其他好似魚市場、邦大海灘、 Double Bay⋯⋯ 都一一去勻。一般旅行團好少去坎培拉，跟呢個工務團，就畀我有機會揸架小巴，仲拖住 trailer 行咁長途，真好彩。
呢個月，我跟咗幾個團。當中，行錯路，入錯波，架車跑馬仔，燈前鬆極力子 chock 死火，一一做勻，我嘅表演，絕對係旅行圑嘅附加節目，娛樂性有幾高就未知，總之不另收費。都好彩有莫老細坐喺旁邊提示，呢尐蝦碌全部變成開胃前菜，逐隻逐隻剝頭剝殼，全部搞返掂晒，哎唷都叫完成任務。其實，要攞經驗，一般都要做義工，仲要有人肯畀機會你至得，因為老細坐喺你身邊，佢仲驚過你。經過呢幾次，我揸過14座、21座、25座，係就係愈揸愈順，不過，講緊專業水平，似乎，而家我都仲係喺做義工實習嘅階段。冇所謂喇，仲未使等錢開飯，都可以慢慢嚟，攞多尐經驗再算。
鬼子佬話，we learn something new everyday，開講又有話「你睇我好我睇你好」。冇真正做過，真係點唔知其中難處。打工仔，最實際就係講工資工時，司機以朝早八點至下晝六點為一日，係計由酒店出發至酒店結束。自己去 depot 攞車，同埋自己來回酒店車程唔計在內。咁樣做一日，老闆就畀百三至百五，如果兼埋導遊，仲有貼士及客人「鳩烏」嘅回佣。夜晚六點後，偶然，會有客人包車夜遊，司機又會有額外三百蚊落袋。夜遊係玩到（畀人）夜晚十一、二點，再送人返酒店，自己又返屋企，第二日一早又要喺酒店出發，真係唔係講咁容易。
雪梨 City Tour，係所有團嘅必備項目，大部份景點，都集中喺雪梨市中心好細嘅範圍內。雪梨市中心，百幾二百年歷史，人多車多路又窄。仲有大旅遊車、大巴士、的士、單車四圍穿插，揸車根本就唔容易，仲要四圍搵位畀客上落。落咗客，架車又擺邊度？停唔到車，司機餐飯又點搞？記得喺歌劇院落咗班客，我要車前幾十米處停車等，嗰處只可以停15分鐘。我停低後要四圍𥄫住，有鐵馬嚟就要開車兜圈。我諗起我細細個同老豆擺街邊開檔，一路叫賣，一路就要四圍𥄫，睇下有冇着黃衫嘅差人或者灰衫嘅小販管理隊埋嚟，如果有人大嗌：「走鬼呀！」就即刻執嘢散水。估唔到半個世紀後，又再玩過「走鬼」遊戲。人生果然有趣，使唔使鋪排得咁巧妙。細時玩過嘅嘢，而家重新包裝，再玩過。哈，真過癮。
原來澳洲多數唐人旅行社，都唔會有自己嘅車隊，更加唔會長期僱有司機。旅行社除咗少數自組嘅 day tours 外（例如雪山團、獵人谷品酒團⋯⋯ ），多數承接澳洲國外嚟嘅團，旅行團有嚟自紐西蘭、英美加等地方，亦以唐人旅客為主。唔講個個都知，強國已經崛起，當然絕大部分接嘅團，都係嚟自中國大陸。旅行社接到團後，就搵相熟嘅車隊，甚至單頭司機車主，承接全個 inbound tour 嘅行程。由接機開始，到送機為止。如果個團細，就出架細車，司機做埋導遊，即所謂 driver guide。埋棧、鳩烏娛樂，一日三餐膳食，一腳踢，乜都關佢事。較大嘅團，旅行社可能會出自己嘅導遊，即係 local guides ，大陸叫「地接」，佢哋好多時甚至冇底薪，有都好奀豬，三、五十蚊一日，佢哋嘅收入，主要靠貼士同埋客人買嘢嘅回佣。以雪梨而家嘅狀況，我敢講九成九司機、導遊都係大陸人，我都遇過台灣留學生做導遊。如果識講廣東話嘅，多數都係廣州人，做呢行嘅香港人，簡直係鳳毛麟角，非常珍貴。做呢行，根本唔使識廣東話，甚至英文都唔多使點用。
旅行社嘅收入，最直接就係團費。但係，喺割喉競爭底下，團費愈嚟愈冇肉食，更加唔講有尐旅行社老闆，根本唔在意賺錢，佢哋只係買旅行社呢檔生意，嚟滿足移民澳洲嘅要求。最緊要生意額 （turn over) 夠大，賺蝕都冇乜所謂。團費愈做愈 cheap，聽講仲有 「零團費」𠻹。咁嘅營商生態，司機、導遊又點會有好收入？另一方面，旅行社為咗增加收入，好多都開埋禮品店，每日食晚餐前，成團人車去旅行社開嘅禮品店，老闆、導遊就多一筆收入，不過司機就冇份，只係象徵式，封返十蚊廿蚊利是，意思意思一下咁喇。
如果有旅行社派出導遊上車嘅團，司機嘅工作就十分簡單，就係導遊話去邊就去邊。我最初跟車，以為做旅遊呢一行，一定要同客人傾吓偈。點知畀人告誡，原來行規，有導遊在，司機盡量都唔同客人傾偈，就算客人問，都一定係十問九唔知（或係詐唔知）。又係嘅，團嘅行程編排，住宿嘅地點，就順住旅行社嘅方便。如果司機唔覺意透露，旅客原來可能會有另外嘅選擇，咁就對導遊造成壓力。再唔講，導遊嘅行程、途中嘅講解，都順便鋪排緊客人購物嘅欲望。例如，佢哋解說藍山之所以藍色，就係因為胺樹嘅油脂分泌，從而帶出胺樹脂產品嘅神奇功效。又或者當講解到馬連奴綿羊 Marino sheep 由歐洲嚟澳洲嘅移民史，亦會強調羊毛係幾咁優質，陣間客人因此買多幾張羊毛被，咁導遊收入又多咗。我哋做司機嘅，就唔好口多多，一個唔覺意，開口及著脷，影響人哋收入，就唔好喇。
旅遊車司機，絕對唔係輕鬆他條嘅工作。記得跟一團，去大哥成間餐館食晚飯，成嫂好奇怪，點解會喺咁嘅場合見到我，知道我學緊做司機，佢話：「做司機，係艱苦嘅工作喎」，佢哋做好多旅行團餐飲，長時間接觸咁多旅行團，當然明瞭大概，呢尐一定係佢肺腑之言。總嘅嚟講，我嘅印象，勤力開工，都係搵到兩餐晏仔嘅，但一尐都晤簡單。我有機會踏隻腳入門，感受一吓，都算係幾特別嘅人生經歷。
跟住？就梗係磨鍊技術，舞掂架車，認住尐路，到需要獨當一面之時，都唔使咁騰雞吖嘛。
開車鄧鏡波，到處蝦碌蟹出籮；人生恍如戲，早有按排預咗你。
柯拿，大家好，
「鈴鈴⋯⋯」，我個 iPhone 響。睇下來電顯示，係大小姐打電話畀我。以往，大小姐來電，我即刻掟低所有嘢接聽，今次唔得，我揸緊車，啱啱由機場出嚟，去雪梨市中心香格里拉酒店途中。莫老細坐係司機位旁邊，執住個咪，向車上六個由大陸嚟澳洲公務旅遊嘅乘客，講解緊雪梨概況⋯⋯。揸緊車，唔可以掂個電話，我叫莫老細熄咗個聲⋯⋯。「雪梨係澳洲第一大城⋯⋯」，佢繼續講。
搞邊科？
人生如戲，劇情、結局可以千變萬化，但係總有個戲軌，總有個鋪排。
我十七歳就着住校服學揸車，我仲記得師傅個名好有型，佢叫陳俠夫。當時學車 15 蚊一個鐘，因為有1朋友介紹，減收一蚊。毎次學車前，都喺檔囗錢兜攞錢畀學費。
嗰時冇乜日本車，人人都叫日本車車身做火水罐，笑佢單薄咁解。所有師傅車都用英國柯士甸 1000cc Minor 車仔，當日如果行過大球場加路連山道、東院道一帶，成條街都排滿師傅車，因為附近政府大球場就係考場。學車亦冇自動波，全部考手波車，「開車鄧鏡波（郁座位、郁後鏡、郁波棍）」，就係所有「學神」嘅口頭禪。嗰時揸車又要鬆極力子，又要成日𨍭波，仲要伸手出窗外打圈圈，又或者擺吓擺吓打手勢。又擰頭，又郁手，又郁腳，其實十分忙碌。我中學畢業前，已經考到車牌，嗰時屋企搵多個仙刮沙都冇，何來搵車揸？老豆肯大拿拿攞幾百蚊出嚟，都係希望我有一技旁身，將來搵工做，都多門工夫仔。
後來當然冇揸車維生，移民前，除咗好偶然喺香港租過車，又或者借過朋友、同事嘅車，（記得有一次，借玻璃忠老豆鋪頭架白色貨 van ，去南區海灘，通宵達旦揸車，成班𡃁仔就坐喺冇座位嘅車廂裏面，碌嚟碌去，司機就係我。嗰時，真係乜都敢死！）此外，根本就冇乜機會揸車，個車牌都可以講係雪藏牌。直至移民後，就真係幾乎每日都揸車，不過，都係自動波車。踩極力子？轉波？使唔使咁煩呀？
一個月前，將鋪頭搬返屋企。如意算盤係咁打嘅：屋企車房做工場，仍操故業，不過，只開放三日，其餘時間就打散工，希望每個禮拜搵返幾嚿水，幫補下使費。
廿幾年後，半百有多，再次下海搵工做，先至發覺，原來要喺老闆袋中攞幾嚿水使下，絶對唔係一件易事。
而家搵工，全部都用網絡。我係電腦白痴，填張表都要幾粒鐘。填下填下，一撳 next page ，忽然要你寫篇自白，最搞笑係要你做個測驗。大佬，我想做超市嘅理貨工人啫，使唔使咁巴閉呀？咁真係唔知進步定退步！嘥咗好多時間，袋鼠國兩大超市都填過表。佢哋永遠唔會話你得唔得，只係叫你保持住個搵工賬戶，然後保持聯絡。真係懷疑，我只係玩緊電腦遊戲，⋯⋯又抑或⋯⋯係我，畀個電腦玩緊！
冇得「坐而袋幣」，都唔好「坐以待斃」至得㗎。有尐做旅遊嘅朋友，講起，佢哋話，旅遊車司機都有得做，人工係奀豬尐，不過應該唔憂冇工開㗎。而家等錢使，事不宜遲，即刻請教呢位旅遊界巨子，點樣至可以坐上呢個司機位。莫老細娓娓道來：
要成為職業旅遊巴士司機，首先要將車牌（駕駛執照）升呢。一般人嘅車牌係 C 級，最多只可以載12個乘客。對上一級係 LR （ Light Rigid ），載嘅人數冇特別限制，但係架車要喺 8 噸以下，即係廿零三十人嘅巴士都可以揸。一般旅行團都係廿零人以下，我攞個 LR 牌，夠晒喇。要攞呢個牌，先去運輸處考個筆試（電腦），合格後就自己搵師傅，朝七晚四，包埋考試，一日搞掂。
四十年來，有幾何掂過手波車？仲要係十四座小巴。考試呢一日，坐上司機位，扮晒輕鬆鎮定，開車前𥄫下啲波位喺邊。我開頭話「人生如戲，有個鋪棑」，真係冇講錯，四十年前，陳俠夫師傅教我嘅功夫仔，而家又要使返出嚟。阿 Sam 話 「踩油抽筋掃波牙」，原來揸車真係會抽筋。呢一日，揸到下晝尾聲，隻左腳吊極力子，真係想抽想抽咁。結果？梗係一剔過，搞掂！呢個一日特訓班，多謝 850 蚊。
技術上，而家我有牌，可以揸呢種車，即係話，如果我有三十個朋友一齊坐我車去玩，完全冇問題。但係要商業載客，我就要考多個牌，就係：巴士司機許可證 Bus Driver Authority，無論一個客，或者一百個客都一樣。又係要去教車師傅度，買本手冊，讀熟就考個 Multiple Choice 筆試，而且係 open book，不限時間，冇人睇住，任你出貓。咁都得？係喎，原來考試內容就係巴士司機嘅日常操作程序、守則等硬資料，無謂要人生記死記，知道就得喇。不過最近多咗好多唔識英文嘅大陸移民，佢哋只需要畀錢上個班，考MC時，阿 Sir 同大家有商有量，咁，又過一關嘞。
咁，加加埋埋，都要投資千幾蚊至有資格去開工。不過，有資格開工唔等於有能力開工，更唔等於就有人請你去開工。咁係明解嘅，我新手一名，又未揸過咁大架車，況且車上仲有一大班人，邊有老細肯畀架車，同埋班客過你較飛呢？此外，你又知唔知邊條路去景點呢？由一個景點去下一個景點，邊條路最快？塞車又點兜路？邊度可以上落客，邊度停得旅遊車⋯⋯⋯⋯？吓！乜都唔知，邊個請你？但係，如果冇機會試，咁又點會知呢？唉！果真吊詭，有雞先，抑或有蛋先？
莫老細係識咗多年嘅朋友，呢次接咗個由香港嚟澳洲嘅公務團，其實，咁細個團，一個人做埋導遊揸埋車，佢遊刃有餘。咁啱，呢個旅行社夠闊佬，畀兩份錢，分開請司機、導遊。呢次，益晒我，我就一路實習，一路仲有錢收。
呢一晚，第一次接客（哈，接⋯⋯客⋯⋯？！）揸住架十四座，車尾仲拖住個 trailer 車斗！真係大挑戰！莫老細知我唔多掂，當然提早出車，仲預早去到擺旅遊車嘅停車場，練習練習。泊位，褪返出嚟，左擰右擰，滿頭大汗。我天資聰穎，雖然冇話短時間變成熟手技工，但係都算瞭解基本動作要訣。到接咗客人時，行李裝入車斗。褪出車位，順利駛出機場。哈哈，果然OK喎⋯⋯
就喺呢個時候，大小姐來電，雖然冇接電話，佢都參與、見證咗我呢趟嘅第一次。
跟住三日，就係雪梨市區遊，雪梨塔、歌劇院、海港大橋，三大地標，其他好似魚市場、邦大海灘、 Double Bay⋯⋯ 都一一去勻。一般旅行團好少去坎培拉，跟呢個工務團，就畀我有機會揸架小巴，仲拖住 trailer 行咁長途，真好彩。
呢個月，我跟咗幾個團。當中，行錯路，入錯波，架車跑馬仔，燈前鬆極力子 chock 死火，一一做勻，我嘅表演，絕對係旅行圑嘅附加節目，娛樂性有幾高就未知，總之不另收費。都好彩有莫老細坐喺旁邊提示，呢尐蝦碌全部變成開胃前菜，逐隻逐隻剝頭剝殼，全部搞返掂晒，哎唷都叫完成任務。其實，要攞經驗，一般都要做義工，仲要有人肯畀機會你至得，因為老細坐喺你身邊，佢仲驚過你。經過呢幾次，我揸過14座、21座、25座，係就係愈揸愈順，不過，講緊專業水平，似乎，而家我都仲係喺做義工實習嘅階段。冇所謂喇，仲未使等錢開飯，都可以慢慢嚟，攞多尐經驗再算。
鬼子佬話，we learn something new everyday，開講又有話「你睇我好我睇你好」。冇真正做過，真係點唔知其中難處。打工仔，最實際就係講工資工時，司機以朝早八點至下晝六點為一日，係計由酒店出發至酒店結束。自己去 depot 攞車，同埋自己來回酒店車程唔計在內。咁樣做一日，老闆就畀百三至百五，如果兼埋導遊，仲有貼士及客人「鳩烏」嘅回佣。夜晚六點後，偶然，會有客人包車夜遊，司機又會有額外三百蚊落袋。夜遊係玩到（畀人）夜晚十一、二點，再送人返酒店，自己又返屋企，第二日一早又要喺酒店出發，真係唔係講咁容易。
雪梨 City Tour，係所有團嘅必備項目，大部份景點，都集中喺雪梨市中心好細嘅範圍內。雪梨市中心，百幾二百年歷史，人多車多路又窄。仲有大旅遊車、大巴士、的士、單車四圍穿插，揸車根本就唔容易，仲要四圍搵位畀客上落。落咗客，架車又擺邊度？停唔到車，司機餐飯又點搞？記得喺歌劇院落咗班客，我要車前幾十米處停車等，嗰處只可以停15分鐘。我停低後要四圍𥄫住，有鐵馬嚟就要開車兜圈。我諗起我細細個同老豆擺街邊開檔，一路叫賣，一路就要四圍𥄫，睇下有冇着黃衫嘅差人或者灰衫嘅小販管理隊埋嚟，如果有人大嗌：「走鬼呀！」就即刻執嘢散水。估唔到半個世紀後，又再玩過「走鬼」遊戲。人生果然有趣，使唔使鋪排得咁巧妙。細時玩過嘅嘢，而家重新包裝，再玩過。哈，真過癮。
原來澳洲多數唐人旅行社，都唔會有自己嘅車隊，更加唔會長期僱有司機。旅行社除咗少數自組嘅 day tours 外（例如雪山團、獵人谷品酒團⋯⋯ ），多數承接澳洲國外嚟嘅團，旅行團有嚟自紐西蘭、英美加等地方，亦以唐人旅客為主。唔講個個都知，強國已經崛起，當然絕大部分接嘅團，都係嚟自中國大陸。旅行社接到團後，就搵相熟嘅車隊，甚至單頭司機車主，承接全個 inbound tour 嘅行程。由接機開始，到送機為止。如果個團細，就出架細車，司機做埋導遊，即所謂 driver guide。埋棧、鳩烏娛樂，一日三餐膳食，一腳踢，乜都關佢事。較大嘅團，旅行社可能會出自己嘅導遊，即係 local guides ，大陸叫「地接」，佢哋好多時甚至冇底薪，有都好奀豬，三、五十蚊一日，佢哋嘅收入，主要靠貼士同埋客人買嘢嘅回佣。以雪梨而家嘅狀況，我敢講九成九司機、導遊都係大陸人，我都遇過台灣留學生做導遊。如果識講廣東話嘅，多數都係廣州人，做呢行嘅香港人，簡直係鳳毛麟角，非常珍貴。做呢行，根本唔使識廣東話，甚至英文都唔多使點用。
旅行社嘅收入，最直接就係團費。但係，喺割喉競爭底下，團費愈嚟愈冇肉食，更加唔講有尐旅行社老闆，根本唔在意賺錢，佢哋只係買旅行社呢檔生意，嚟滿足移民澳洲嘅要求。最緊要生意額 （turn over) 夠大，賺蝕都冇乜所謂。團費愈做愈 cheap，聽講仲有 「零團費」𠻹。咁嘅營商生態，司機、導遊又點會有好收入？另一方面，旅行社為咗增加收入，好多都開埋禮品店，每日食晚餐前，成團人車去旅行社開嘅禮品店，老闆、導遊就多一筆收入，不過司機就冇份，只係象徵式，封返十蚊廿蚊利是，意思意思一下咁喇。
如果有旅行社派出導遊上車嘅團，司機嘅工作就十分簡單，就係導遊話去邊就去邊。我最初跟車，以為做旅遊呢一行，一定要同客人傾吓偈。點知畀人告誡，原來行規，有導遊在，司機盡量都唔同客人傾偈，就算客人問，都一定係十問九唔知（或係詐唔知）。又係嘅，團嘅行程編排，住宿嘅地點，就順住旅行社嘅方便。如果司機唔覺意透露，旅客原來可能會有另外嘅選擇，咁就對導遊造成壓力。再唔講，導遊嘅行程、途中嘅講解，都順便鋪排緊客人購物嘅欲望。例如，佢哋解說藍山之所以藍色，就係因為胺樹嘅油脂分泌，從而帶出胺樹脂產品嘅神奇功效。又或者當講解到馬連奴綿羊 Marino sheep 由歐洲嚟澳洲嘅移民史，亦會強調羊毛係幾咁優質，陣間客人因此買多幾張羊毛被，咁導遊收入又多咗。我哋做司機嘅，就唔好口多多，一個唔覺意，開口及著脷，影響人哋收入，就唔好喇。
旅遊車司機，絕對唔係輕鬆他條嘅工作。記得跟一團，去大哥成間餐館食晚飯，成嫂好奇怪，點解會喺咁嘅場合見到我，知道我學緊做司機，佢話：「做司機，係艱苦嘅工作喎」，佢哋做好多旅行團餐飲，長時間接觸咁多旅行團，當然明瞭大概，呢尐一定係佢肺腑之言。總嘅嚟講，我嘅印象，勤力開工，都係搵到兩餐晏仔嘅，但一尐都晤簡單。我有機會踏隻腳入門，感受一吓，都算係幾特別嘅人生經歷。
跟住？就梗係磨鍊技術，舞掂架車，認住尐路，到需要獨當一面之時，都唔使咁騰雞吖嘛。
再噏過，
嚤囉
No comments:
Post a Comment